قصة : ( قدري انت ) ل سهيلة سعيد المنجي ، فكرة : نور عمر

الحلقة ١ و ٢

قصة : { #قدري_انت } 🔐🤎

الحلقة الأولى { ١ } 🦋

*( شهر 12 ، سنة 2023 )*

( ف اسكندرية ، الساعة عشرة الصبح ، جوة شركة ، جوة قاعة الأجتماعات ، واقف شاب جنب شاشة العرض وبيشرح للناس الشغل ، تحت ف الريسبشن ، بنت بتجري وف ايدها شنطة وفايل فيه اوراق ، تفرمل عند الأسانسير وتضغط عليه ورا بعض بسرعة )
رغد ب استعجال : يلاااااا يلا يلا يلاااا

*( ملحوظة .. رغد بنت جميلة ، بشرتها بيضة ، عيونها بني ، وشها صغير جداً وملامحها بسيطة وكيوت ، شعرها اسود طويل ، قصيرة وجسمها رفيع ، عندها ٢٤ سنة ، ظروفها المادية بسيطة ، شغالة ف الشركة ، ملهاش غير مامتها وعايشين ف البيت الي مامتها بتشتغل فيه ، ملهاش اخوات )*

( يتفتح الأسانسير وتدخل رغد ، جوة قاعة الأجتماعات )
سمير : طب ي استاذ عمر إن ....................
( يتفتح الباب وتدخل رغد ، يبصولها ، تقرب ع كرسيها تلاقي بنت قاعدة عليه تطبطب ع كتفها ، تتنهد البنت وتقوم ، تقعد رغد )
عمر ل رغد : دة ع اساس إنك شفافة !

*( ملحوظة .. عمر شاب وسيم ، بشرته خمرية ، شعره بني فاتح ويڤي نازل ع عيونه ، عيونه رمادي ، طويل وجسمه رفيع رياضي ، عنده ٢٥ سنة ، من عيلة مادياً غنية ، يبقا صاحب الشركة ، عنده اخ اصغر منه )*

رغد وهي بتبصله : انا ؟
( يبص عمر حواليه )
عمر : هو في حد غيرك اقتحم المكان دلوقتي ؟!
رغد ب ارتباك : ااا معلش ، اصل اتأخرت وكنت مستعجلة و .......................
عمر : خلاااااص ، نرجع لموضوعنا ، كنت بتقول ايه ي استاذ سمير ؟
سمير : بقول إن ممكن برضو نغير ال offer بتاعنا ونزود حاجات جديدة
عمر وهو بيقعد : طب تمام مفيش مشكلة ، يومين كدة وهنعمل اجتماع تاني تكونوا فكرته ف دة ونشوف نقدر نضيف ايه
الكل : تمام
عمر : اتفضلوا
( يقوم الكل يمشوا ماعدا رغد )
عمر : لو دخلتي الداخلة دي تاني المرة الجاية هتطردك واهينك قدام الكل ، اشطا ؟
رغد بعدم اهتمام : ي عم بقااا
عمر : هو مين الي شغال عند مين ؟!
رغد : عيب عليك ي عموري مفيش بينا الكلام دة
عمر : طب قومي يختي هاتلنا حاجة نطفحها ، وبعد كدة مش هستناكي ع فكرة
رغد : طب م تعمل فيا ثواب وتنزل انت تجيب ، انا رجلي فقفقت م الجري عشان الحق الأجتماع
عمر وهو بيقف : قومي
رغد : لما تقفلي انا كدة هخاف يعني !
عمر : يلااااا
( تقف رغد توصل عند صدره بالعافية )
رغد : مكانش في داعي تقف انا كنت هنزل لوحدي !
( يمسكها من كتافها يلفها ويزقها ع برة )
رغد : بالراحاااا
( يقفل باب المكتب ف وشها )
رغد وهي بتعدل هدومها : احم !
( تمد تنزل كافتيريا الشركة تجيب اكل ، جوة ڤيلا كبيرة ، ف مطبخها ، واقفين اتنين ستات بيعمله الأكل )
رجاء : معرفش انتي بتحبي تتعبي نفسك ليه م انا موجودة اهو ، روحي ارتاحي !
ايات : زهقت من قاعدة الأوضة ي رجاء ، خليني افك شوية

*( ملحوظة .. رجاء تبقا مامة رغد ، شغالة ف البيت هنا بقالها اكتر من ٢٢ سنة ، ومن وقت م جوزها اتوفى وهي بقت بتبات وبقا مكان اقامة ثابت ليها هي ورغد والكل ف البيت بيعتبروهم جزء م العيلة برغم إنهم شغالين فيه ، ايات تبقا مامة عمر )*