Firefighter Transmigrated into the Mafia Boss' Foolish Daughter

Chapter Six

FTMBD

Lutang parin akong naglalakad ngayon. Naramdaman ko pa ngang hinila ako ni Phobi sa gilid. Tsaka ko lang napansin na muntik na akong tumama sa display na lion statue na nasa gilid lamang ng malaking kahoy na pinto.

Sinong hindi malulutang kung ang akala mong isang oras na pag-iisip ay inabot ng buong araw?! Parang kanina lang umaga pa ah. Iba siguro ang bilis ng takbo ng oras nila dito sa loob ng nobela.

Napatango naman ako sa naisip. Grabe, nararamdaman ko na talaga ang overflowing kong katalinuhan!

'Siguro ramdam mo din ang overflowing mong kakapalan, Alora? Yah! Dapat bawasan mo muna ng kaunti, nakakahiya sa kaluluwa ni Cosette kung nasaan man siya ngayon! P--pfft hahaha!'

Hinanda ko muna ang sarili ko sa makikita sa loob ng dining room. Pero pagpasok ko'y ako lamang ang tao kasama ang mga nakahilerang maid in uniforms. Yah! Mabuti nalang wala dito ang mga nakakainis na unggoy.

"Here is your food, milady," magalang na sabi ni Phobi habang nilalagay kuno ang pagkain ko sa mesa na kaharap ko.

Tahimik ko lang naman itong tinitigan. Pagkain parin naman. Napatampal ako sa noo ko. Bukod sa naaamoy kong may hinalong gamot sa kanin, ngayon ko lang din napansin ang kakaibang way ng pag-serve nila or should I say method of cooking nila.

Nasa iba't ibang lalagyan ang mga ingredients nila. Kaya siguro wala akong maamoy na bango ng pagkain. Wala din akong masyadong malasahan. Hindi nga pala mix ang mga ingredients nila dito. Ang kumakain na ang bahalang maglagay kung ano ang gusto nila.

Huminga ako ng malalim at pikit matang kinain ang kanin na may gamot. Y--yucks! Ang pait naman nito! Maghahalo na nga lang ng gamot sa kanin iyong sobrang halata pa!

Ang nanay nina Magdalena ang nagpauso na painumin ako ng gamot dahil pinakalat nitong may sakit sa ulo si Cosette. Ayaw nga sana ng tatay ni Cosette na bigyan ito ng gamot dahil hindi ito naniniwalang psycho ang kaniyang anak.

But that woman insisted na mas makabubuti daw na maaga palang ay naagapan na ang sakit sa utak ni Cosette. Kaya kahit labag sa loob ay hinayaan niyang bigyan ng mga ito ng gamot si Cosette.

Masakit iyon para sa damdamin ni Cosette. Ipagkalat ba naman na may problema siya sa utak. Kung si Magdalena pa siguro ay maniniwala talaga ako!

Siguro kaya nila naisip na psycho itong si Cosette dahil bata palang ito'y iba na ang talino ng babaeng 'to. Idagdag pa na habang lumalaki ay nakitaan siya ng potensyal sa paghahalo ng mga ingredients na kalaunan ay nagagawa niyang panlason sa mga hayop.

She loves experimenting, but never likes fighting. Sa sobrang tamad ng bruhang 'to ay minsan nga hindi pa niya tinatapos ang experiment niya. Ang nakakapagtaka lang ay tamad siya pero sobrang go na go sa paggawa ng kahihiyan sa sarili. Jusmeyo!

Although maraming kahihiyan at sikat ang pangalan ni OG Cosette sa mga social platforms, people had never seen her with a gun or any dangerous weapon. Tanging ang Cromwell family lamang ang nakakaalam na kayang makipaglaban ni Cosette.

Dahil doon kinilala tuloy siyang "Stupid Princess of Cromwells." Pero at least tinawag siyang princess, okay na ako doon. It's a compliment.

Luh, Alora hibang?

OG Cosette hates exerting too much energy into things na para sakaniya ay wala namang pakinabang sa well-being niya. She didn't even participate in the mandatory training that her father required of them. She was lazy, just like me.

Pero pahabulin niyo ang babaeng ito sa lalaking nagugustuhan niya, nawawala sa vocabulary niya ang pagod. Todo bigay sa kahihiyan ang ate niyo!

Agree naman ako na dapat gamutin ang bruhang ito. Aba'y mahirap na at baka lumabas ang dragon— which is me. Hehe. Sunog pati kaluluwa ng mga hayop kapag hinayaan nilang lumabas ang bomberong 'to.