الهاوية { ما وراء الظل }
بقلمي : سجى الزيدي 🌺
حساب الانستا Saj_a7677
لاتنسوا التصويت + التعليق بين الفقرات 💜
• •• ••• •• ••• •• ••• •• ••• •• ••• •• •••
سما: سجلنا عقدنا بالمحكمة بوجود عمو كيان وخالو مسلم وراها رجعنة بالسيارة ورمح ماقصر سوالنة زفة ويهلهل لو يدك هورن ضحكني شلون فرحان وكل شوية صاح بصوت عالي
-: ولكم رجعت مرتيييي
- واني خلصتها اضحك واصفك وهوة كل شوية يكرص
خدي ويبوس اصابعة الكرصني بيهن ويكول
-: افيشششش هسة ردت روحي
- عيوني دمعن واني اشوف فرحتة لحد ما وصلنا للبيت
نزل بسرعة فتح الباب مال بيت واني نزلت فرجع شالني
ودخلني جوة وسد الباب وبدت دموعي تنزل واني اذكر
شكد چنت مشتاقتلة فهوة ضمني لصدرة قوي
وكال
-: فرغيهن بحضني كلهن فرغيهن
- بقيت ابجي واشهك بحضنة منكد ما مشتاقتلة ومشتاقة لحنيتة وحبة الي غمضت عيوني وهوة شالني وكعدني بحضنة وبقة حاضني يبوس بية واني دافنة راسي بصدرة رجع اتنهد وكال
-: ما اعوفج بعد والله ما اعوفج رمح بلايج مايسوة
شي
- رفعت وجهي وكلتلة
-: هم نسيتني بيوم.....!؟
-: بيوم ....!؟ دقيقة متفوت بيومي اذا مو انتي ابالي
دقيقة متفوت اذا ما أحلم ضامج لصدري كل وقتي خلصتة افكر بيج
- جر حسرة وكال
-: رغم الأسف ميفيد عل السويتة بيج
-: مو كلتلك انسة لاتذكرنة بشي محلو
-: هاهية يروحي هاهية
- بقيت اباوعلة وهوة عيونة دمعن هم فكبل اتمدد وخلاني بحضنة وبقة يبوس بية وبقينة علة هالحال بحيث فرغنة كل اشتياقنة وحبنة لبعض لحد ماغفيت
علة صدرة وهاي احلة نومة نمتها من نهد سنتين ،
فالصبح كعدنة وكان الباب يندك وهوة بالمطبخ ديسوي
جاي رحت افتح الباب ومن فتحتة انصدمت من طلعت نوارة وأم رمح بالباب هنا اخترعت بمكاني فكبل رمح
اجة ضحك كلهن
-: اتفضلن اتفضلن البيت بيتجن
- ام رمح كبل دخلت حضنتني قوي وباستني واني مصدومة بمكاني اباوع لرمح وهوة بس يضحك فكبل كلتلة
-: شنو هذا رمح ....!؟
- ضحك وكال
-: شنو حبيبي غير امي دتسلم عليج
أنت تقرأ
الهاوية { ما وراء الظل }
Storie d'amoreمابين طيات الماضي وحلاوة الحاضر ذكريات لاتنسى واحلامآ لم تتحقق شبابهم الزاهر وأرواحهم النقية وبعضها سوداوية من هنا تبدأ حكايتنا النقية .....
