الهاوية { ما وراء الظل }

بارت36

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

" نرجع شوية بالزمن"

سما: ادري بنفسي دا اجازف بحياتي بس مجبورة ما أكدر احجي لاهلي هنا صفنت بيني وبين نفسي افكر واذكرت نوارة هي أملي الوحيد لازم ابلغها في حال تختفيت توصل هالشي لاهلي كبل خابرتها

نوارة: هلو سما

-: نوارة انتي وين ؟؟؟

-: بيت اهلي ليش خوما اكو شي

-: بسرعة نوارة روحي بغرفة وحدج وسدي الباب

-: خوفتيني سما

-: ولج بسرعة معندي وقت

-: وحدي بالغرفة والله وسديت الباب

-: اسمعيني نوارة وحفظي كلامي زين تهاني لعبت لعبتها وسحرت لباقر مو لرمح

-: عززززة

-: من طلعتوا كلكم وبقينة بس احنة خلوا مخدرات بالمي لرمح ومن شربهن ضربني حيل علة بطني وطرحت

-: عزززة بعينهم شنو هالوحوش يربي

-: اخذوا رمح لمكان مجهول وهددوني بي انو ما احجي لأي أحد واذا حجيت لاهلي يكتلوا فلهيج خالة والبقية عبالهم رمح مسافر

-: اي لج كامل كال مسافر واتعجبت لان ادري بي ميعوفج

-: لج نوارة ركزي وياييي

-: اي اي احجي

-: باعي اخوان تهاني دزولي عنوان اروحلة حتة اضمن سلامة رمح وحتة محد يشك كلولي أبلغ اهلي انو رمح اجة اخذني اسافر ويا بس هوة جذب

-: عفية سما خوفتيني والله لج لاترحين

-: اني راح اروح هسة للعنوان سجلي عندج شارع ال***** منطقة ال*** اوكف بنصها وادخل اتمشة جوة

-: لج عزة فارغة ذيج المنطقة لج سما لاتجازفين وحدج

-: لج فهميني نوارة يكتلووووو اذا اهلي دروا رمح يمووووت ومحد يلحك عليہ

-: يربي شلون مصيبة هاي

-: نوارة باعي اذا ما رجعت خلال هذا اليوم روحي لبيت جدي شاهين شارع*** بمنطقة ال***** اول فيلا واكفين بالباب حماية ماعندي احد غيرج يكدر يساعدني حبابة نوارة اذا مارجعت خلال يوم بلغي اهلي يجون لنفس العنوان لان اذا ما اجيت لو معناها انخطفت لو انقتلت