الهاوية { ما وراء الظل }

بارت49

الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

يارين: الحفلة مال قاعة كانت كولش حلوة واحلة شي بيها هي فرحة الحسن بزوجتة اصلآ طاير بيها فالمهم شفنة سما ماكو فعمو كال رجعت للبيت رغم علي وايليا ضاجوا لان وحيدها بس عمو كلهم نعست ورجعت فهم ما ردنة نطول حتة نرجع الها ورة ما نزف الحسن لبيتة

فمن طلعنة بالممر وعمة سجى واكفة يم عمو دانيال
وطاهر وايليا وعلي وياسمين بصفهم واني ورفل وناي وأمير وتاليا علة جهة واكفين فجدو جاب صديقة
ديسلم علة عمو ويحجي ويا وصديق جدو يصير مسؤل الشركة المتعاقد ويا ياسر اسمة ازاد فديسولف وية بابا وعمو يكلة

-: ذولة ولدك ؟؟

- جاوبة عمو وكال
-: اي عمي ذولة ولدي الكبير علي الدر والثاني طاهر والاصغر ايليا

- رفع ايدة وكال
-: تحرسهم العذراء

- رجع كال
-: اني حفيدي صار مسلم مثلك وهوة عمرة 29 سنة فراد يزوج وكلتلة اني اخطبلك

- باوع لعمة سجى وكال
-: فأريد اخطب بنتك الحلوة هاي لحفيدي لان
مسلمة مثلة

- هنا ما احجي الصدمة مالتنا لو مال عمو لو مال الولد لو مال جدو وبابا بقينة صافنين نريد نستوعب عليمن يحجي فعمة سجى باوعتلة واشرت بصدمة علة نفسها
فكلها

-: اي بوية انتي لان حليوة وتلوكين لحفيدي اذا ابوج
قبل

- هنا علي الدر والولد حاصرين ضحكتهم وعمو دانيال يباوعلة بصدمة فرفع حاجبة وكلة

-: هاي زوجتي مو بنتي

- هنا من الصدمة الرجال استحة وبقة يتعذر واخر شي اترخص وطفر وية جدو واحنة فطسنة ضحك خو عمة
سجى تباوع لعمو وتضحك وهوة متجتف وصافن عليها
اخر شي بضوجة كلها

-: خو انتي مكيفة مكيفة

- تضحك وتكلة
-: خطبوني منك

- رجعت تضحك وتضرب بجتفة واحنة هم نضحك عليهم وشلون عمو بعدة صافن اخر شي كلها

-: بعد ملابس رسمية ماكو واللون الأحمر هم ماكو
منا وجاي بوشية وعباية

-: شدعواك حبيبي قابل شصار الرجال اتوهم وخطبني
لحفيدة لان شافني صغيرة واخبل

- جاوبهة بغيرة وعصبية
-: لعد دربالج لاتتخبليننن

- رجعت تضحك وعمو مشتعل غيرة واحنة فطسانين ضحك عليهم وفدوة يخبلون والله شلون هوة يغار عليها وهي تستفز غيرتة خلصها صافن عليها وهي تضحك هنوب علي يصور بيهم عبالك لزم مستمسك عليهم ....