حمامة بغداد

الريشــه-24-

حدثو ربكم بما يؤلمكم فمن يجبر القلوب سواه؟.

الريشــه-24-

قــراءة ممتعــه...♥️

جُلنــار ...

-يومين مرت وهو ماكو گعدت العصر بالحديقة شويه مخنوگة رجعت دخلت جوة اشهگ اضوج من الوحدة تملخني رحت طلعت الجنطة والقرطاسية وصرت ارتب الدفاتر واخطط بيهن
لگيت دفتر رسم طرت من الفرحة اخذتة وگعدت اشخبط اعرف ارسم كُلشي وهالشي محد يعرُف بي بس حاتم وچنت اشوفه كُلشي ارسمة وهو يشجعني اكثر ويجيبلي كُلشي يخُص الرسم
گعدت وبدون وعي صرت ارسم ملامح الطفل الشفتة بالحلم والوضع الچنت بي ووگفة الخنجــر كُلهم ماحسيت بنفسي غير الساعة بـالـ ١ بليل گمت ظهري متشنج والگعده مكسرتني تكسر
باوعت للرسمة متقدمة بيها وضالة شغلات بسيطة ابتسمت لميت المكان ورحت نمت ثاني يوم اصُبح گعدت غسلت وتريگت ورجعت ارسم بيها واكملها
باوعت شكلها بالرصاص احلى من التلوين بقيتها هيچ رُغم حاتم جايبلي عُلبة الالوان مالتي كُلها
گلبت الصفحة وصُفنت شنو ارسم ابتسمت من تكذرت عيونة الاحول
جاي اخطط واسمع صوت الباب سديت الدفتر وطُفرت فتحت الباب فات هو مبتسم بتعب
ركضت بكُل سُرعتي وطُفرت عليه رُفع رجليه حاوطت خُصرة وحُضني بقوة
بادلتة وهمست ...

جُلنــار:كومة عفتني بُرهــان

الخنجــر:شبيدي بنياتي صار حادث للولد ومتصوبين بكر و عُثمان ماگدرت ارجع بوقت

جُلنــار:عزاا وهسه

الخنجــر:حليناها وزينة الشوارب تعالي

-مشة بيه جوه سد الباب وحُضنت شفتة شفتي لزمت خده متفاجئاة من السوا
گلبــي دگ وانفاسي ثگلت والرجفة بجسمي خلتة يعرُف اني متأثرة بي
باسني بعُمق دفعتة وهمست ...

جُلنــار:نزلني

الخنجــر:مشتاقلچ

-دفعتة ونزلت باوعلي بحسرة ساكت دخلنا جوه گعد جبتلة ماي شرب واردف ...

الخنجــر: حمــامـة عندي خفر اسبوع تتحملين

جُلنــار:بُرهــان كُل عقلكك انتَ

الخنجــر:شسوي بنياتي قابل فرحان اني وداعتچ ماريد اعوفچ بس شسوي

جُلنــار:رووححح رووح انتَ اصلاً صاير متحب تگعُد بالبيت