حمامة بغداد

الريشــه-11-

صبَرٌ جميل ثُم جبرٌ عظِيم من الله

الريشــه-11-

قــراءة ممتعــه...♥️

جُلنــار ...

-فتحت عيوني ؏ وسعها واني الدم مغرگني اني وفراشي اختنگت والدموع تجمعت بعيوني هسه شسوي اني وين اطي وجهي گمت ؏ حيلي ارجف وگلبــي يريد يطلع من مكانه
فتت للحمام احاول ادبر شي ماگدر لميت روحــي بالزاية اشهگ يربي شديصير شسوي هسه ضليت ابچي حدما سمعت خطواته قريبة من الباب دگه كذا مره عضيت شفتي وهمست ...

جُلنــار:هاا الخنجــر هاا

الخنجــر:اطلعي بابا عليش حابسه روحچ

جُلنــار:عوفني ماگدر روح فدوه

الخنجــر:شصاير احچي

-بچيت بصوت غطيت حلگي اكتم صوتي راح صوته شويه ورجع وصوته واضح قلقان ...

الخنجــر:افتحي الباب فهميني بابا شبيچ

جُلنــار:ماااگدر اگُلك رووح

الخنجــر:هاچ ورقة وقلم گليلي شتريدين قابل تضلين محبوسه فتحي بابا

-بچيت اكثر من الاحراج الصار فتحته خفيف ومديت ايدي ارجف وجسمي بارد ثلج اخذته وكتبت بإيد ترجف رجف فتحت الباب اخذها واختفى مر وقت هواي وحسيت بي اجه گمت باوعت جواي الدم يمشي بالگاع بلعت ريگي خايفة كُلش دگ الباب وهمس ...

الخنجــر:افتحي بنياتي هاچ

-فتحته مديت ايدي واخذت الكيس فتحته تراك واشياء احتاجها صخنت من الخجل فتت سبحت وطلعت لافه المنشفه ؏ شعري فراشي ماهو وفراشه اعرفه فارشه بمكاني طلعت ادور عليه ماكو باوعت للدرج ضوه قوي من فوگ وصوت طرگعه بالسطح وگفت واردفت بصوت عالي ...

جُلنــار:الخنجــر وينك

الخنجــر:موجود اكلچ بالمطبخ كملي واخذي الحبايه الموجوده بالصينيه و روحــي نامي

جُلنــار:عوف الفراش انـ...

الخنجــر:كلمتي ماااثنيها

-سُكتت رحت اكلت بالمطبخ ولميت المواعين ومتگطعه من الوجع اخذت العلاج شربته وفتت مشطت شعري ونمت جسمي عبالك مبنج بسُرعه نمت وره فتره حسيت بدغدغه يم رجليه فزيت اباوعله يلبسني جواريب اردف بهدوء ...