حمامة بغداد

الريشــه-17-

⁩تذكّر أن الله سيُحدث لك أمراً لم يكُن بالحسبان.

الريشــه-17-

قــراءة ممتعــه...♥️

جُلنــار ...

-ســلام گاعد بالباب دموعة مغطية وجهه لابس دشداشه سودة وكُلها تراب شعرة مبعثر وحالته تكسر الگلــب يشاهگ شون الطفل دنگ الخنجــر وگعد رُكبة ونص مقابيلة
رُفع ايده مسح وجهه واردف بكامل هدوئه ...

الخنجــر:شصاير شبيك

ســلام:حوبتكم ما تعدتني سدت البوب بوجهي واخذت إعزاز گلبــي مني

الخنجــر :اشش تعال فوت وفهمني

-اخذ ايده نهض يمسح دموعة بظهر ايده حسيته فاقد مو طبيعي فات وسد الباب دخله للصالة وگعد مقابيله رحت جبت ماي ايديه ترجف شبيه الهبطة قوية ولحد هسه ما فهمنه شصاير اخذ
الخنجــر الماي مني وقدمة اله دار وجهه ماقابل ...

الخنجــر:اشري ماي وجهك شاحب شبيك

-فتح ايده مشخطات ومتروسات تراب يباوع بيهن ويبچي بصوت مسموع بچيت عليه مكسور گلبــي ...

ســلام:ماتو ثنينهم بنفس الليلة ثنينهم ماتو دفنتهم اليوم الخنجــر اليوم
ابوي وامي عافوني وحيد مالي احد اخوة ماكو ولا خوات ولا أصدقاء وين اروح بعد وين

-بُقينة مصدومين ماگدر الخنجــر ينطق بحرف ولا اني الگدرت احچي
ثنينهم بيوم واحد فاجعة قويه كسرتة وطفت الدنيا بعينة لزم راسة يضرب بقوته ويصرخ ...

ســلام:عاااافونييي عااافونييي ريتنييي انيي المييت اني ما استااهل اعيش ما استاهل

-ركض سحب ايده وحُضنه بقوة عيونه مدمعات ويلم بي شهگ ساكت شويه وهمس ...

الخنجــر:كاافي وليدي اني ماعوفك يمك

ســلام:انتَ اول خساراتي انتَ اول انكساري انتَ اول واحد تركني وراح لك مرضى ثنينهم مادري منو اداري وبيمن احير لك متت الف موته كل يوم اموت الخنجــر كل يوم جاي اموت