حمامة بغداد

الريشــه-23-

نكررُ لك دائمًا ونذكرك:
ربَّما تعجزُ أنت، لكنَّ اللهَ لا يُعجزهُ شيء 🤍 .

الريشــه-23-

قــراءة ممتعــه...♥️

جُلنــار ...

-حاجبه مخيط قميصة مشگگ اثر ازرگ يم شفتة ومشگوگة وگعت ؏ رُكباتي ابچي بصوت عالي تقرب رُفعني بيد والايد الثانية ميحركها ضليت اصرخ سد الباب وسحبني حاضني بقوة واردف ...

الخنجــر:ماكو شي حمــامـة شكو البچي

جُلنــار:وين چنت ايدك وجهك شصاار الله يخليييك

الخنجــر:اشش تعالي

-سحبني ورا جوه دخل گعد تعبان تقربت حُضنت وجهه اباوع بي راحت روحــي حاجبة مخيط خياطين
وشفتة مشگوگة فتحت قميصة وجردتة من عنده اباوع صدرة ملفوف من يم الكتف وايده
لطمت ؏ وجهي واردفت الشهگة شگت صدري ...

جُلنــار:مننوو سوالك هييچ طاالع من مجزرة فهمنييي شصاييير

الخنجــر:واليرحم امچ مابيه شي بس اريد ارتاح شويه بعدين نحچي

جُلنــار:حبااب فهمني فدوه اروحلك

الخنجــر:افهمچ حبيبتي بس اناملي شويه وراي دوام

جُلنــار:گلبــي حيوگف فدوة

الخنجــر:ابـوس گلبــچ الحنين تعالي اريد انام بحضنچ بنياتي

-مسحت دموعي هذا كُل عقلة باوعلي ضحك عادي عنده جرني تمددت تقرب نام ؏ صدري وغمض عينة ودخل بسُبات ضليت صافنة نام عادي يعني مو هامة الصاير بي
ضليت ابچي واشهگ عليه خطيه متأذي كُلش للـ ٧ يلة فز باوع للساعة وطُفر وصاح ...

الخنجــر: حمــامـة ملابسي بسرعة متأخر

جُلنــار:مَمتأخر بـ ٧ مو بـ ٨ مُجرم اثول شبييك

-صُفن بالساعة غمض عينة وگعد يفرُك براسة تقربت من يمة وگعدت ؏ رُكباتي وصرت بين رجلية
لزمت وجهه دموعي نزلن همست ...

جُلنــار:احچيلي شصار

الخنجــر:من طلعت من عندچ رحت مباشر بوجهي ؏ ســلام
ولگيت الطامة الكبرى محاول ينتحر ورايد يذب روحــة من الطابق الثالث لولا الأطباء والممرضين چان شامر نفسة من شباك الغرفة
ضليت يمة وسولفت ويا ونستة وقنعتة يستمر بالعلاج وان هو صحتة جاي تتحسن بس لا صحتة سيئة اقتنع وضليت يمة للـ ١٢ بس نام طلعت بطريقي نزلت اجيبلچ كيكة وياي شفتها وجيتي ؏ بالي گلت اجيبها لبنيتي نزلت شتريتها وجيت اصعد السيارة
ماحس الة من ورة واحد خنگني گلبتة ووگعتة ولزمتة موتة كتل الما فقد اريد ابتعد هم جاني ثاني وبسچين گص چتفي لحد زندي وصوبة ماعفتة وسحبت سلاحة تلاويت ويا ضربة منا بوكس منا صح تأذيت بس هو التأذة
اكثر ماگدر ارجعلچ الجرح چبير والاصابة موتتني غرگت دم وصلت المستشفى عالجت روحــي صحيح تأخرت بس عادي طلعت من عدها وجيتك ابني شو تعاي ابوسچ صايره حلوة