قصة : ( قدري انت ) ل سهيلة سعيد المنجي ، فكرة : نور عمر

الحلقة ٢٣ و ٢٤

قصة : { #قدري_انت } 🔐🤎

الحلقة الثالثة والعشرون { ٢٣ } 🦋

( تحكيلها رغد ، ماس ف كليتها ، قاعدة ف الكافتيريا بتتكلم ف الفون )
ماس بفرحة : اخيراً بقا ، حدتوه امتى ؟
وليد : ع اخر خمسة كدة
ماس ب استغراب : انت كلمته امتى دة مقلناش !
وليد : لسة قافل معاه اصلاً ، بس عشان مش عارف اخد اجازة م المستشفى ف هو سهلي الدنيا يعني إن الموضوع مش مستاهل نعمل قاعدة ، شكله عاوز يخلص منك
ماس : بقا كداااا !
وليد : ههههه ياريته والله ، كنت جيت بالمأذون بكرة
ماس : متستعجلش ، بكرة تزهق مني وتقول ياريتني
وليد : هو ياريتني اة ، بس ياريتني عرفتك من زمان
ماس بكسوف ومرح : ماشي ي هاني ي شاكر
وليد : ههههههه
( واقف عبدالرحمن بعيد باصصلها ، رغد ف مكتبها ، توصلها مسچ ع الواتساب ، تمسك الفون وتفتحها )
بسام : صباح الفل
رغد : صباح النور
بسام : عاملة ايه ؟
رغد : كويسة الحمدلله
رغد : انت عامل ايه ؟
بسام : كله تمام
بسام : فاضية بعد الشغل ؟
( تفتكر رغد ميعادها مع عمر )
رغد : لا والله ورايا مشوار
بسام : اشطاا
بسام : كنت هقولك نتغدى سوا
رغد : نعوضها يوم تاني معلش
بسام : ولا يهمك
بسام : طب محتاجة اوصلك لمشوارك ؟
رغد : لا تسلم مش مستاهلة
بسام : لو عوزتيني انا موجود
رغد : الله يخليك ي بسام
( يعدي الوقت ، خارج بسام م الشركة ، يشوف رغد وهي بتركب مع عمر ، يستغرب ، بعد شوية ، عمر ورغد قاعدين ف مطعم )
عمر : اقولك حاجة
رغد : قول
عمر : كان واحشني كل حاجة كنا بنعملها سوا
( تفضل بصاله )
عمر : كلامنا هزارنا ، رخامتك وتقل دمك
( تبتسم )
عمر : كل حاجة بجد
رغد : مش انت الي بعدت !
عمر : تاني انتي !
رغد : ايوة
عمر : ي ستي لو كنتي شيفاني بعيد ف يمكن بعدت عشانك ، عشان مش حابب اعشمك فيا بعد الي اتقال ، وانتي عارفة الي فيها ، وعارفة كمان معزتك وغلاوتك عندي عاملة ازاي
رغد : تعشم مين ي عم عمر انت لسة فاكر اصلاً ، دة انا نسيتك ونسيت حوارك دة
عمر : لا والله !
رغد : ايوة خليك فريش ، دة حوار وخلص
عمر : هخليني فريش حاضر
رغد بفضول : عامل ايه ، مع شمس ؟
عمر : كويسين الحمدلله
رغد : حبيتها ؟
( يسكت عمر )
عمر : هي تتحب
رغد : سؤالي واضح
عمر : اجابتي مش واضحة ؟
رغد : لأ !
عمر : يمكن عشان مؤخراً كترت مشاكلنا
رغد : ودة ليه طيب ؟!
عمر : مش عارف ، ع حاجات هبلة ، سيبك ، انتي ، اخبارك ايه الأيام الي فاتت ؟
رغد : كله تمام ، مفيش جديد
عمر : لا دة الجديد كله قدامي اهو ، ليه فجأة فكرتي تعملي النيولوك دة ؟!
رغد وهي بتحط ايدها ورا رقبتها : عادي يعني
عمر : بس حلو
رغد : بجد ؟
عمر : اممممم ، قصة الشعر ، بس لبسك مش عاجبني بجد !
رغد : ليه بس ؟!
عمر : اوڤر اوي ، ومش فاهم ازاي طنط رجاء سيباكي تخرجي كدة ، وانا ماليش حق إني اتكلم !
رغد : فين اوڤر ي عمر ، م انا لابسة طويل وواسع اهو
( رغد لابسة هودي احمر وبنطلون چينز اسود )
عمر : دة انهاردة ، لكن معظم الوقت قصير ومفتح ليه ؟!
رغد : عادي والله
عمر : لا مش عادي ، نتكلم بصراحة ؟
رغد : اكيد
عمر : متفكريش إنك عشان رفيعة وقصيرة مش باينة م الأرض إن ...........................................
رغد : ايييييه إنت ............................................
عمر وهو بيقاطعها بحدة : إن جسمك مش ملفت
( تسكت ب احراج ووشها يقلب طمطماية )
عمر : ف ياريت تظبتي لبسك دة شوية ، انتي مكنتيش كدة وانا مش حابك تكوني كدة ، اوك ؟
رغد ب ابتسامة : حاضر
عمر : لو متضايقة إني بتدخل ف .....................................................
رغد : لا مش متضايقة اكيد ، م انت طول عمرك حشري وبتدخل وتقرفني
عمر : طب كويس والله إنك عارفة ، وكنت هقولك اصلاً لو متضايقة اتفلقي
رغد : هههههه ماشي
( يرن فون رغد ، تلاقيه بسام ، تكنسل )
رغد : مش هناكل بقا ولا انت جايبني تهزقني ع معدة فاضية ؟
عمر : لا هطفحك
رغد : طفحني 
( ينده الجرسون ويطلبه الأكل ، يعدي الوقت ، ف بيت عمر ، عبدالرحمن ف اوضته فاتح الشات بتاع ماس وعمال يقلب ف الصور والكلام ومبتسم ب اشتياق ، يتنهد ب ضيق ويقفل الفون ، يرن )
عبدالرحمن : الو
دالا : عبده عامل ايه ؟
عبدالرحمن : فل الحمدلله ، انتي ازيك ؟
دالا : انا تمام
عبدالرحمن : ايه الأخبار ؟
دالا : عمتو قالتلك ع ميعاد كتب الكتاب ؟
عبدالرحمن : كتب كتاب ايه ؟!
دالا : كتب كتاب ماس ووليد
( يتخض عبدالرحمن )
دالا : اتحدد خلاص
عبدالرحمن : اة ، مبروك
دالا : الله يبارك فيك ، عقبالك
عبدالرحمن : تسلمي ، عاوز اشوفك
دالا : نتقابل ؟
عبدالرحمن : لأ هجيلك البيت عشان مرات خالي متستعجلكيش كل شوية
دالا : خلاص هستناك بكرة
عبدالرحمن : إن شاء الله
( عند رغد ، قاعدة ف اوضتها ، تمسك فونها ، تلاقي مسچات من بسام ، ترد عليه وتسيب الفون وتقعد تفتكر ف اليوم كله بينها وبين عمر ، تبتسم ، يرن فونها بمسچ ، تمسكه تفتحها )
بسام : مكنتيش بتردي اصلي ف قلقت عليكي !
رغد : لا انا فل
رغد : انت اخبارك ايه ؟
بسام : انا تمام
رغد : فينك كدة ؟
بسام : ف البيت
رغد : مش من عادتك تروح بدري !
بسام : مصدع اوي من بدري ، ف ماليش نفس اخرج
رغد : الف سلامة ، خد مسكن طيب
بسام : اخدت
رغد : دلوقتي تبقا كويس
بسام : يارب
رغد : هتيجي الشغل بكرة ؟
بسام : اكيد
رغد : طب م تخليك مدام تعبان
بسام : اكيد الصداع مش هيفضل لحد بكرة !
رغد : ايوة صح
رغد : طب نام حبة دماغك هتتظبط ، ممكن قلة نوم
بسام : اة هحاول انام شوية 
رغد : ماشي ، لو منمتش كلمني
بسام : اوك ، باي
رغد : باي
( يخبط باب الأوضة ، تقوم تفتح )
رغد : عاوز ايه ؟
عمر : هعوز من وشك ايه ، في فيلم هيشتغل الساعة ١٢ ابقي تعالي اتفرجي معايا انا وعبده 
رغد : رعب ؟
عمر : ايوة
رغد : اشطاا جاية
عمر وهو ماشي : اوكاااي
( تفرح رغد إن عمر رجع يكلمها تاني ويقعد معاها ، يعدي الوقت ، رغد وعمر وعبدالرحمن قاعدين ف الأنتريه بيتفرجوا ع فيلم )
عبدالرحمن وهو بيتصور سيلفي معاهم : ياااه ي جدعان ، بقالنا كتير مقعدناش القاعدة دي
عمر : البركة ف ناس كدة
رغد : ايوة انا الي اكلت الجبنة
الكل : هههههه
( يرن فون رغد ، تلاقيه بسام ، تكنسل ، عند بسام ، يتنهد بضيق ويسيب الفون ، عند رغد )
عبدالرحمن : انا جعت ، هطلب بيتزا ، هتاكله ؟
رغد : شاورماااا
عبدالرحمن ل عمر : وانت ؟
عمر : ان .............................................
( يرن فونه ، يمسكه )
عمر وهو بيقف : اي حاجة معاكوا
( يمشي بالفون )
رغد : هاتله شاورما
عبدالرحمن : اشطاا
( تمسك رغد الفون وتفتح الواتساب )
رغد : معلش ي بيسو كنا بنتفرج ع فيلم
بسام : ولا يهمك
رغد : منمتش ولا ايه ؟
بسام : لا لسة
رغد : عامل ايه دلوقتي ؟