قصة : ( قدري انت ) ل سهيلة سعيد المنجي ، فكرة : نور عمر

الحلقة ١٥ و ١٦

قصة : { #قدري_انت } 🔐🤎

الحلقة الخامسة عشر { ١٥ } 🦋

رغد : ولا يهمك !
بسام : هبارك لمستر عمر وهمشي بقا الخطوبة خلصت
رغد : اوك 
بسام : اشوفك بكرة ف الشركة
رغد : إن شاء الله
بسام وهو بيسلم عليها : باي
رغد : باي
( يروح بسام يبارك ل عمر ويمشي ، تبص رغد ل عمر ، تلاقيه بيتصور مع الناس ، تقرب عليهم )
رغد وهي بتمد ايدها ل عمر : انا جاية ابارك واتصور
عمر وهو بيسلم عليها : الله يبارك فيكي
( يطلع شاب يسلم عليه ، عمر يحط ايد رغد ف ايده التانية ويسلم ع الشاب ويتكلمه وهي مازال ايدها ف ايده ، تتحرج رغد تقريباً نساها ، ينزل الشاب )
عمر للفوتوغرافر : صور
( يجيب رغد جنبه ويسيب ايدها ويحط ايده ف ضهر شمس ويتصوره ، يخلصه وتقرب رغد ع شمس )
رغد : مبروك
شمس بتكبر : شكراً
( تنزل رغد من ع الكوشة وتقف ع جنب ، تحس إنها تايهة ، تقرب عليها مامتها )
رجاء : هيصتي انهاردة انتي ، عاملة نفسك م المعزومين !
رغد : هو احنا مش معزومين ؟!
رجاء : كنا ي حبيبتي خلاص الخطوبة خلصت ، خشي غيري هدومك دي عشان الي داخل والي طالع بهدل الدنيا جوة ، وياريت تبطلي صرف ف قبضك وفلوسك ع اللبس كل شوية !
رغد بضيق : حاضر
رجاء : يلا ادخلي
( تدخل رغد ع اوضتها ، تغير هدومها وتطلع تلاقي مامتها دالقة ماية وبتمسح وبتنضف )
ايات ل رجاء : اة عمر خد شمس وراحوا يتفسحوا ، عبدالرحمن مرضاش يروح معاهم بس خرج مع صحابه
رجاء : عقبال م تفرحي بيه هو كمان يارب وتشوفي احفادك قريب
يارب : يارب ي رجاء ، معلش ي حبيبتي البنات بهدله البيت بسبب الحمام رايحين جايين ع المرايات
رجاء : ولا يهمك اومال انا لازمتي ايه ، هخليلك البيت بيبرق دلوقتي
ايات : ربنا يديكي الصحة يارب ، انا هطلع انام بقا احسن فصلت خلاص
رجاء : ايوة اطلعي انتي ارتاحي يلا
( تطلع ايات ، تلمح رغد )
ايات : عقبالك ي رغودة
رغد : تسلمي ي طنط
( تطلع ايات وتقعد رغد تساعد مامتها ف تنضيف البيت وطبعاً يكون متعب جداً عليهم يسهره عليه طول الليل ، بعد شوية ، يوصل عمر من برة ، يركن عربيته وينزل ، يلاقي رغد ف الجنينة بتلم الكبايات من ع الترابيزات ، تشوفه )
عمر وهو بيقرب عليها : ايه الي مصحيكي لدلوقتي ؟!
رغد : بنلم الدنيا
عمر : م الصبح يعني !
رغد : عادي ، مبروك ي عريس
عمر ب اندهاش : ايه دة لاحظتي إني عريس انهاردة ؟!
رغد ب استغراب : لاحظت ازاي يعني !
عمر : لا اصل شايفك مشغولة مع بسام م الصبح ورايحة جاية معاه ، ف غريبة يعني إنك لاحظتي إن دي خطوبتي !
رغد : انت بتتريق !
عمر : لا ي ستي مقدرش اتريق
رغد بسرعة : ع فكرة بسام عاوز يرتبط بيا ، عشان كدة كنا بنتكلم بس
عمر : لا والله !
رغد : ايوة
عمر : طب تمام
رغد : انا اصلاً كنت مستنية خطوبتك تخلص عشان اسألك عليه
عمر : تسأليني عليه ازاي ؟!
رغد : يعني عاوزة اعرف هو حد كويس ولا لأ ، عشان هو عاوز يخطبني
عمر : امممم ، ع حد علمي إنه شاب كويس وطموح كمان وبيحب الشغل
( تضايق رغد من رد فعله وتدمع عيونها وتفرك ف ايدها )
عمر : ف لو ناوي ع خطوبة وكدة ف اظن هو عريس لؤطة يعني ميتفوتش ، دة رأيي ، وكمان هو ...............................................
رغد ب انفعال : بس بااااس
( يبصلها ب استغراب )
رغد بغيظ ودموع : هو انت معندكش دم !
عمر بخضة : نعم !
رغد : انت مش فاهم فعلاً ولا عامل نفسك مش فاهم ؟!
عمر بتوهان : لا انا مش فاهم في ايه ، هو ايه دة الي انا عامل نفسي مش فاهموا ؟!
رغد ودموعها بتنزل : وانا مش قادرة اكمل كدة ي عمر
عمر بقلق : مالك ي رغد ؟!
رغد : ..................................................
عمر : ردي عليا في ايه ؟!
رغد : انا مأذنبتش ، والله مأذنبت ، انا زيي زي اي بنت ، انا عيشتي وسطيكم نستني إني بنت الخدامة ودة اكبر غلط
عمر : ايه الكلام الي بتقوليه دة ، من امتى واحنا بنحسبها كدة !
رغد : من وقت م حبيتك
( يتخض عمر )
رغد موعها بتنزل : من وقت حبيتك ، ومن وقت م شمس ظهرت ف حياتك وانا بدأت احسب حساب كل حاجة ، كل خطوة وكل فعل وكل نفس بتنفسه بحسبه ، بس انا ذنبي ايه طيب ، ذنبي ايه إني حبيتك ، ذنبي ايه إني بنت الخدامة بتاعتكم ، م انا كان نفسي اكون حد احسن من كدة والله ، كان نفسي اشوفك وتشوفني ف وضع تاني وف حياة تانية ، انا عمر م حد هيحبك ادي ي عمر ، انا حافظة كل تفصيلة ف حياتك ، كل تفصيلة ف يومك ، كل حاجة بتحبها او بتكرهها ، عارفة بتزعل من ايه وايه بيفرحك ، ولا شمس ولا اي حد ف الدنيا دي فاهمك وحافظك ادي ي عمر
عمر بتشويش : انتي توهتيني بجد ، انا مش عارف اقولك ايه ، انتي ملاحظة انهاردة كان فيه ايه ، انهاردة كانت خطوبتي ي رغد ، انتي جاية تقوليلي الكلام دة يوم خطوبتي !
رغد : كانت هتفرق لو قلتله قبلها ؟
عمر : بس انتي عارفه كويس إني عمري م فكرت فيكي بالشكل دة ، انتي متربية معايا ي رغد وانا بعتبرك زي عبدالرحمن واكتر ، وانتي كمان كنتي باينة كدة ، من امتى ودة تفكيرك ؟!
( متردش )
عمر : ردي عليا متسكتيش كدة !
رغد : انت ملاحظ انا قلتلك ايه حالاً ، انا قلتلك بحبك وانت ردك تقطيم فيا ، ارد عليك اقولك ايه ، انا عمري م كنت هبقا اختك ي عمر لو مكنتش خدامة ف بيتكم ، بس انت عندك حق ، ازاي احط نفسي وجه اختيار جنب شمس هانم بنت الحسب والنسب ، انا اسفة اوي ي بن الباشا ، متاخدش ع كلام خدامتك شقيانة تنضيف وغسيل ف بيتكم ف بتخرف م التعب بس !
( تاخد الصنية وتدخل المطبخ تحطها )
رجاء : خلصتي برة ؟
رغد وهي بتضير وشها : اة ، اخر حاجة
( تمسح دموعها )
رجاء : طب خلاص كدة خشي نامي بقا ، انا هشطف حبة المواعين دول واخش انام
رغد : ماشي ، تصبحي ع خير
رجاء : وانتي بخير
( تدخل رغد اوضتها ، تنزل دموعها بقهرة وصوت ، تكتم بؤها وتحاول تهدى ، تمسك فونها وتفتح شات بسام ، تعدي الأيام ورغد وعمر مبيتكلموش إلا لو اطروا لدة ، ف شركة عمر ، ف الكافتيريا ، قاعدة رغد بتشرب شاي وماسكة الفون ، يدخل عمر ، تلمحه رغد وترجع تبص ف فونها ، يقرب يعدي من جنب ترابيزتها )
عمر وهو معدي : صباح الخير
رغد وهي باصة للفون : صباح الخير
( يقرب ع البار يطلب قهوة وبعدين يروح يقعد ع ترابيزة ويمسك فونه ، يبص ل رغد ، يلاقيها مشغولة بالفون ، يرجع يبص ف فونه ، يرن )
عمر : الو ، صباح النور ، عاملة ايه ، انا تمام الحمدلله ، ماشي ، لا لا مواريش اجتماعات ، اوك هستناكي ، متغيبيش ، ههههه اوك ، باي
( يقفل عمر ، رغد كانت سمعاه ، تتنهد وتسيب الفون وتمسك كباية الشاي تشرب منها ، يدخل بسام ويقرب عليها )
بسام : ي صباح الحلاوة
رغد ب ابتسامة : صباح الخير
( يبصلهم عمر )
بسام : عامل ايه ي بطل ؟
رغد : الحمدلله ، انت عامل ايه ؟
بسام : انا فل ، حذري فزري جايبلك ايه ؟
رغد وهي بتبص ع الكيس الي ف ايده : ايه ؟!
بسام : اكتر حاجة بتحبيها ف الدنيا
رغد : شاورما ؟
بسام وهو بيحط الكيس قدامها : حصل
رغد بفرحة : الله ! 
( تفتح الكيس وتطلع الساندوتشات وياكله ، بعد شوية ، يبص عمر ف ساعته وبعدين يبص ل رغد وبسام ، وقت البريك خلص وهما مازالوا قاعدين ، يقوم يقف ويقرب ناحيتهم )
عمر وهو بيحط ايده ف جيبه : مش ملاحظين إن وقت البريك خلص ، هتقضوا اليوم ف الكافتيريا ولا ايه ؟!
بسام وهو بيقوم : احيه وربنا الوقت خدنا ، هنطلع حالاً ، يلا هطرد ع ايدك قريب يلا
رغد ب ابتسامة وهي بتقوم : اوكااي
( يقوموا يمشوا ، ييجي الليل ، ف بيت ماس ، قاعدة هي ومامتها وبباها مع العريس واهله وبيلبسها خاتم ، تزغرط اخت العريس وماس مبسوطة )