الهاوية { ما وراء الظل }

بارت24

- الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

احمد: من شفت ايفا واكعة بالكاع وبطنها دم ركضت الها بكل قوتي بس اريد اشيلها خليتها بحضني واحجي وياها وهي تغمض عيونها وتفتحهن متحجي شي شبه فاقدة كبل صحت علة مهيب يلحكني

-: ولك مهيب شغل السيارةةة

مهيب: من شفت احمد ميت خوف وايدة ترجف بحيث كوة شال ايفا للسيارة ركضت شغلتها وصرت اسوق للمستشفى وهوة ليورة خالها بحضنة لازم مكان الطلقة بطنها ويحجي وياها ودموعة بعينة وهي فقدت متفتح عيونها خررب،

كلة من وراية شسويت بأخوية ومرتة خررب اذا صار بيها شي ما اسامح نفسي ابد الله لايوفقهم ال**** ،

وصلنا للمستشفى اليداوم بيها احمد وكبل شالها ودخل صار يصيح ركضوا عليہ جماعتة واخذوها للطوارى شافوا نبضها موجود بس المصيبة حامل كبل دخلوها عمليات وما قبلوا احمد يدخل رغم زميلهم بس مقبلوا خافوا يأثر عليهم فكوة لزمتة يبقة يمي

مهيب: كلة من وراية كلة من وراية

احمد: بس اسكت مهيب اسكتتت

مهيب: صار يروح ويرجع كدام العمليات ميت خوف عليها واني احس كلة مني اني السبب ،

يارب فدوة ميصير بيها شي يارب بس تطلع سالمة ومابيها شي نذر علية زوج زينب اليتيمة بس خلي ايفا تطلع سالمة والله اتكفل بيها وما اعوفها،

بقيت حاير شسوي لاحمد لان ميقبل يكعد ولا يغسل كلش متوتر وخايف فتقريبآ ربع ساعة واجوي ابوها واخوانها وابوية هم ركضوا لأحمد وهوة كوة شايل روحة

شاهين: احمد بتي وين ولك شبيها ايفا شبيهااا

مهيب: احمد دموعة بعينة وحتة ميكدر يحجي فكبل حجيت بدالة

-: عمو ذولة ناس اتعاركوا ويانة ورموا طلق فطاحت وحدة بطن ايفا

جوزيف: منمة ال***** ال***** الي رموا لك احجي منمة دليني عليهم ذولة ال***** اليوم اسود عيشتهم

شاهين: اريد اعرف بتي شعدها وياكم اذا تتعاركون ؟

احمد: اجتي وياي حتة نرجع مهيب

رزاق: كلة من رأس مهيب اني ما لزمتة وأدبتة

مهيب: يابة انتة تلومني ليش همة ناس س**** بحيث احنة اثنين وهمة كلهم مسلحين واصلآ ايفا مو يمنة بس حظها الفكر خلة الطلقة تطيح بيها