حمامة بغداد

الريشــه-20-

ماسعى لله ساعِ الأ بلغ🩶

الريشــه-20-

قــراءة ممتعــه...♥️

جُلنــار ...

-صوت الاسعاف برة باوعت عليهم بس سمع ســلام الصوت صرخ متخبل يتوسل بي گلبــي وجعني كُلش عليه باوع للباب ورجع باوعلة واردف يشهگ ويبچي ...

ســلام:كلشيي ترييد اسوي بسس لياخذوووني
الخنجــر مااا اتحمل الله يخلييك ابوس ايدك ولله اسوي كلشييي ترييده الخنجــر الله يخليييك

الخنجــر:وعد ما اعوفك لازم تتعالج ســلام لتاخذ روحــي هيچ ابويه انتَ

ســلام:اموت اذا رحت ولله بعد ما اكررها ولله اعوفكم واروح وما ..ما اسويلكم شي ولا اجيبلكم اذية ولله ولله .. الخنجــر اموت اذا حطوني وياااهم ولله

-بچيت اكثر اشرلي افتحلهم الباب مشيت بروح مهزوزة هز لبست صاية وطلعت فتحت الباب دخلو لابسين ابيض ووياهم شغلات دخلو بس شافهم صرخ بصوت اعلى يبوس بيد الخنجــر يبچي
نكسر گلبــي وللحظة نسيت كُلشي سوا بيه ردتة يتأذة بس مَردت هيچ يصيرلة ولا ينحط بهيچ موقف
تقربو حاصرو وهو يدفع بيهم ويتوسل بيه وبـ الخنجــر مسيطرو ضربو مهدئ
فُقد وعية لبسو شي ابيض وربطو ايديه وشالو بالسدية وطلعوا اباوع للـ الخنجــر يرجف مسح وجهه وراح بدل باوعتلة واردفت ...

جُلنــار: بُرهــان وين رايح

الخنجــر:وراهم اتفق وياهم يدارو زين شگد ميگدرون

-هزيت راسي طلع وسد البوب ورا بچيت ؏ ســلام شون صُفة حالة بالمصح تذكرت شگد تحسبت عليهم ودعيت خفت اكثر معقولة الله استجاب دُعائي بس لان ظلموني
لعــد الخنجــر شيصير بي هواي دعيت عليه اول دعيت ؏ ابني ومات دعيت ؏ ســلام فُقد عقلة وبالمصح زين الخنجــر مصيرة شنو خفت وگلبــي تسارعت دگاتة اكثر
رحت توضيت وصليت الضحى ودعيت ربي يسحب دعواتي منّ الخنجــر لان فعلاً مضل عندي غيرة واذا صارلة شي يصفى حالي حال عمتي كملت گمت سبحت وبدلت عقلي مشوش
منظر ســلام ميروح من بالي وگفت اريد اسوي اكل بس مابيه حيلي رايح ماعرف شبية خايفة
للظُهر اجة الخنجــر ساكت وجهه تعبان سبح ونام تقربت يمه نمت سحبت راسة ضم وجهه بصدري حاضني بقوة بادلتة وحاولت انام بس مَگدرت لا اني نمت ولا هو بس ساكتين
مرن كم يوم وحالة مكتئب كُلشي وبس صافن ويدخن وكُل شويه عينة تجي عليه جيت العصر حطيتلة چاي واردفت ...