قصة : ( قدري انت ) ل سهيلة سعيد المنجي ، فكرة : نور عمر

الحلقة ٣ و ٤

قصة : { #قدري_انت } 🔐🤎

الحلقة الثالثة { ٣ } 🦋

رغد : اسكتي بقا نسيته والله
درة : دة استاذ عمر هينفخك !
رغد : م نزل نفخني مخصوص
درة : هتشليه والله
رغد : حصل
( بعد كام يوم ، ف بيت عمر ، قاعدين مامته ومامة رغد ف الأنتريه مع العريس ومامته )
ايات : مشاء الله ربنا يحفظهولك ي حبيبتي
ام العريس : الله يخليكي ي ايات
( تقرب رغد )
رغد : سلاموا عليكوا
الكل : عليكم السلام !
( تقعد رغد جنب امها )
رجاء بصوت واطي : مش قادرة تحطي احمر ولا اخضر ف وشك !
رغد : هو جاي سيرك ، م تهدي ي حجة !
رجاء بغيظ : ي بنت ال !
ام العريس : مشاء الله عروستنا زي القمر
رغد بفخر وصوت واطي : شوفتي بقا ، مش محتاجة ميكب انا
رجاء : دة من زوقك ي حبيبتي
ام العريس : خطيب ابني ، العريس
( تمد رغد دماغها لقدام تبصله ، يبتسملها ، تلاقي تقويم ف بؤه ، تبتسمله ابتسامة عريضة وترجع دماغها لورا تاني وتطبل ع ايد الكنبة ب احباط )
ايات : طب م نسيبهم لوحدهم شوية يتعرفوا ع بعض
ام العريس : اة ياريت
ايات : اقعده ف الجنينة ي رغد
رغد وهي بتقوم : اوك
( يطلعه يقعده ف الجنينة ، وفجأة ، يطلع العريس من جيبه علبة سجاير ويولع سيجارة ويحط رجله ع ركبته ، تبصله رغد ب استغراب وبعدين تضير وشها )
خطيب وهو بيغمزلها : ايه ي قمر
( تبصله )
خطيب : قاعد بعيد ليه ، م تيجي هنا جنبي
( تبصله رغد بعدم ارتياح )
رغد : انااا هنا تمام !
خطيب : طب قولي بقا ، عندك كام سنة بالصلاة ع النبي كدة ؟
رغد بتوتر : ٢٤ !
خطيب : حلو اوي ، انا ٢٨
رغد : اة !
خطيب : قمر انت هااا ، ربنا يحرسك
رغد : شكراً !
خطيب : لا انا خلاص اعتمدت ، اصل انا ع كيفي اوي الحاجات الصغيرة دي ، بعشقها
( تبرقله رغد من كلامه الصريح )
خطيب : انا هقول لأمي نقرا الفاتحة بقا
رغد : معلش لحظة بس ، انا معرفتش عنك اي حاجة ، وفي سؤال ف بالي هموت واعرفه حالاً !
خطيب : بعد الشر عليك ي متدلع ، اي حاجة ف زهنك قوليها وانا جاهز للرد
رغد : احيه بجد
خطيب : ايه ي عم مالك ؟!
رغد : هو انت ليه بتكلمني بصيغة المذكر !
خطيب : بدلعك يابا
رغد : كدة بتدلعني ، هي دي فكرتك عن الدلع ؟!
خطيب وهو بيقوم وبيقعد جنبها : لا دة انتي متعرفنيش ، دة انا ف الدلع مفيش مني اتنين واعجبك اوي
( تتخض رغد وتبعد )
خطيب : بس انا تقلان عليك ي قمر لحد م يتقفل علينا باب
رغد وهي بتصده : ابعد بس كدة ، ياريت مساحة لو سمحت !
خطيب وهو بيبعد شوية : خدي مساحتك ي غالية ع كيف كيفك
( تقوم رغد من مكانها )
رغد : انت اكيد مش مهندس لأ !
خطيب : لا مهندس طبعاً
رغد : مهندس ايه بالظبط ؟!
خطيب : معاكي اجدعها واحد مفيش مكنة تعدي من تحت ايدي إلا وتطلع فابريكة
رغد بعدم فهم : مكنة !
خطيب : اة مكنة ، متسكل يعني
رغد بفهم : متوسييييكل ، بتصلح متوسيكلات ؟!
خطيب بفخر : ايوة مسميني المهندس
رغد : هههههههه
خطيب ب استغراب : ايه ؟!
رغد : هههههه معلش اسفة !
خطيب : خد راحتك ي عود ، ضحكتك قمر
رغد بنفاذ صبر : م تظبط بقا عشان انا ع تكة !
خطيب وهو بيقرب عليها : وع تكة ليه م تفكي كدة و ............................
رغد وهي بتصده : قلنا المسافة ي حبيبي المسافة !
خطيب وهو بيبعد : حقك يابا ماشي ، بس ايه الدنيا طيب ، م انا عاوز نشرب بيبسي واقولك ع الي ف نفسي
( تبصله رغد بقرف وقلق )
رغد : طيب ي باشمهندس ، انا محتاجة خمس ست سنين افكر فيهم
خطيب ب انفعال : نعم يختييييي !
رغد : اختي !
خطيب وهو بيقف : جرا ايه ي بت ، هرياني سؤالات م الصبح وضحك وتريقة ، اومال لو كنتي طويلة حبة كنتي عملتي فينا ايه ، دة انتي بت خدامة !
رغد وهي بتقف قصاده بغضب : ولاااا احترم نفسك ي لاااا !
خطيب وهو بيزعق ف وشها : ولااااا !
رغد بقلق : لو سمحت !
خطيب : دة انا البنات بتجري ورايا وهتموت عليا ، انتي فاكرة نفسك ميييين !
رغد : روحلهم ابوس ايدك رحلهم ، انا مش بتاعة جواز وهقرفك
( يوصل عمر ويدخل البيت )
خطيب : مين قالك إني هتجوزك اصلاً ، دة انا كنت هجبر بخاطر امي فيكي
رغد : طب اتفضل بقا خش خد امك وامشي ي عم المكانيكي
خطيب بغيظ وهو بيقرب عليها : ي بت متخلنيش اتغابى عليكي !
عمر وهو بيجري عليهم : في ايه في ايه ؟!
رغد : البغل دة عاوز يمد ايده عليا ي عمر
خطيب بعصبية : بغللل
عمر وهو بيصده : اهدى ي معلم بس !
( يبص ل رغد )
عمر : مين دة ؟!
رغد : دة العريس
عمر ب استغراب : المهندس ؟!
رغد : مهندس ، تصليح متسكل
عمر : ههههههه
( وفجأة ، بوكس ف وش عمر من خطيب )
رغد بخضة : يلهوي !
( بعد شوية ، عمر قاعد ف الأنتريه وحاطط ايده ع وشه )
عمر بوجع : اااااه !
( تقرب عليه رغد )
رغد وهي بتديله كيس تلج : امسك
عمر : هاتي يختي
( يحطه عند بؤه وارم م البوكس ، تقعد رغد جنبه )
عمر بوجع : اااه ، حسبي الله ونعم الوكيل !
رغد : دي المرة السبعطاشر الي تحسبن عليا فيها خد بالك !
عمر : وياريته بيحوق فيكي
رغد : حد قالك تضحك ع الراجل !
عمر : يعني انتي بتقولي شغالة تريقة عليه م الصبح وجت ع ضحكتي هي الي اثارت الجدل !
رغد : مهو انا معصباه من بدري وبنردح لبعض ، وانت جيت خدت الصدمة بقا ، ههههههه
عمر بضحك : حسبي الله ونعمة الوكيييييل !
رغد : عمر
عمر : اممممم ؟
رغد : بيقولي ي بت الخدامة !
( يبصلها )
رغد بضحك : م انا بنتها فعلاً هععهههعخهه
عمر بضحك : اقسم بالله حلوفة ، جحشة وربنا !
رغد : معرفش هي كلمة تزعل ولا ايه ، بالنسبالي زي ي روح امك كدة ، معرفش بتزعل الناس ليه كأنها شتمة ، م انا اكيد روح امي !
عمر : طب قومي ي روح امك حضريلي اتعشى عشان مف*وخ م الجوع
رغد : لا دي شتيمة صح ؟
عمر : عيب عليكي ، هي روح امك شتيمة ؟
رغد : ايوة صح لأ
عمر : اتلحلحي بقا
رغد وهي بتقوم : ماشي انا كمان جعانة
عمر : هو انتي كل حاجة محشورة فيها !
رغد : الله مش لسة طالعة من علاقة فاشلة ولازم اموڤ اون
عمر : طب هو مش الموڤ اون دة بيبقا وقت اكتئاب وحزن ونكد !
رغد : لا م انا كبرت ونضجت وعقلت وفهمت إن الموڤ اون الوحيد هو المطبخ
عمر : طب اخلصي بقاااا
رغد وهي بتقعد : طب بقولك ايه
عمر : ايه ؟
رغد : بما إني يعني مكتئبة وحزينة ، م تطلبلنا شاورما وحياااااااة امك
عمر : ثانية بس ، هو انتي متعرفيش ف خير ربنا كله غير الشاورما ؟!
رغد : بحبهااا بحبهاااااا
عمر : مش هاكل شاورما انا انسي
( بعد شوية ، قاعد عمر ورغد ع السفرة بياكله ساندوتشات شاورما ، تبصله رغد وتبتسم ، يبصلها )
عمر : في ايه ؟!
رغد بضحكة مكتومة : ولا حاجة !