الهاوية { ما وراء الظل }

بارت31

- الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

دانيال: هنا رجعوا هددوها بية اذا طلعت صوت يكتلوني كبل فهي ما اتحملت من شافت حالي شلون مضروب كامت ضربت عمي بالطابوكة قوي

فهوة صار عصبي وكبل خنكنها بكل قوتة خلاها ترفس وصاحبة ساد حلكها وقتها صوتي اختفى ماكدرت احجي شي ماطلع مني حرف واني اشوفهم شلون كتلوا امي كدامي وشلون اغتصبوها وهي ميتة

سما: دموعي تنزل علة كلام بابا شلون موقف مؤذي بشكل فضيع ومينوصف شلون شاف شي لازم ميشوفة شلون عاش وية ناس وحوش مو بشر

دانيال: وراها رجعوها للبيت وشنقوها بحبل بحجة هي انتحرت وهي چانت تغري بعمي وهي مو شريفة نشروا عنها انواع الحجي وابوية كبل صدك بيهم لان اهلة وأمة بقت تكلة شفتها بعينة تتحارش بأخوك وتخلي يشرب وتبقة يمة هوة اشتعل نار وما سئل عني ولا حضر دفنتها

بقيت بذاك المخزن واني كلي أمل راح ترجع امي تاخذني لو ابوية يجي ياخذني بس محد اجة وحضني محد شافني شبي بس وقتها دمعة منزلت مني وحرف محجيت ولا دافعت عن امي

بقيت مصدوم بيبيتي لان هي تعرف الحقيقة كاملة بس حشت برأس ابوية وحتة اني خلتة يكرهني بحيث تخيل اخذوني سولي تحليل DNA حتة يتأكدون اني أبن منو

انتضرت ابوية هواي بس ما سئل عني رغم عشت وية اخواني بيت جدي بس تربيتهم وحد عني الهم الاهتمام والأمان رغم امهم عافتهم واطلكت بس محد قسة عليهم او ضوجهم الة اني محد رادني ياهو اليجي بعمامي يضربني وحتة بيبتي تتخبل مني لو تضربني لو يسمعوني حجي عن امي

اكو خدامة بيت جدي خلوني انام يمها بغرفتها وهي تحير بية وابوية مسافر ومن يجي ميشوفني اصلآ لان كره امي وكرهني

كبرت والحقد اتجاهم كبر وياي وعدت نفسي اخذ بثارها بقيت انام يم الخدامة وهي حايرة بية وتقري بية لحد ما كبرت ابوية اشترة هاي الفيلا وكلمن خصصلة طابق احنة الأربعة اني چان الطابق الثاني الي بس نادرا ما اجي هنا لان التهيت بدراستي وردت اصير جراح

فكرت اذا صرت جراح شاطر ابوية راح يفتخر بية ويمكن يصير يحبني بديت اشتغل أشغال حرة وماردت اخذ منة فلوس بس من توازيت علة شقة ردت اشتريها قريبة عل الكلية بكت من فلوسة واشتريها لان ما ردت اطلب منة وهوة ميطيق شوفتي

كملت طبية وبديت بفترة الاقامة مال مستشفى وبسرعة اتعلمت شغلي وماكو كتاب طبي ما ابحوش بي واتعلمة بحيث حصلت بورد وراها صرت اختصاص جراحة كسور لان حبيتها وهم الله وفقني وصرت شاطر حيل بمجالي وطبعآ سقراط وياي بكل خطوة