حمامة بغداد

الريشــه-15-

قَدّ يؤخرَ الله الجَمِيل لِيجعلهُ أجملَ.. ❤️‍🩹

الريشــه-15-

قــراءة ممتعــه...♥️

جُلنــار ...

-فتحت عيوني غواش بيهن دايخة وراسي مسطور ايدي توجعني رُفعت ايدي الثانيه افرك بيعيني باوعت من حسيته يمي گاعد وراسة بين ايديه وعينه بالفراغ صوتي مشخط وريگي ناشف
حس عليه ورُفع راسه ساكت بس عيونه تحچي كُلشي عافني وطلع شويه واجه الدكتور تأكد اني زينة كتبلي مجموعة ڤيتامينات وراح كتبنه خروج ورجعنا للبيت
الطريق كُله ساكتين محد يحچي شي وصلنا البيت نزلت دايخة مسطورة كُلش فرشلي ذبيت الصاية والحجاب وتمددت خايفة تذكرت الطفل باوعت بعينة وهمست ...

جُلنــار:الطفل راح ؟

الخنجــر:لا

جُلنــار:لتچذب

الخنجــر:لو رايح املص راسچ حمــامـة تره ماساكتلچ السويتي اليوم تتحاسبين عليه تره حضري روحچ

جُلنــار:متخوفني تره لحالك متهمني ولله

-خزرني وضربني ؏ حلگي شاطت روحــي فشرت عليه بصياح عافني وطلع تغطيت ونمت دموعي ؏ خدي بليلة وحده انتهت حياتي بليلة وحدة خسرت كُلشي
نمت قلقانة وخايفة مثل كُل مره فزيت بليل ؏ صوت ونين فركت عيوني ظلمة التفت شفته فارش بصفي ويتگلب يون بلعت ريگي تقربت لزمته من كتفة جسمة نار همست بصوت ناصي ...

جُلنــار:شبيك الخنجــر اگعُد

الخنجــر:اخخ يابه ...هاا هاا حمــامـة شبيچ

جُلنــار:ليش تون شبيك

الخنجــر:مابيه شي نامي بابا

-وجهه يصب عرق راد يگوم كفوف ايده عايقات حركته حيث مو كُلشي يگدر يسوي گام يون وطلع بره الغُرفة گمت ورا اباوع ظهرة صايره بُقعة دم تارسه مراية ظهرة كلها تمدد ؏ القنفة ظهرة عليه يرجف ضم كفوف ايده بين رجلية وطبگهم شاط من الوجع سحبهن حاير شون ينام و ؏ يا جهة حتى يرتاح
ضليت اراقبه ماگدر ينام گعد ؏ حيله يتنفس سريع ابتسمت بطرف شفتي واردفت ...

جُلنــار:تستاهل شوف الله شسوة بيك

الخنجــر:فوتي نامي حمــامـة

جُلنــار:بعدك كُلشي ماشايف

-سُكت يخزر ميت وجع عفته ورجعت للغُرفة تمددت بمكاني وبالي يم ونينة للحظة گلبـي وجعني عليه بس ارجع اتذكر لوعتي والاني بي اكرهه اكثر وادعي عليه بالازيد
غمضت عيني ورجعت نمت فزيت اصُبح گلبـي يوجعني من الكوابيس لعبة روحــي منهن كرهت كُلشي
گمت غسلت وطلعت البيت يخنُگ بيه فتت للمطبخ اباوع ســلام يسوي ريوگ وهو
يعلم بي التفت عليه عيونه حُمر منفخة تقرب ورفع ايده مسح خدي واردف ...