شال اغراضها ورماها بعبث في الخلف جانب مقعد دره / بتقومين ولا حذفتك مع اغراضك !!
وقفت بعصبيه تصرخ عليه / موعلى كيفك انا موعلى كيفك ولاني بزر عندك ترمي اغراضها وتبيها تسمع الكلام
وهّاج بمحاولة سيطره على الموقف لأن فجاءة سكت كل صوت وصارت عليهم الانظار/ نقصي صوتك
نور ماعاد تشوف شي / ماني منقصه والله ما اروح معكم ... مشت باتجاه الباب بتنزل السلم ووهّاج خلفها يبي يرجعها / لاتعاندين مو بصالحك ...
لفت بترد عليه وتعثرت خطاها ماحست الابجسدها يهوي من اعلى الدرج وجسد اثقل منها يلفها ويخبي راسها بيدينه متجاهل الضربه على كتفه وجرح اصاب جبهته
وهّاج وكل عظامه يحسها توجعه ناظرها وهي تحته رغم كل ألم يتفقدّها ويسأل / جاك شي
تجمع الدم بعروقها وملاها القلق من شافت اصابته رفعت يمينها.. بحذر تلمسها خوف ان توجعه / مافيني شي انا بس انت
اسكتها من شاف تجمع عند الباب وبعضهم خرج من ضمنهم دره / اششش ....عدلي حجابك وارفعي الكمام
بعد عنها وهي لازالت في صدمه الموقف وقد ايش ملاها شعور الذنب والندم
وقف بصعوبه يكابر ويتقوى على كل شي يحس فيه
بين ماهي لازالت الرعشة تسري بجسدها وعينها تراقبه بقلق.. كيف وقفته هالمره ثقيله .. وقت الطيحه سمعت صوت ضربه واكيد هالضربه قويه ولأنه خبى راسها بصدره وحاوطها من الخلف بيدينه ماقدرت تشوف الا خوفه عليها كيف انه بداها على نفسه بدون يفكر .. هالموقف زادها حيره وضرب بقلبها شعور تتجاهله وتمسك قلبها الي هالممره صارت دقـاته عنيفة...
دره الي نزلت قبل يصعد لها ورجفه احتلت صوتها / وهّاج راسك
ابعد يدها قبل تلمسه ...لف على نور الي كانت خلفه وشتت انظارها ماتبي تواجهه حتى لو نظر
——
لافي عقله معه واحيان كثيره ماهو معه يحاول يشيل فزّاع ولكن فزّاع ثقيل
فزّاع الي بقلة وعي نطق / لافي
لافي بضيق / مدري كيف سويتها
فتح انظاره بأكملها يشوف المناديل بإيد لافي يوقف نزيفه .. استعدل بجلسته / لافي انت ماعاد توزن نفسك
لافي / اعطني حبه
فزّاع / مو قلت بتتركها
لافي ماعاد يتحمل وبدا يضعف / ممماقدر والله ممااقدر .. وبنبره رجا / ابوس يدك اعطني وحده
فزّاع / ماعندي ... خلاص اثبت على قرارك
انفعل / لاتكذب علي طلع الي معك
بيأس منه طلع حبه / مفروض ماتقطعها فجاءة ...
لافي فرح كانه طفل وبين يدينه حلاوه
بلعها بغمضه وهو يحس براحه وارتخاء بكامل جسده المتعب
—-
وهّاج
كان يبين ان مافيه شي ويجلس بأريحيه زادت تعبه اكثر من كونها تريحه
تصّنع النوم حتى مايجيه محجن .. ملّ من كثر مايقوله ( انا بخير ) ومحجن مايصدقه
—-نفس المكان ولكن بالخلف —-
دره وصورتهم وقت الطيحه ماتفارقها القرب الي بينهم خلاها تضم بين ضلوعها جمر / الحمدلله على سلامتك ربي حماك
نور كانت مشتته كثير ماهي قادره تجمع تركيزها حتى ترد على دره
دره / نور انتي بخير ؟
نور / انا بخير
انتبهت لنور الي بين الثانيه والثانيه تناظر وهّاج وبمحاوله ارهقت مشاعرها من كثر ماتخفي من غيره / قلبي اوجعني شفته بآخر الدرج .. لو صار له شي كنت بلوم نفسي ولا اسامحها على هالسفره !! — ومن حرتها بكت—
انتبهت نور ولفت تمسح على كتفها / مافيه شي والحمدلله عدت
دره تتابع / كل الي اببيه من الحياه وهّاج لو راح من يديني ماعاد ابي منها شي ... ماادري كيف بعيش ..يمكن انتحر اصلاً
نور الي التفتت بصدمه من آخر كلامها / اعوذ بالله ! حنا مسلمين مايصير هالكلام
دره / صدقيني يانور هذا الي افكر فيه لو راح مني وهّاج بنتحر ولا اطالع وراي
توجست نور من حكيها وحست بالشتات اكثر من اول
YOU ARE READING
انت مثل النور في عين الضرير
Action•روايات شيمه🦅• - حكمت المحكمة ان رواياتي اقوا اسباب سعادة الشعب • حـالياً " انت مثل النور في عين الضرير "❤️🔥❤️🔥 -- حسابي انستا / rwui9
