viking baby

الجزء 13

اليومين لي جاو بعدها مهزتش راسها من الكتاب
تمشي وتقرا تقعد تقرا ترقد والكتاب في يدها تنوض تقرا ... بزاف أمور تبدلت في نظرها حتى طريقتها كيفاه تشوف لوكي تبدلت اكتشفت حوايج في صغرو خلاوه يكون هكذا وحوايج في صغر رون خلاوه يكون هكذا وقرات وش لي عمل ايفان بش دخل بينهم و قرات كيفاه دخل اولاف لحياة لوكي وكيفاه عاونو
نظرتها تبدلت كليا حتى الحرب تع يوم العيد قرات عليها وكيفاه ايفان كان هو اللي مد الامر ومش رون و في النهاية وصلت للجزء لي راهم فيه دوك ، بعد حرب عيد الانقلاب الصيفي
قعدت على العشب بعيد على حس القرية قدام حقل كبير و الماشية دايرة بيها من كل بلاصة
(( لم يكن الملك المتوج رون على علم بما كان يحضره جنراله الاول إيفان مع الانجليز ، لم يكن ليوافق على مجازر كهذه ولا أن يسمح بموت شعبه هاؤلاء من تشارك معهم الدم والدين... إن الفايكينغ من تشاركو نفس العقيدة ونفس الدم امتلكوا تعصبا كبيرا لقومهم وكذلك الملك
لكن الجيش الذي كان على استعداد ليطيح بكل ما بنته يدي والدهم القائد العظيم و ما واصل بناءه هو كان يتقدم منهم .. الامير الغاضب لوكي والذي شعر بأنه اضطهد لسنين طوال عقد العزم على اخذ الثأر و إبادة كل ما يقف في طريقه ...))
حبست وهزت راسها تشوف بعيد ، كيفاه الكتاب هذا صور لوكي على انو ظالم رغم انو لا هو لا رون في الحقيقة ظلمو... كيف اي اخ وخوه كان عندهم خلافتهم لكن لوكان واحد ما دخل بيناتهم كانت الامور ماش راح توصل لهكذا و الانجليز مش طامعين ينشرو الدين فقط بل ناويين يحتلوها ويمسحو الوثنية تماما لي اعتابروهم كفار ويلزم إبادتهم
ليف : الكاتب تع القصة هذي هو الظالم ، مصر يخرج لوكي بسيف شرير
اولاف : ممكن نقعد ؟
حركت راسها ايه وهو قرب وقعد قدامها
اولاف : كشما لقيتي في الكتاب ؟ كيفاش بش نهزمو رون ؟
ليف : حتى دوك ؟ لا مكانش
أولاف : والخطة تاعهم عندك ؟
ليف : ايه
اولاف : بش نحكيو للقائد و تاني ... بش يكون عندك علم بش نتجولو بين القبائل الموجودة لوكي يحتاج حلفاء جدد
ليف : نعرف ، بش يدور بين القبائل و يحاول يضمهم لجيشو ضد خوه
أولاف : صحيح وانتي راح تجي معانا
ليف : ظن انو الحل تع هذا كل انو واحد فيهم يقتل التاني؟
اولاف : مكانش حل تاني بش يسترد لوكي كرامتو وينتقم لدم شعبو
ليف : و البقية لي بش يموتو مش شعبو ؟ ولا ماعندهمش دم
اولاف : مدخليش روحك في امور متفهميهاش ليف ، انتي ديري لي عليك وخلي الباقي علينا
ناض وخلاها بقات ساكتة
ليف : بما انو اختي في النص بش ندخل روحي في الامور لي متهمنيش
طبقت الكتاب وناضت مشات رجعت للقرية وفي هذاك الوقت في بلاصة اخرى وفي المدينة تع الملك رون بالتحديد
فالي : اااااااااع ...
رون : احكي ، وش كاين تاني
فالي : مش هذا لي طلبتو
ضرب الصحن لبعيد طاح في الارض وخزرت فيه هو و ايفان
فالي : طلبت العنب الاسود جيبولي عنب اسود فهمتووووو
حكم ايفان في السيف تاعو
ايفان: خليني نخلص عليها
رون : لاااا وقف .... خلاص هدي روحك دوك نجيبلك
أمر رجالو يمشيو يجيبولها عنب اسود وهي طلقت لاطاي فوق السرير اللي جهزولها المغطي بأنعم فرو تع دب قطبي
رون : وقتاه بش تحكيلي وش قريتي
فالي: تعرف الصدمة النفسية لي عيشتني فيها انو أثرت على ذاكرتي وبش نتذكر التفاصيل مليح لازمني راحة
ايفان : راهي تلعب بينا
رون : كيفاه تلعب بينا وهي تعرف تفاصيل واحد ما يعرفها
ايفان : خليني نخلص عليها
رون : لا ...
عض على سنيه ومشا خرج وهو يلعن فيها وفي لوكي الغبي لي خلاها وراهم
فالي : كان تسمع مني بركا ما تبع في لي يقولو ايفان
رون : جنرال ايفان حاولي تنادي كل واحد بلقبو
فالي : انا نصحتك مرة أخرى متندمش
قرب منها وقعد
رون : علاه وش عمل ايفان
فالي : أمور بزاف يمكن تشوفها صغيرة ولا تشوفها كبيرة بصح معنديش ثقة فيك نحكيلك قادر يقتلني هو عموما كي تجيبلي العنب نحكيو نوض دوك كي قربت بزاف تفكرت كيفاه ضربتوني وبدات تتشوش ذاكرتي
رون : سامحيني هاني نضت
فالي: يمكن غدوة كشما نتفكر
رون : ايه ايه اتفكري بعقلك
الليلة هذيك كانو مجتامعين مع القائد اللي عرض بزاف من الناس الواصلين والبحارة المعروف صيتهم تم وبين القبائل ليف كانت تتجهز ويلبسو فيها من احسن ما عندهم ، بعد ما قرات الكتاب قريب تخلصو سايي عاد عندها نظرة على وش يستنا فيهم وكيفاه تتصرف
مشات لعندهم وين الكل مجتمع وقف قائد القبيلة
- الكل رحبو معانا بالساحرة تاعنا
دورو كل يشوفو معاها ولوكي تاني في نصهم متفاجأ بيها داخلة لابسة ثياب كأنو رايحة الحرب و وجهها بالدم مرسوم والكتاب في يدها ، شكلها دخل الرهبة في قلوبهم كل وهو قطب حواجبو ويتفرج معاها
- الساحرة تابعة القائد والمحارب العظيم برنس لوكي
بداو يحكيو بين بعض ويتهامسو وهي مشات قعدت على الكرسي جنبو
- الكلمة ليك برنس لوكي
وقف لوكي و رحب بيهم كل وبدا يحكي
لوكي : نظن الكل سمعتو وش صرا مع اهلي وناسي والمذبحة الكبيرة تع ليلة العيد
بداو كل يحكيو وكيفاه مش عاجبهم وش صرا وكيفاه كل خايفين تصرا معاهم
لوكي ،: اللي قادر يخرق قوانين تاعنا كيما هكذا يقدر يدير اي شي ويقدر يذبحنا كلنا
- صحيح
- كلامك في محلو
لوكي : واحنا منقدروش نقعدو ونتفرجو وش راح يدير ونستناو حكم الاعدام تاعنا لازمنا نحاربو
- لكن انت وقفت ضدو وشفت وش صرا حتى ب 800 جندي مقدرتش تصدو
لوكي : لولا هجوم الغدر تاعو مكانش يصرا لي يصرا
- منقدروش نوقفو في وجهو بعددنا القليل
لوكي : مش اذا اجتمعت كل القبائل ضدو وزيد عندنا سلاح قوي في يدنا وهي المعرفة
دور واشار ل ليف لي قاعدة
لوكي : ليف احكيلهم وش حكيتيلنا
وقفت وخزرت في الكل توترت شوية لكن يلزم تمثل عليهم وتقنعهم انو هي صح تقدر تعرف المستقبل وتقنيا هي صح تعرفو
ليف : الملك رون رايح يستندب الانجليز ، رايح يستدعي قواتهم رجالهم واسلحتهم ورجال دين تاعهم بش يدخلو البلد ، وعدوه بالحكم المطلق و وعدهم انو يخليهم ينشرو الدين تاعهم
لوكي : رايح يدخل اعداءنا واعداء الايمان تاعنا ، هذوك رجال الدين لي تقلو اهلنا وذبحوهم ورسمو على وجوهم صليب ، المسيح اللي اغتاصبو وحرقو جايين لأرضنا ومش راح نوقفو نتفرجو ونستناو وش يصرا يلزم نكونو مستعدين
- لكن كيفاه بش نواجهو حنا الانجليز وعددهم الهائل و بأسلحتهم وحنا يا دوب 200 راجل هنا
لوكي : اذا كل القبائل اجتمعت ضد الشي هذا بش نكونو اكبر عدد منهم
ليف : او اذا اجتمعتو بالملك و وضحتو رفضكم و وحدتو رايتكم كلكم ضد الانجليز بلا وقوع ضحايا اكتر
اولاف : مستحيل يتم هذا ، الملك رون تخطى كل حدود و اعلن انو مستعد يحط يدو في يد اعداءنا و بلا مننساو دم اهلنا على يديه شكون بش ينتقم ليهم
ليف : يمكن حتى الملك رون مسير من ناس اخرى تحب انو يكون كاين ديما صراع بينكم
اولاف : الصراع موجود لكن الانتقام للدم لي ساح وانتفاض من اجل الايمان تاعنا والاستشهاد في ساحة المعركة راح يجمعنا اودين كلنا في جنة الخلد فالهالا الجنة لي ميدخلوهاش الخونة و الجبناء
لوكي ؛ كلام اولاف صحيح ، بش ننتاقمو وبش يشوف رون و غيرو انو مش احنا لي نرميو عقيدتنا من اجل السلطة احنا لي نموتو من اجل شرفنا
ضيقت عينيها وبقات تخرز في اولاف لي حتى هو بقا يخزر فيها ... الكل كان سايي هاج ودخلو فكرة الحرب في راسهم
لوكي : وهذا مش بش يتوقف هنا ، باش نسافر من قبيلة لقبيلة وباش نستدعيهم للحرب كلهم وراح ندافعو على ارضنا و دينا بدمنا
ناض العياط والتصفيقات و بداو يشربو ويحضنو في بعض وهي رجعت قعدت في كرسيها وتشوف من وجه لوجة
خرجو من الخيمة بعد ما خلص الاجتماع ماشي راجع للدار وين ليف رجعت قبل ساعات لحقو اولاف
اولاف : لوكي ... استنا
دور ليه لوكي
اولاف : بش تحكي معاها المجنونة هذيك ، رايحين نجمعو جيش مش رايحين نصالحو الخائن رون
لوكي : نعرف
اولاف : قولها مزيدش تحكي هكذا ولا مش راح يعجبها وش ندير
لوكي : و واش دير
اولاف : قولها هكذا برك
قرب منو لوكي علخر وعوج راسو يخزر فيه
لوكي : اولاف ، حنا صحاب لكن متتماداش ... من غيري حد ما يتعامل مع ليف ولا يهددها و اذا تجرأت حطيت يدك عليها راح نخليك تتوحش يكون عندك زوج يدين
اولاف : تخير فيها عليا ؟
لوكي : منيش نختار قاعد برك نقولك وش يصرا
اولاف : متنساش دم الناس لي وثقت فيك وتبعتك اذا مش رايح تنتقم ليهم قول
لوكي : اولاف
صاح فيه بغش وجبد سكينو
اولاف : راني فقط نفكر فيك
دور وجا ماشي و لوكي رجع سكينو وقف يهدي في روحو ومشا لعندها
اول ما دخل لقاها قاعدة وين النار حاطة رجليها يدفاو وقاعدة تقرا في الكتاب ضرب الباب برجلو خبط تقفل ما دورتش ليه بعدها بدا ينحي في ثيابو ويخبط فيهم والو ما تحركتش رما روحو على الفراش ولا حركة منها تنهد ودور بظهرو ليها يرقد هزت راسها شافت فيه راقد رجعت غطست في كتابها
(( ... واتسم الامير لوكي بالوحشية وطرق القتل العنيفة كذلك عرف عنه اساليبه الهمجية في التعامل...)) حبست ورجعت شافت فيه ، مستحيل يكون المكتوب هذا صحيح هو صح همجي ، عنيف ويضربها وجاي متحوش كي قرود الغابة لكن مش بالدرجة لي يصورها الكتاب دور فجأة لقاها تشوف معاه تخطفت ورجعت دخلت راسها في الكتاب
لوكي : علاه راكي تشوفي فيا هك ؟ ولا كشما ناوية ؟
ليف : مشفتش
طلع حاجبو وهي باقية تشوف فيه بنص عين
ليف : مشفتش صح كنت تايهة نخمم
لوكي : تخممي فيا ؟ تجي لفراشي؟
عض شفتو وشورلها تجي قدامو
ليف : ايه نخمم فيك بصح مش نجي لفراشك نجي نخنقك في فراشك
لوكي : الحاجة الوحيدة لي راح ديريها في فراشي انا وانتي علابالنا وش راح تكون
خدودها طلعو حمر من الغش ملقاتش وش ترد
لوكي : ارواحي
ناض قعد عينيها نزلو على صدرو العريان وقلبها بدا يضرب خايفة لا يرجع مرة أخرى يحاول يمسها حركت راسها لا
ليف : لوكي مش وقتو
لوكي : ليف ... منعاودش كلامي مرتين متخلينيش انا نجي
لزت على سنيها و وقفت تمشي بشوية رايحة عندو وهو يخزر فيها قعدت على حافة السرير
لوكي : منيش راح نمسك .. راح نحكيو قربي
ليف : مش مصدقتك
لوكي : كيفاه مش مصدقتني
ليف : راح تمسني
لوكي : حابة نمسك ؟ خلاص مش راح نمسك قربي
حركت راسها لا سكت يخزر في عينيها
لوكي : وكون ما نمسكش
ليف : وكون تمسني ؟ مش مصدقتك علابالي رايح تمسني
لوكي : بصح مش حاب نمسك انا ، حابة نتي نمسك ؟
ليف : وكون تحب
لوكي : حابة نحب ؟
ليف : ايه ... اه لا قصدي ايه مش حابة
وقف تشوف فيه جاي ليها وهي تفهم فيه
ليف : قصدي منيش حابة راني غلطت اااااع
حكمها جبدها لحضنو وهي دز فيه
لوكي : اششش يسمعو فيك
ليف : قلت ما راح دير والو
لوكي : نتي حابة بصح
دزها على السرير وجا فوقها وحكم يديها من ومن وهي تفرفط
لوكي : ششش اركحي
ليف : قلتلي مش راح نمسك
لوكي : بصح مزال مدرت والو ...
سكتت تشوف في عينيه وهوما يفليو في وجها حتى قابلو عينيها
لوكي : وش هذا لي حكيتي لهين
ليف : واش ؟
لوكي : تع صلح ومنعرف واش و رون يمكن كاين لي يلعب بعقلو
ليف : ايه يمكن كاين شكون يلعب بعقلو علاه ما خممتش فيها
لوكي : تقصدي ايفان ؟.
ليف : ايه
بقا ساكت ويخمم في وش دار ايفان وكيفاه طلب منهم يهزو الكتاب و البنات ويهربو والسبب مجهول علاه يعاونهم ضد خوه
لوكي : تتصوري ؟
ليف : كلش ممكن فقط كون انت تحاول تفتح قلبك لخوك
حرك راسو لا وبعد عليها بقا قاعد على ركايبو حاصرها بين رجليه
لوكي : منقدرش نسامحو ولا ننسا وش دار ، دم اهلي يبقا في يديا كون ما ننتقمش ليهم
ليف : لكن كون تحاو..
قص عليها كلامها وعاود نزل حكم يديها ثبتها ويحكي بغش
لوكي : قصي السيرة هذي ، من غدوة بش نمشيو نبداو رحلتنا حول القبائل بش نحاولو نضموهم لينا وبش تكوني معايا
ليف : وفالي ؟
لوكي : بش ترجع لكن انتي تعملي كيف ما قلتلك وبلا ما تجبدي سيرة الصلح هذي مرة أخرى في نص القادة فهمتي
بقات ساكتة
لوكي: نحكي معاك فهمتي ؟
ليف : فهمت
تنهد وعينيه نزلو لشفافها وضحك على جنب
لوكي : ودوك نرجعو للمفيد... حابة ولا مش حابة ؟
ليف : حابة نكمل نقرا كتابي
لوكي : وش فيه كتابك علينا؟ ميحكيش كيفاه راح تعشقي فيا ؟
دزتو بقوة وهو بعد ويضحك ناضت وتبعد في شعرها من وجها
ليف : يحكي كيفاه بقيت حاكم يديك بعيد عليا كيف الجنتل مان
لوكي : جنتل واش ؟ وش هذا
ليف : حتى لو شرحتلك بعيد عليك المفهوم هذا
مشات رجعت قعدت وين كانت حلت كتابها وباقية تقرا وتشوف فيه مرة على مرة بنص عين وهو رجع قعد
اما فالي مع رون شيبتلو راسو
فالي : اه شبعت دوك حاسة روحي ثقيلة بزاف منقدرش نتحرك
رون : فالي راني مطول بالي اكتر من اللازم تحكي ولا ؟
فالي : اه متعيطش عليا لا ننسا وش قريت
رون : انطقي
فالي : خلاص خلاص استنا تفكرت حاجة ... هممم تشفا بكري عطاك باباك قطعة نقود ذهب
رون؛ وش دخلها
فالي : يخي مالقيتهاش وقلت انو لوكي سرقها منك وغار منك كي نتا مدلك وهو لا
رون : ايه
فالي : دفنها وين داركم القديمة تحت الموقد تلقاها كون تحفر شوية برك
تشوكا رون وخلاها وراح يجري يشوف اذا صح وهي قعدت تندب وتسب في اختها
فالي : تهربي مالا مع وجه الشر هذاك وتخليني يا ليف استناي نجي الا ما نقول ل رون يبدا بيك اللول يعلقك ويملحك كي القديد
الغد :
حل عينيه صباح لقاها راقدة وفي يدها الكتاب ، قرب منها حط الغطا عليها وطبس هز الكتاب يقلب فيه وهو فارغ وحاير كيفاه وحدها تقدر تقراه متأكد انو تقرا في حاجة فيه لانو التركيز لي تكون فيه وقت تهزو يدل على شي هذا لكن علاه هو مش قادر يقراه ولا غيرو ؟
حست عليه قدامها حلت عينيها
ليف : وش صرا ؟
ناضت مفجوعة وهو رجع الكتاب ليها
لوكي : كملتيه ؟
حركت راسها لا وهزتو
ليف : مزال يمكن شي 10 ورقات
لوكي : كش جديد
حركت راسها ايه
ليف : الحرب بش تقعد شهور طويلة وبش يموت بزاف منكم بسبب المجاز والباقي بسبب الشتا والجوع
عض على قبضة يدو ودور ماشي خارج ناضت تجري وراه
ليف : لوكي الحرب مش هي الحل
ضرب الباب قفلو في وجها وخرج
بعد الظهر كانت مع واحد من الجنود تم تدرب وكان عندها يومين وهي تدرب معاه بعد ما شافتو يعلم في ولدو صغير
- يلزم تشدي قبضة يدك لكن تخلي فراغ من تحت قد قبضة تانية فهمتي عليا
ليف: هكذا يعني
- ايه و كي تهزيه يكون قريب ليك ، صحيتي هكذاك... الرأس يكون في نفس ارتفاع ذقنك
ليف : هكذا
- لا هبطي شوية
مشا وقف وراها يشوف في ارتفاعو ومد يدو ليدها هبطها شوية
ليف : هذي هي المسكة؟
- صحيح
دوك الضربة الامامية كيما علمتك
ليف : نضرب في نفس الوقت نحط رجلي قدام بش نحكم بيها توازني
- اضربي
وقف حاكم السيف تاعو وهي تضرب مرة بعد مرة
- شوفي هنا
قرب منها وحط يدو حكم خصرها وجبدها ورا ظهرها لامس صدرو
- ظهرك يكون مستقيم هك
باقي يمس فيها وهذا كل تحت انظار لوكي لي قاعد يعوج في فمو
اولاف : راح نبداو من هنا و نفوتو الليلة عندهم والصباح يلزم نتحركو خاطر كاين زوج قبائل اقرب ليهم من هذ الجهة نقدرو نعديو عليهم في نفس اليوم
لوكي : همممم
اولاف : بعدها بش نمشيو للميناء
هز راسو يشوف فيه لقاه مش خلاص يسمع فيه
اولاف : راك معايا ؟ تسمع فيا
لوكي : لا
وقف ومشا وخلاه وراح لعندهم بقا اولاف يخزر من بعد تنهد
اولاف : يعني دوك هذي راح تنفعنا ولا راح تكون تشتيت انتباه ليه .. مش عاجبني الوضع هذا يلزم حل
لوكي : وش صاير هنا ؟
دورت تشوف فيه والجندي بعد عليها ، جبد سيفو وخزر فيه
ليف : قاعدة نتعلم كيما راك تشوف ، بش اذا انت ماش راح تجيب اختي نمشي نجيبها وحدي
لوكي : مليح ... مليح
دور على غدرة وجه ضربة قوية بسيفو للجندي لي صدها بسرعة
لوكي : مليح
زاد هز سيفو زير عليه تخطف
لوكي : تحرك امشي من هنا
راح وخلاهم و لوكي خزر فيها من فوق لتحت
ليف : وعلاه تحاوز فيه ؟ كان يعلم فيا
لوكي : وكي عاد حابة تتعلمي علاه مجيتيش ليا ؟ ولا عاجبك ؟
بقات تشوف فيه حايرة في تفكيرو
ليف : اول شي ماش عاجبني تاني شي انت مش قاعدلي ثالث شي علاه كل ما تشوفني ندير في حاجة تدخل روحك
قرب منها ومد.يدو يمس في خدها
لوكي : لأنك تابعتني .. اي حد يقرب بزاف هك يكون يستفز فيا ويحوس على موتو
بعدت عليه وهزت السيف في وجهو
ليف : ماني تابعة حد فهمت
لوكي : منيش حد حتى انا
وقبل ما تجاوب جا لعندهم اولاف
اولاف : نكره نقاطع منعرف واش صاير هنا بصح صار لازم نمشيو
ليف : وين
لوكي : خلينا نودعو القائد هنا و نعلموه وين ماشيين
اولاف : اتفضل من بعدك
مشا وهو وراه وخلاوها واقفة تم تلعن فيه