الهاوية { ما وراء الظل }

بارت48

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

طاهر: من كال الحارس هيج علي الدر جمد بمكانة فاتح عيونة منصدم واني وياسر باوعنة الة لان هوة كال شفتها ميتة ودمها چان بيتهم
فرجع الحارس كرر كلامة وعلي بعدة بصدمتة
فجدة شاهين بعصبية كال 

-: خليها تدخل خلي نشوف يا جذابة تسوي نفسها مرتة

يارين: كلنة بقينة ساكتين نباوع لعلي الي وكف مصدوم منتظرها وياسمين من الصدمة حسيتها حتتخربط ممصدكة السمعتة واحنة كلنة بقينة نباوع للباب نريد نشوف هاي الرفل فشوية وكان دخلت ابنية بكدنة تقريبآ شعرها قصير ولابسة بنطرون وهودي عريض اول مشافت علي حجت بهدوء وهي تباوعلة

-: جنيد

- طاهر وياسر وكفوا يباعولها بصدمة وعلي ايدة صارت ترجف فاتح عيونة مصدوم بشوفتها فكبل راح الها بسرعة ومنحس الة لزم رگبتها يخنك بيها وكبل طفروا ياسر وطاهر ويمان يوخروها منة واحنة وكفنة مصدومين لان عبالك يريد يموتها

خوفنة بحيث حتة عمو دانيال صار يجر بي يوخرة منها لحد ما كوة وخروا وهي وكعت بالكاع لازمة رگبتها تكح وتجر نفس قوي

رفعت عيونها تباوعلة وبيهن دموع وهوة بدة يحجي وياها وعيونة مشتعلة نار فبكل عصبية كلها

-: تلعبين علية ؟؟
لج رفللللل تلعبين علية انتي وابوووووج
رفل انتي ميتة لج شفتج ميتة ميتةةةةة

- وكفت كدامة ونزلن دموعها كالت
-: لا مو ميتة بس هوة هددني بأمير حتة اقنعك اني متت

- رجع راد يضربها وعمو ويمان لازمي وطاهر وياسر كدامها وكفوا فصار يحجي بعصبية ويكلها
-: شنو تقنعيني رفل شنو تقنعيني لج اني شفتج ميتة
اني شفتج بعيني ميتة والدم بكصتج

- حجت بصوت ناصي وكالت
-: هوة كلي اخليلك مخدر بالاكل حتة متذكر التفاصيل
ويقنعك بالشي الي انتة ما متأكد منة

- حجة بصدمة وعصبية كال
-: شنووو؟؟؟

- صارت تباوعلة ودموعها تنزل فكالت
-: انتة تعرفني ما احبة بس هوة هددني بأمير فمن عرف دا اخذ الوثائق مالتة الك ضربني وهددني بأبنة فسويت اليريدة وخليتلك مخدر بالاكل فبليل الدم الشفتة كو دمي بس دم واحد من اتباعة كتلة ومسح كصتي بي بحجة هذا دمي واصلآ هم ضربوني مخدر حتة انام فما ادري شنو شفت انتة بس من كعدت انتة قنعك انو اني متت وهوة اخذني لمكان بعيد يم وحدة عجوز يعرفها بقاني يمها وهددها اذا طلعت تبلغة وهددني اذا انتة عرفت بية عايشة يكتل
أمير ويجيبلي جثتة