الهاوية { ما وراء الظل }

بارت 12

- الهاوية { ما وراء الظل }

بقلمي : سجى الزيدي 🌺

حساب الانستا Saj_a7677

لاتنسوا التصويت + التعليق بين الفقرات 💜

• •• ••• •• ••• •• ••• •• ••• •• ••• •• •••

ايفا: من كال ايليا هيج اخترعنة من الصدمة لان مستحيل تدخل عقلنا يعني شلون يارين تسوي هيج شي اباوع لجوزيف صام ايدة حيل ويباوع بصدمة ليارين يريد يستوعب

جوزيف: شنو كلت ايليا ؟؟

-: يارين السوت السحر تخيل عمو يارين بنتك الي بحياتي ممسمعها حرف او مضوجها يارين الي ابوية يعاملها مثل سما وهي وسما من الطفولة سوة ومع ذالك كسرت ابوية وامي بينة بكل دم بارد بس تدرين شنو يارين كل ساق سيسقى بما سعى مو هنوب شغلة سحر راح ادفعين ثمنها غالي

يارين: عيونة حمر ومدمعة صرت ارجف واني اباوع لنظرات عمو دانيال شلون مصدوم خفت حيل من بابا وردة فعلة اتجنبت نظراتهم واني ادري بيهم كلهم يباعون علية الرجفة زادت عندي واتمنيت اموت بهاي اللحظة اتقرب بابا مني وصار يحجي وياي بصوتة الي يستجوب بي المجرمين نفس الطريقة استخدمها وياي

جوزيف: يارين انتي الي سحرتي لابن عمج؟؟؟؟؟

يارين: بقيت مدنكة ودموعي نزلن مكدرت اجاوبة لان اني السبب مكدرت ابرر او ادافع وما احس الة بابا ضربني راجدي وكعني بالكاع بحيث لزمت خدي من الالم وهاي اول مرة بحياتي يسويها اجة ياسر يركض وخرة عني واحس هاهية كلهم كرهوني شفت سما واكفة بس متجرأت اباوع بعيونها بقيت مدنكة لان اذيتها اني ...

ياسر: يابة عوفها حباب عوفها

جوزيف: لك شعوفها وهي مسوية سحر لابن عمها تريد تخبل اخوية خاف عايز ضيم ولج بس فهميني شلون هيج تسوين شلون تأذين اخوية

ياسر: صديقتها السوت مو هي

ايليا: ههه

ياسر: شبيك ايليا ؟

ايليا: تدافعلها ولا كانوا هي الي نطت لفافي واسم امي لصديقتها

ياسر: اي غلطت من سوت هيج بس متدري بصديقتها راح تسويلك سحر فلا تكبر المواضيع

ايليا: اكبر المواضيع؟؟؟ ياسر امي وابوية مفجوعين قبل بأخوية بحيث امي خلصتها مهدئات ومنومات تاخذ لدرجة تخاف من خيالها صارت بس تتوهم ومن انخطفت هم ادمرت نفسيتهم تعرفون شكد اهلي تعبانين ومناقصين ذرة وجع ابد حتة تجي يارين تسحرلي وترة ما اذتني بس اني لا

خلتني أذي ناي الي اصلآ متعرفها وأذت سما الي هي مثل التوم مالها انتة تعرف شنو الالم الحسيت بي؟