viking baby

الجزء 7

حفل كان كبير في القاعة الكبيرة تاع البلدة وين طاولات الكبيرة والكراسي مرصوصة الشموع و النار اللي دفيهم مضوية الدنيا الماكلة على كل نوع ولون و مشروبات رايحة وجاية ، تحسو عرس كبير ناس طبل وتغني وجماعة تشطح واخرى قاعدة تاكل وجماعة تشرب واخرى يحكيو و نسا متزينين بأحلى لباس عندهم ولي هازة ولدها ولي تشطح مع شريكها ولي يتهامسو وصوت ضحكتهم تتعالى
دخلت وفالي معاها حاكمة في يدها بعدها سيبتها
ليف : وين ؟
فالي : لهين برك نلعب منبعدش
شافت الاولاد لي يجريو هنا ولهين ويدخلو تحت الطوابل ويهربو
ليف : ايه
نحات الفرو لي كان مغطي كتافها و مشات وهي تعدل في خيوط الروب على كتافها ، كانت روب تفتق من 3 أجزاء ، روب خفيفة شفافة لونها ابيض من تحت و يتلبس فوقها روب اخرى خشينة من الوبر الدافي مصنوعة ومزينة بتطريز يدوي يعبر عليهم خيوط يتربطو على كتافها وحزام جلدي في الوسط و يدين من نفس قماش الوبر يتلبسو منفردين ، خلات الكل يدور يتفرج معاها وهي حمارو خدودها علخر شافت البنات لي تعرفهم مشات لعندهم
ليف : نقعد معاكم ؟
- ايه اقعدي
- ليف جيتي تهبلي، القائد تعنا يعرف يخير
غمزتها وليف تبهدلت وهنا قعدت قدامها مرافقتهم ونطقت
- انا خيرتو
دورت ليها ليف وضحكت مبهدلة
ليف : ذوقك يهبل
تبسمت من فوق قلبها وهزت كاس تشرب
- ليف اشربي معانا
صبتلها كاس حتى هي وقعدو يحكيو وليف غير تتفرج في الحالة شافو بعدها شوية تع جنود دخلو بداو البنات يتغامزو مع بعض وهي تضحك عليهم دخل رون ومعاه قائد آخر و لوكي
- ليف او جا
دورت تشوف لقاتو واقف بعيد في المدخل ويتفرج مع الموجودين ويسلم على لي يعديو ومع دور جات عينها في عينو لمحها من بعيد دورت وجها مبهدلة وهوما يضحكو
ليف : بركاو مكاين والو بيناتنا صح
- موحال ، ولا مكانش خيرلك روب هكذا قوليلها
دورت ليف لمرافقتهم لي كانت تشرب من سكات وهوما يقولولها تحكي
- احكيلها نتي تعرفي
ليف : وش تعرف
- منعرفش
ناضت وخلاتهم وفي اللحظة هذيك بعد تحرك الكرسي اونفاس ليها دورو كل لقاوه هو
لوكي : بنات ممكن نقعد ؟
ناضو بسرعة من تم حاشمين وبعدو مشاو وحدة ورا ختها وهوما يغمزولها ، قعد وبقا اول شي ساكت ويشوف معاها كيفاه جات زينة ، والستيل تاع الفايكينغ لاق عليها
لوكي : صبيلي نشرب
مدت يدها للمشروب وهزت صبتلو في الكاس قدامو
لوكي : جيتي زينة فوق المتوقع ، حتى انو صعيب نشوف في حاجة اخرى الليلة هذي
تاهت في عينيه ونظراتو ومالقاتش وش ترد
لوكي : تسكتي بزاف
هز شرب رشفة من كاس لي صبتلو
لوكي : لانو متلقايش وش تردي ولا لانو حمشتي ؟
ليف : لا هذي ولا هذي ... و شكرا على الروب لي بعتلي تهبل
لوكي : القالب غالب
رجفو شفافها من التوتر والحشمة جبدتهم بين سنيها ودورت تشوف مع لي يغنيو وهو يشوف فيها بنص عين خدودها كيفاه يحمارو كل ما قالها كلمة مليحة ومطلع حاجبو
فجأة اقتحم هدوءهم فالي وهي تعيط
فالي : لوكي .... اسمعني شوف
حكمت وجهو دورتو يشوف فيها وليف مشوكية تشوف هي تاني معاها
فالي : قالولي انت شاركت في 14 معركة وانا قلت 17 قولي شكون صح
لوكي : 17
فالي : ياااي جبتها صح
وقعدت طول جنبو في الكرسي قدامو وهزت تاكل ، بقا ساكت ورجع ضحك عليها
لوكي : شكلو ختك نحات الرسميات كل
ليف : بش كي نقولك مدخسهاش تصدقني
لوكي : فات الحال نظن
ضحكو في زوج وفالي دورت ليهم
فالي: على وش ضحكو ؟
لوكي : قلتلها يمكن تغنيلنا فالي اليوم
فالي : اختي تقرا في معهد الفنون صوتها يهبل
لوكي : تقرا ! معهد.!
خزرت فيها ليف وفالي بدات تضحك
فالي : تغني مليح صوتها هايل
ليف : لا مكانش منها
فالي : تكذب
لوكي : غنيلنا حاجة بصوتك وانا نحكم
ليف : لا موحال
ناضت فالي فوق الطاولة وتعيط وتصفق
فالي : ليف ... ليف....ليف
دور الكل يشوف معاها
ليف : فالي بركاي انزلي
لوكي : ليف ... ليف
رجع يعاند فيها حتى هو وتبعهم الكل ما فاهمين والو ، وقف لوكي وهز الكاس تع شراب تاعو
لوكي : ليف هنا بش تغنيلنا غناية بصوتها
مشات وعينين الكل تبع فيها ، وجها تحسو راح يطرشق من السخانة والحشمة سكات ضرب ولوكي دور خزر في فالي
لوكي: علاه حاسو مقلب آخر من مقالبك فيها
طبست قعدت فوق الطاولة وتبسمت
فالي : مش مقلب اسمعها
قعدت واقفة تشوف معاهم تحاول تتفكر حاجة ولا غنية تعرفها من بعد تفكرت أغنية كانت تسمعها بزاف في اللعبة اللي كانت تلعبها Assassin's Creed تنهدت و من بعد حطت كرسي و دورت للي كانو يعزفو
ليف : راح ندير موسيقى بصوتي تبعوها اعزفو حاجة تشبهلها
بدات تغني في موسيقى بصوت هادي علخر بداو كل يتهامسو ويحكيو ، وبداو يدورو وجوهم ورجعو يكملو في احاديثهم الا لوكي باقي مركز معاها تماما و اللي يعزفو يتبعو فيها حتى حكمو النوطة الصحيحة وبدات تغني وقتها ... ومن اول كلمات شدت انتباههم
Ships on vigor of the waves are skimming
عاود رجع الهدوء والهمسات بدات تنقص بشوية وصوتها يعلى
Barren summits to the verdant plains
Each horizon is a new beginning
Rise and reign
Far from the fjords and the ice cold currents
Ravens soar over new frontiers
Songs and sagas of a fate determined
Shields and spears
Vows of favor or the thrill of plunder
Pull together for the clan and kin
Clank of hammers and the crash of thunder
Pound within
Oh-ho-oh
The echoes of eternity
Oh-ho-oh
Valhalla calling me
Oh-ho-oh
To pluck the strings of destiny
Oh-ho-oh
Valhalla calling me
Valhalla calling me
الكل سكت الكل خشع وهي تغني على جنتهم فالهالا ، وتغني على الحرب وكأنو نداء للحرب وتمجد في حروبهم و سفنهم لي شقت البحر ، لوكي مقدرش ينحي عينيه منها
آخر مقاطع عينيها في عينيه كانو أسرتو تماما وغرق وطاح فيها طيحة شينة
حتى انو كملت غنيتها وهو باقي باهت ما فاق غير على يد فالي تحت ذقنو قفلتلو فمو اللي حالو باهت
فالي : عندك يطيح فمك من الدهشة
شاف فيها وضحك ومسح على وجهو ينحي في التعابير لي ترسمت عليه وفالي تشوف فيه وتتبسم
الكل كان يصفقلها وهي تتبسم وراجعة لبلاصتها ، ورجعو يطبلو مرة أخرى ورجع الهرج والحس مرة أخرى جات تقعد حكم يدها
لوكي : مزال مشطحتيش معايا
ليف : لا منعرفش لااااااااااا
نوضها رغم رفضها وسحبها معاه وين الكل يشطحو وقعدت تبع برك فيه وفي خطواتهم وتعاند وتنقز ودور كيفهم ، الضحكة مفارقتش وجها ومستمتعة علخر ... وين وقفت الموسيقى كانت واقفة هي وياه في وسطهم قرب منها
لوكي : عندي حاجة ... ليك
جبد من جيبو حلي بالأحجار الملونة و فضة منقوشة وقرب منها ولصقها على روب تاعها من ومن بقات تشوف فيها
ليف : واو .... تهبل
هزت عينيها فيه
لوكي : عجبتك ؟
ليف : بزاف ... شكرا
تبسم ومشا وخلاها وهي بقات تشوف مع الحلي لي لبسها وتتبسم فرحانة بيها ورجعت لبلاصتها قعدت ... شوية هكذا وبداو البنات يرجعو
- واو ليف صوتك يهبل ، الأغنية حمست رجالنا كل وحتى حنا النسا
ليف : شكرا ...
سكتت وشافت مع رقبتها
- ليف .... شكون عطاك هذي ؟
دورو البنات كانو لاتيين يحكيو كي سمعو عيطتها
ليف : وش هذي ؟
- الحلي في صدرك ؟
- هاااااه
صاحت وحدة اخرى وكلهم يشوفو فيها
ليف : عطاهالي برنس لوكي!!
زادو رجعو يعيطو اكتر و متحمسين وهي ما فاهمة شي
ليف : علاه ؟ وش كاين
- بصحتك ...
ليف : بصحتي واش ؟
- مش مصدقة ، عندك الزهر
باقيين يحكيو وهي ما فاهمة شي بعدها ناضت تحوس على فالي وين وحكمتها وهي تجبد حابة تروح
ليف : فالي استناي شوفي فيا
فالي : واش تاني
دورت تشوف معاها
ليف : هذي واش ؟
هزيت كتافها وهي تشوف معاها
فالي : وين نعرف حلي تعهم سقسيهم
ليف : كيفاه متعرفيش وانتي قريتي كلش موجود
فالي : اففف خليني نروح
رجعت راحت وخلاتها وهي تحوس تفهم فجأة قربت منها مرافقتهم
- مبروك عليك
ليف : مبروك عليا واش ؟
شورت على الحلي لي لبسها لوكي
- مبروك خيرك بش تكوني عروستو ليلة العيد
شرقت ليف ورجعت تكح قريب قجفت
ليف : عروسة واش ؟ شكون ؟
- كأنو متعرفيش ؟ هه
مشات وخلاتها وليف وقفت مصدومة تم وكلمو عروستو ليلة تتعاود في راسها