الهاوية { ما وراء الظل }

بارت 6

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

هلال: قررنا نطلعك بس بشرط

ايليا: وهوة؟؟

هلال: تزوج ناي وتاخذها وياك لبيتكم

ايليا: ههههههههه

الزعيم: الفرحة مبينة عليك حقك لان بنتي حلوة وعيونها تجنن وشعرها حلو وين لاكي هيج ابنية

ايليا: بربك انتة متأكد ابوها تصير؟؟؟
وين اكو اب شريف ينطي بنتة هيج

هلال: ترة دنسوي هيج حتة نأمن عليها وياك

-: انتوا مافيا شاخطة الظاهر شلون تخافون عليها وهي ابوها يضرب بيها

-: معليك بنتي ومتعودة

-: اي مبين متعودة وغاسلين دماغها هم بحيث مبرمجة كلشي متعرف

الزعيم: اني طالع ولاتبقة تمسلت وانتوا البقية لحكوني بس انتي هلال احجي ويا اذا مقنع اكتلوا وصلوا جثتة لاهلة ميحتاج ننتضر اكثر بعد

- راح السافل وبقت هاي تحجي وياي

هلال: شوف نصيحة الك اذا تريد تعيش اقبل ترة اني اقترحت هالفكرة عليہ لان چان قافل عليك يكتلك بعناد عمك لان ديرفض يتعاون

ايليا: وهسة المفروض اشكرج؟؟؟

هلال: القصد انو ناي حبل نجاتك أعقدوا وارجع يم اهلك عيشوا واني اضمنلك محد راح يوصل يمك او يم اهلك

-: انتوا من كد التعاطي صرتوا تخرطون بالحجي لج بابا شوفيها هاي وضع انسانة طبيعية كلشي متعرف

-: لان بحياتها مطالعة خلصتها هنا

-: اي وتتعاطى مثلكم

-: ابد ولا مرة ولا اتعاطت ولا احد وصل يمها لان ابوها محذرهم

-: اي بس عادي هوة يضربها

-: هوة هيج منكدر نغيرة وهسة كافي حجينة هواي قرر بسرعة

ايليا: ثقي لوما اعرف امي تموت وراية وابوية يتخبل وسما تتمرض فلا اقبل بهيج شي كبل اختار اموت شهيد علة ايدكم ولا اقبل بشرطكم بس لخاطر امي وابوي الي انفجعوا باخوية قبل راح اقبل

هلال: هاهية لعد راح اخابرهم وناخذكم نعقد الكم وكبل تاخذها وتروح لاهلك بس حرف متحجي بينة كلشي يبقة لان الزعيم هنا لو تدفن روحك وتختل هم يطلعك وثق مراح يأذيك انتة لا راح يسلبك اهلك كلهم يذبحهم اذا حجيت حرف