الهاوية { ما وراء الظل }

بارت40

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

سقراط: واخيرا شلنة البلاتين

سجى: هاهية بعد متحتاجة مو؟؟

سقراط: كلشي متحتاج بعد بس بقة العلاج الطبيعي بالبيت تكدرون تسو وتمشوها

يارين: ارتاحينة حيل من كال هيج وعمة سجى دموعها بعينها من كد ما فرحانة وبابا حضن عمو دانيال حرفيآ نحس براحة لان خلصن هالشهرين وراح ترجع سما للبيت

فالمهم من طلعت من العمليات ورجعلها وعيها بس بعدها تخاف تحرك ايدها ورجلها فعمة سجى بدلت الها ملابسها ومن استقر وضعها ورة كم ساعة عمو دانيال كبل شالها وكال

-: اني اشيل الأميرة مالتي

-: هههه يلة بابا نركض للبيت بعد ماكو مستشفى

-: يلة يلة

- وهنا عمو دانيال شايلها بحضنة ويفر بيها وهي تضحك لحد ما طلعنة وخلصنة من المستشفى بس يمان بقة رقود كالوا كم يوم ويطلع بس وضعة زين وهم باقي يمة عمو ريان وعمة كارولين وهم باقي عمامي يرحون ويرجعون عليهم حتة عمو دانيال

المهم احنة رجعنة للبيت ومن وصلنا كبل خلاها بغرفتهم هوة وعمة سجى لان خافوا يبقوها فوك  وحيدها واصلآ هي  هم رادت تبقة يمهم وهنا طبعآ ركضوا امير وتاليا يحضنونها وهي فرحانة بيهم تضحك

رغم ادري بيها دتجبر نفسها هيج تسوي
وهي الصراحة متغيرة حيل حتة شكلها تعبان مع ذالك بقة هذا السؤال بالي شلون راح تلتقي هي ورمح وشلون حيكون لقائهم
رغم ياسر كال النة وضعة تعبان وعازل نفسو خطية ويادوب الحسن يعالج بي ،

المهم اني وعمة سجى وناي رحنة نسوي غدة حتة سما تاكل ويانة واخوانها وعمو دانيال بقوا يمها .

دانيال: باباتي اروح اساعد امج بالمطبخ وهم خاف البنات يحتاجن شي

-: روح بابا

- بأس رأسها وكال
-: اخوتج الكفو يمج

-: اي

طاهر: حسيت زحمة ابقة يمهم وعلي الدر كاعد يمها من جهة وايليا من جهة حاضنيها فكمت حتة اطلع چان سما كالت

-: شلون اخ يريد بس يطلع حتة ميكلف نفسة يبقة

-: لا والله بس حسيت زحمة ابقة يمكم

علي الدر: احساسك شمرة بالشط

-: ههههه

سما: اني ما اعتبرك غريب طاهر فلاتستحي مني