قصة : ( قدري انت ) ل سهيلة سعيد المنجي ، فكرة : نور عمر

الحلقة ١٧ و ١٨

قصة : { #قدري_انت } 🔐🤎

الحلقة السابعة عشر { ١٧ } 🦋

رغد : عادي ، هو انا ورايا ايه ف البيت يعني ؟
رجاء : لا ورانا ، خطيبة عمر جاية وانتي سيباني محتاسة لوحدي !
رغد بضيق : معرفش إنها جاية !
رجاء : لا جاية ف السكة ، روحي يلا ورانا حاجات كتير
رغد بتنهيدة : طيب جاية ، باي
( تقفل رغد )
درة : في ايه ؟
رغد : لازم اروح ، خطيبة الباشمهندس معزومة ع الغدا
درة : شمس ؟
رغد وهي بتقوم : اة ضلمة
( بعد شوية ، ف بيت عمر ، قاعد هو وشمس ف الأنتريه مع مامته ، يرن جرس الباب ، تقرب رجاء تفتح )
رجاء : ع المطبخ يلا
رغد : طيب
( تدخل رجاء ووراها رغد ، تلمحهم وهي داخلة وبعدين تضير وشها وتدخل المطبخ تساعد مامتها )
رجاء : يلا طلعي الأكل ع السفرة
رغد : اوك
( تاخد رغد ف الأكل وتحط ع السفرة ، يبصلها عمر وبعدين يضير وشه )
رغد : خلاص ؟
رجاء : اة قوليلهم يقعده
رغد : اوك
( تطلع رغد وتقرب عليهم )
رغد : اتفضلوا الغدا
ايات : مش تسلمي ي رغد
( تبص رغد ل شمس )
رغد : ازيك ؟
شمس : كويسة 
ايات وهي بتقوم : اتفضلي ي حبيبتي يلا
( يروحوا يقعده ع السفرة وترجع رغد المطبخ تقعد ، يرن فون رغد ، تمسكه تشوف مين وبعدين تبص ع مامتها ، تقوم تطلع برة الجنينة )
رغد : الو
بسام : وربنا احلى الو بسمعها ف يومي
رغد : ههههه
بسام : عامل ايه ي باشا ؟
رغد : كويسة والله ، انت عامل ايه ؟
بسام : انا فل ، اختفيتي انهاردة ، مشيتي بدري ولا ايه ؟!
رغد : لا ف ميعادي ، بس رحت مع درة قعدنا ف كافيه وكدة
بسام : انتوا لسة برة يعني ؟
رغد : لا روحت انا ف البيت ، بقولك ايه ي بسام
بسام : قولي
رغد : هو لو ف المكان الي انت موجود فيه حد انت مبتطقهوش ، تتعامل معاه ازاي ؟!
بسام : متعاملش اصلاً
رغد : ولو مطر ؟
بسام : لو مطر هبقا بارد ، عشان ميبانش عليا إني مش طايقه
رغد : امممم ، تمام
بسام : هو في حاجة معاكي ولا ايه ؟!
رغد : لا لأ ، باخد رأيك بس
بسام : انت براحتك ي قمر
رغد : تسلم
بسام : انتي كويسة ؟!
رغد : اة انا فل
بسام : عمتاً فكك يعني ، الدنيا مش مستاهلة إن يكون في حد ف حياتنا نحطه نِد لينا ، كفاية الي الواحد فيه والله
رغد : مش دايماً الأنسان يقدر يبقا مسالم كدة !
( تقرب مامة رغد )
رجاء : انتي ي زفتة
( تبصلها )
رجاء : سيباني محتاسة جوة ووقفالي هنا تلكي ف التليفون ، تعالي اغسلي المواعين وشوفي الناس
( تبرقلها رغد عشان تسكت )
رغد ب ارتباك : طب هكلمك تاني ، باي !
( تقفل رغد )
رغد : يعني انتي شيفاني بتكلم ف الموبايل ، دة كلام يتقال !
رجاء : وانا قلت ايه يعني ، انا بقولك تعالي ساعديني
رغد وهي داخلة : محسساني إن السفيرة عزيزة عندنا !
( تدخل ع المطبخ ، قاعدين ف الأنتريه عمر وشمس ومامته )
ايات : لا هنا بقا تشربي كباية نيسكافيه تنسي اي حاجة بتشربيها برة
شمس : لا بجد !
ايات : اة رغد بتعمله جميل ، ي رغدددد
شمس : رغد مين ؟!
ايات : بنت المساعدة
( تقرب رغد )
شمس بتذكير وهي بتص ل رغد : اة بنت الشغالة
( تسمعها رغد ، تضايق )
ايات ل رغد : رغد ي قلبي اعمليلنا نيسكافيه من ايديكي الحلوين دول
رغد ب ابتسامة : عيوني
ايات : تسلملي عيونك
( تمشي رغد ، تتنهد شمس ع طريقة تعاملهم )
شمس : ي بخت شغالينكم والله ، مفيش دلع احلى من كدة !
ايات : لا شغالينا ايه دول اهلنا ، رغد دي بالنسبالي زي عبده وعمر بالظبط
شمس : غريبة بصراحة !
ايات : لا مش غريبة ولا حاجة ، احنا هنا بنتعامل بالمحبة والعشرة
شمس : امممم
( رغد ف المطبخ بتعمل النيسكافيه )
رغد بغيظ : بنت الشغالة ، ماشي ي شمس
( تخلص رغد وتطلع تحط النيسكافيه قدامهم )
رغد : اة بتاع شمس دة ، اصل قلت اكيد الفورما دي رياضة طبعاً ف بعيدة عن السكريات ف محطتش سكر ، صح ولا ايه ؟
شمس ب احراج : اة ايوة ، مبشربش بسكر !
رغد : طب كويس إني محطتش بقا
ايات : تسلم ايدك ي حبيبتي
رغد : بالهنا ي روحي
( تدخل رغد المطبخ وهي ماسكة ضحكتها بالعافية ، تطر شمس تشرب النيسكافيه من غير سكر وطبعاً مر جداً عليها والغريب إنه كمان مملح وكمان رغد متقلاه اوي ، بتراقبها رغد من المطبخ وشيفاها بتشربه بالعافية ، تبتسم بخباثة وتجري تمسك فونها ، تفتح شات بسام وتكتب )
رغد : معرفتش ابقا مسالمة ، إني اسف
بسام : هببتي ايه ؟!
رغد : حاسة إني بقيت ثوعبانة سيكا
بسام : هههههه
بسام : جرا ايه ؟
( يعدي الوقت وتمشي شمس ، رغد مازالت ف المطبخ بتتشات مع بسام )
عمر : حلو الملح ف النيسكافيه
( تبصله رغد بخضة )
عمر : متعرفيش إنه مفيد ولا ايه ؟
رغد : لا معرفش ، دة مين الأهبل دة الي هيشرب نيسكافيه بالملح !
عمر : ي بت ، دة انا شايفك بعيني دول وانتي بتحطيه بدل السكر !
رغد : محصلش ، ايه دليلك ؟
عمر : لا معنديش دليل ، عاوزة تردلها الي حصل قبل كدة صح ؟
رغد : ليه وهي كانت عملت فيا حاجة قبل كدة لقدر الله ؟
( يتنهد عمر )
عمر : بتعملي كدة ليه ؟
رغد : بعمل ايه ؟!
عمر : بتنكشي ، ومعرفش بتنكشي ليه !
رغد : بنكش مرة واحدة !
عمر : شكلك لسة مجربتيش فكرة العد صح ؟
رغد ب ابتسامة : لا مجربتش ومش هجرب ، انا مش فاهمة انت مقتنع إني محشورة فيكم ليه ، شمس اخر حد ف الدنيا دي ممكن اهتم ب إني احطه ف دماغي ، شمس خطيبة اخويا ، احطها ف دماغي ليه اصلاً ؟!
عمر : اخوكي !
رغد : اة اخويا طبعاً
عمر : امممم ، تمام انا ................................................
رغد وهي بتقاطعه : عمتاً معلش استحملني ، هانت
عمر : ايه هتطفشي ؟
رغد : نفسي والله ، بس لولا الملامة بقا
عمر : اومال هانت ع ايه ؟!
رغد : اتجوز واريحكوا مني
عمر : ي شيخة !
رغد : ايوة
عمر : لا وسعت منك حبة !
رغد : ليه إن شاء الله ، انت مشفتش الفولورز بتوعي الي ع الأنستا ، عبده مظبطني
عمر : تاني انتي !
رغد : بلاش الأنستا ، انا هقولك بجد ، هوااا ، لا ثانية مفيش داعي اقولك ، ادعيلي انت بس
عمر بتنهيدة : ربنا يهديكي والله !
رغد : هو انا مجنونة ولا ايه ، انا هبقا عروسة ، وممكن قبلك كمان
عمر : خشي نامي طيب
رغد : مواريش مدرسة الصبح
عمر : لا وراكي شغل لو رحتيه متأخر هزعلك
رغد : ان .............................................
( يرن فونها ، تروح تمسكه )
رغد : الو ، ايه ي بسام
( يبصلها عمر )
رغد : لا موجودة ، قمت اعمل حاجة بس
( يمشي عمر )
رغد بتنهيدة : اة ، جاية اكيد
( تاني يوم ، ف الشركة ، ف الكافتيريا ، زحمة عند الأكل ، تدخل رغد تتحشر كالعادة وسط الطابور )
رغد : اتنين شاورماااا
الكل : ي رغد بقا !
زياد : بقولك ايه مش كل مرة لأ ، ارجعي ورا كدااا
( يشدها من دراعها ويرجعها لورا تتكعبل ف الي وراها تخبط ف بسام )
بسام وهو بيجيبها وراه بعصبية : ايه يابا انت بتمد ايدك ليه !
زياد : ي عم حد جه جنبك ، وانت مالك اصلاً ! 
بسام : هو ايه الي وانا مالي ، لما تتعامل مع بنت تبقا ايدك جنبك !
( يذغده بسام )
رغد بخضة : بسام !