الهاوية { ما وراء الظل }

بارت38

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

نوارة: كمال طلع للشغل وبعدهم هوة وعمر مقتنعين رمح مسافر محد يدري بمصيبة تهاني ومنا باقر صاير يون من وجع راسة وحابسي بالغرفة لان صاير يخوف وهي تهاني ساحرتلة
وسما صار الها ايام مختفية واني ميتة خوف عليها يربي فدوة ساعدني يا ام البنين ساعديني اوكفولي خلي اساعدها متحملت كبل رحت يم عمتي سديت الباب وحجيت وياها بصوت ناصي

-: عمة فدوة ساعديني لازم تساعديني

-: شبيج ولج يمة شجاج

-: عمة راح احجيلج بس لاتطلعين صوت دربالج احد يسمعنة

-: ولج يمة احجي شكو خوفتيني

-: عمة اخوان تهاني خطفوا رمح وسما

- هنا كبل خليت ايدي علة حلكها لان صارت تبجي وتريد تصيح

-: عمة دخيلج اسكتي بس تسمعنة تخابر اخوانها يكتلوهم فدوة ساعديني حتة نلحك الهم

-: يمة وليدي ومرتة يمة شلون بية شلون بيهم ولج تهاني شدعي عليج متوبين متوبين

-: عمة دخيلج اسكتي خلي نساعدهم فدوة ساعديني

- مسحت دموعها وكالت

-: كليلي يمة شسوي احجي يمة احجي

-: خلي نحبس تهاني بالحمام حتة متخابر اخوانها وهم هيج اكدر اروح لاهل سما يلحكوها هي ورمح فلازم تصيرين قوية وتساعديني عمة

-: اي يمة اساعدج اي يمة اي بس كون يلكوهم

- بداعة رمح عمة لاتبجين حتة نكدر نمثل عليها

-: اي يمة هاهية ما ابجي هاهية

- كمت جبت مفتاح الحمام وبقيت واكفة بالمطبخ سويت نفسي اطبخ وطبعآ محد بالبيت بس احنة صارت عمة يم الدرج وصاحت عليها

-: ولج تهاني يمة تعاي جوة محتاجتج

- مدت رأسها من فوك تتأفف وتكول
-: عمة مو يمج نوارة

-: نوارة دتطبخ يمة وابنها شايلتة تعاي شوفيلي البوري مال الحمام ليش مينفتح

- نزلت تتافف وتدردم
-هسة اني ابتليت صرت چنة خوما ابتليت

-: بس شوفي الي يمة وروحي

- هنا هي دخلت وعمة كبل دفعتها حيل وسدت الباب ركضت خليت المفتاح وهي تعيط وتصيح تريد تفتحة كبل قفلتة ونطيت المفتاح لعمة ركضت لبست صياتي والشال اخذت ابني ورحت عفت عمة كاعدة بالكاع تبجي وتنعي