الهاوية { ما وراء الظل }

بارت 10

- الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

قمر: الي شفتة بجهازة شلني من الصدمة ولا توقعت
هيج شي ابد واني بصدمتي سمعت صوتة وراية
حجة بضوجة وكال :-

:- منو سمحلج تلعبين بجهازي ؟

قمر: من الخوف حرف مكدرت احجي فما احس الة ودفعني عل الجرباية وصار فوكاية طلع  المسدس من جوة المخدة خلا براسي خزرني وكال :-

-: شكو شي قريتي وشفتي تنسي ولا كانوا شفتي

قمر: انصدمت اكثر منة شلون يباوعلي بنظرات تخوف والمسدس حاطة براسي بحيث دموعي نزلن من الصدمة
صرت ارجف ممصدكة هذا نفسة ياسر الحبيتة حسيتة شخص ثاني فأني بغصتي كلتلة :-

-: منو انتة....؟

- جاوبني بزهكة وكال:-
- ميخصج منو اني فيا قمر تنسين كلشي حرف واحد متحجين

- ابجي واكلة:-
- والله العظيم اكل لعمو عليك اخلي يسجنك لان طلعت واحد مجرم وجذاب

-: جربي وكليلة والله التحلفين بي ثاني يوم تلكين جثة اخوج يمج

-: تهددني بأخوية؟ شلون ينطيك گلبك هيج دكول وهوة كل اهلي ويصير صديقك هم

-: كلشي مستعد اسوي حتة اسكتج

-: تخلي المسدس براسي وتهددني بأخوية مو...؟

- صدمني من كال:
-: وأكثر بعد

- هنا حسيت گلبي انكسر منة فبغصة كلتلة:
-: مثل متريد راح اسكت بس من هاي اللحظة يا ياسر تنساني لان راح احقد عليك واكرهك من كل گلبي

-: خوش المهم تلزمين السانج حتة تضمنين سلامة اخوج

قمر: وخر عني وراح يدخن بالبلكونة واني دموعي ينزلن شلال وگلبي حيل وجعني صار يعصر بية بحيث بجيت بشهكة واني اذكر ضحكنة وطلعتنا اليوم شلون چنت مخدوعة بي وهوة طلع مجرم هنوب بكل گلب بارد خلة المسدس براسي ويهددني بأخوية شكد جذاب ويكلي احبج لا والله انتة جذاب مجرم لاتحبني ولا شي،

لفيت روحي باللحاف حيل واحس شهكتي زادت ماكدرت اسيطر عليها وهوة ولا يمة ولا برر موقفة ولا اعتذر اصلآ صدك حسيت كرهتة ، وراها طلع من الغرفة وما همني وين راح المهم انام بمكان مابي هوة

بس شلون يربي شلون اكمل حياتي وية مجرم شلون هيج عمو جوزيف ميدري بي وكلها مخدوعه بي حتة اخوية الحسن ميدري بي لازم يعرفون حقيقتة بس شلون اكللهم وهوة هددني بأخوية والله يا ياسر ما اطلع قمر اذا ما ندمتك لان هددتني بأخوية