الهاوية { ما وراء الظل }

بارت 7

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

سقراط: انصدمنة حيل بالي شفنا وبنفس الوقت ايليا واراي بقوا واحد يباوع للثاني حايرين شيحجون تالي اخذت دانيال للكوفي وكلت الهم يلحكونة لان حسيت دانيال بعدة مصدوم حيل ...

اراي: سبأ ابقن انتي وناي هنا شوية ونجي

سبأ: تمام

اراي: رحنة اني وايليا لبابا وعمو دانيال بالكوفي كعدنة برة وصرنة مقابيلهم طبعآ ايليا ساكت واني هم حاير شحجي باوع علة عمو دانيال يباوع لجهة ناي وسبأ الواكفات قريب عنة الظاهر يباوع لناي ومنتظر ايليا يحجيلة ...

سقراط: ولو هستونة شربنة كهوة بس نرجع نشرب يلة شباب شتطلبون

اراي: اي شي بابا

سقراط: وانتة عمو ايليا شتريد

ايليا: نفس اراي اي شي

سقراط: خوش، بلا زحمة فد ٤ كهوة مرة تسطر سطر كون من المرورة

اراي: بابا ترة منحب الكهوة المرة

سقراط: مو كلتلكم شتردون كلتوا بكيفك؟؟

اراي: مو

سقراط: اليوم اريد اشحطكم من المرورة تزقنبوها وتنجبون

دانيال: علة كيفك وياهم يمعود ، بلا زحمة عليك خوية اثنين كهوة مرة واثنين نسكافية وسط للشباب

اراي: هنا الدلال

سقراط: وهسة تحجون الشفنا شنو لو شلون؟؟

اراي: هنا اتمنيت اساعد ايليا بس ما اعرف شحجي وهوة هم ساكت يفرك بأيدة كلش متوتر خطية وعمو دانيال يباوعلة منتظرة يبرر موقفة لحد ما كال:-

دانيال: ايليا بابا اني مراح اضغط عليك ولا انتقدك لان اني مو احسن منك قبل بس تعرف شكد تعبت علة تربيتك وشكد علمتك عن الدين شنو الصح وشنو الغلط فتصرفك وية الابنية هوة غلط لان متحل عليك وارجع واكلك مراح انتضر منك تبررلي شي انتة كبرت وعندك عقل وتعرف الصح من الغلط وخاف عبالك ازعل منك لا مراح ازعل بس راح اضوج حيل من نفسي لان مكسبتك زين حتة تحجيلي كلشي بثقة

ايليا: لليوم اني مخنت تربيتك الي واشوف انتة اب ماكو منة بالنسبة الي احسن اب بالدنيا كلها واني بابا اعتذر لان ضميت عليك بس مكدرت احجي اني راح احجيلك كلشي هسة بس اوعدني انتة وعمو سقراط تحافظون علة هالسر من عمو جوزيف والبقية لان ما اريد احد يحجي علة ناي وهي مالها ذنب