الهاوية { ما وراء الظل }

بارت47

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

ياسمين: وصلنا لغرفتنة بالفندق وخلصتها نايمة بحضنة
وهوة يلعب بشعري لو يتأمل وجهي بقينة هيج لحد
ما كمل كولشي بين بوساتة ولمساتة فوراها علي راح يسبح ومن كمل اني هم رحت سبحت وطلعت جففت
شعري وكبل رجعت اتمددت بحضنة وهوة بقة يلعب بشعري بس صافن حسيتة مو علة بعضة فكلتلة

-: بيك شي حبيبي ؟

- اتنهد وكال
-: اتمنيت لو صادق موجود

- سكتت شوية ورجعت كلتلة
- رحتلة البارحة ؟؟

-: اي رحتلة اترخصت منة علمود عرسي لان استحيت اسوي عرس وهوة ماكو ويانة

- سكت بضوجة واني رفعت نفسي وبست خدة كلتلة
-: اني متأكدة هوة فرحان الك وسعادتك تهمة فلا
تبقة ضايج وتخلي يشيل هم ضوجتك

-: تدرين يومية ادعيلة بصلاتي انو الله يغفرلة ويجعل مثواه الجنة

-: اي حبيبي ادعيلة

-: والله حتة الصلاة مقسميها بينة اني وطاهر وامي كلمن يصليلة فد فرضين بالنيابة عنة

-: زين تسون يروحي

- نام بحضني وحضني من خصري قوي واني هم حضنتة من راسة العب بشعرة حتة ينام لان ادري بي مقهور لان صادق مكان موجود بعرسنة رغم اني شفت علي بالعرس كل شوية واتلفت بالقاعة عبالك يدورة بين الموجودين

وحتة عيونة دمعن بس مراد يخرب الحفلة علينة صار يركص ويضحك بحيث حتة طاهر لاحظ هالشي واجة حجة وياية قبل لانطلع للفندق وصاني اخلي علي ينام لان راح يبقة يفكر بصادق الي راح وترك ندبة بگلبهم متتعالج

فالمهم بالنهاية علي الدر ثكلن انفاسة ورخة جسمة فحسيتة غفة بست راسة وهم غمضت عيوني لحد ما
غفيت .......

●○•°●○•°●○•°●○•°●○•°●○•°●○•°

يارين: كعدنة الصبح من وكت حتة نحضر ريوك للعرسان
وطبعآ احنة نقلنة كل غراضنة وغراضهم للبيت الجديد
لان عمو كملة بس اكلنة ولماتنة حتكون هنا بيت عمو
فالمهم حضرنة الطلبة اني وسما بس ناي بعدها نايمة
فصعد ايليا يكعدها

ايليا: صعدت اكعد ناي لان الساعة بل10 واحنة حضرنا الريوك حتة ناكل سوة فمن دخلت لكيتها بعدها غافية كبل طفيت الضوء بحيث ولا نقطة ضوة بالغرفة وكبل رحت بصفها كعدت وصرت اهمس باذنها واكول بصوت
خافت