الهاوية { ما وراء الظل }

بارت37

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

نوارة: من رجعت لعيالي بقيت اراسل بسما بس مترد خوفتني بقيت حايرة شسوي كلت انتضر اليوم يخلص اذا ما جاوبتني اروح لاهلها مثل مكالت
وطبعآ شكد ردت احجي لكمال زوجي بس خفت خاف ميصدكني لو تصيرلي مشكلة ،

فبقيت كاعدة بغرفتي افكر وابني بحضني انوم بي من لحد ما دخلت تهاني وسدت الباب وهنا اخترعت كبل كلتلها

-: شتردين تهاني ؟؟

- ضحكت بطريقة خبيثة وكالت
-: سئلي نفسج شريد

- وهنا كبل طلعت جهاز سما من جيبها وتضحك
-: ادري بيج تعرفين كلشي لان سما كلتلج

- هنا اتجمدت بمكاني من الخوف بس أجرت وكلتلها
-: لج تهاني حرام عليج هيج تسوين ترة رمح حماج ولليوم ممأذيج وسما خطية مالها دخل بيج عفية خلي اخوانج يرجعوهم واتلاحكي نفسج

- هنا ضحكت بطريقة خبيثة وبصوت عالي
-: واذا ما رجعوهم شسوين ؟؟

-: أبلغ أهلها

-: تردين زوجج يبقة يحبج ومحترمج ؟؟
لو تردين اسطرة بطريقتي واخلي يطلكج ويأخذ ابنج

- هنا انصدمت من كلامها الخبيث والله هاي مريضة مو صاحية هاي جن مو بشر
-: لج تهاني شدتحجين شبيج تخبلتي

-: مثل ما شهدتي ضدي الة ادمر عيشتجن انتي وياها بس اذا صرتي حبابة وسكتي عني افكر بموضوعج وما أذيج واذا ادخلتي لو اتحركتي خطوة بدون علمي صدكي لو احرمج من ابنج لو اخلي احد يخطفج ويشبع بيج وتعرفين شيصير وراها لا كمال يستقبلج بعد ولا اهلج وانتي فكري زين لان راح اراقب خطواتج

- طلعت من الغرفة واني كعدت بالكاع مصدومة ودموعي تنزل من الخوف كلشي ولا انحرم من ابني لو من كمال بس سما شلون بيها يربي شلون اساعدها وهاي تراقبني وتراقب خطواتي يربي فدوة ساعدني الابنية راح تموتها هالخبيثة اذا ما لحكوها اهلها ....

●○•°●○•°●○•°●○•°●○•°●○•°

سما: من ينام رمح بدون وعي ازحف ادور شي اكلة لان احس من الجوع مصاريني طكن وماكو بس خبز يابس مدري صالة شكد هنا مع ذالك اكلة ومي البوري حيل ناصي يقطر تقطر كوة أكدر اشرب شوية منة

الوجع ينهش بجسمي والبرد كتلني ورمح كلما خلص مفعول الحب يتهستر يدور عل المخدرات الي طشوهن الة هنا واذا ما لكاهن واصير كدامة يضربني بدون وعي بحيث صرت كوة اتحرك كل جسمي يوجعني من ورا ومع ذالك ما أكدر اكرهة ولا أكدر الومة لان ادري ديضربني بدون وعي بس شلون بية اذا بقة هيج رايح يموتنة بيدة....