ماكان يُرهبني الفناء وانّما اخشىَ البقاء ونور وجهك يغربُ

بارت ١٢:-

بسم الله الرحمن الرحيم
"لاحول ولاقوة الا بالله"
اتمنى يعجبكم البارت:-

البارت ١٢:-
في الصباح في الديره:-
ملاك: وين مريولي ببكي ماما
ام فيصل: ي بنتي شوفيه البسي بسرعه
ام مؤيد: مهدي بيوديهم
الجده: زين تعالوا الفطور
في لندن الساعه ٥:٣٠ص:-
كانت ميلا قاعده تلعب بشعرها الطويل وتتأمل المنظر وتشرب قهوتها وحاطه السماعه بأذنها
جت نوف وجابت اكل لها ول ميلا
نوف: انتي بخير؟
ميلا: الحمدالله
ميار:ويي تاكلون بدوني
ميلا: تعالي تعالي وحضنتها وقعدوا يأكلون
ابتهاج: اويلييي على الرومنسيه
ريم: شفتي زعلت
نوف: تعالي ياروحي انتي
في ابها عند بيت الجد:-
مهدي: مشينا؟
ملاك: يلا
الجده: استودعكم ربي ي ملاك اتركي عنش المشاكل وركزي في دراستش
ايهم: عبدالله عبدالعزيز بتروحون التطبيق ؟
عبدالله: ايه الحين
حاتم: يامهدي خلص وتعال المركز
مهدي: ان شاء الله
عبدالإله: بأخذ صقر وفهد ومشعل المزرعه
فيصل: بروح معك ي ايهم
سعود: انا بكره مسافر عند تطبيق في الرياض
الجده: زين ياولدي الله ييسر لك
والكل طلع من البيت متوجهه لدوامه
في السياره عند مهدي:
نزل البنات وهو يفكر في ميلا
نجد والبنات:
ليان: اشتقت لهم احس اي فتره اهم وهم دوبهم مشوا
بيان: خلونا ندق عليهم
لين: يلا
ودقوا
الو؟
نوف: ياهلا ياهلا بقلبيييي
نجد: لبى قلبش وذا الصوت
نوف: ياروحي انتي
ميار: كيفكم بناتتت اشتقت لكم مره
ليان: وربي اكثر وين ميلا؟؟
ميلا: جيت ياهلا كيفكم
البنات : الحمدالله
غنى: ميلا كيفك
ميلا: بخير دامكم بخير
ابتهاج: هلا والله بالبنات
بيان: هلا فيك
ريم: يلا يلا بنروح الجامعه نحبكم ياحلوين باييي
وقفلوا البنات
في لندن:-
تجهزوا البنات وخلصوا وركبوا السياره
وميلا كانت تكتب في دفترها من لما ماتوا امها وابوها
واليوم كتبت:-
مهدي......
كيفّ لقلبك انَ يقسوُ على قلباّ هواك واختارك
بالرغم انك لم تفعل شيء شيئاٌ كثيرا لماِ لا تلاحظ وجعَ قلبي منك ومحاولتي بتغيرك ؟؟؟
ف كيف يطاوعك قلبك ان تجعلني اتذوق مرارة الآلم وتحطم فراشات قلبي!..💔
نوف وابتهاج كانوا يسولفون ويخططون
.
.
.
في بيت ابو عزام:—
عزام: يايبه متى زواج غرومه؟
ابو عزام: بعد شهر باذن الله
غرام: بس بابا احس مره بسرعه
ابو عزام: مامعك اسكتي
قامت غرام وهي احس بضيقه غير طبيعيه هي صح تحب مهدي بس ماتعرف ليه تحسس بشعور سيء
عزام: طيب بنسوي زواج مختصر ولا كبير؟
ابو عزام: لا ان شاء الله كبير
عند العيال بالمزرعه بعد ماخلصوا شغل:
ايهم: طفش
عبدالإله: بوريكم الطفش وقام
حاتم: وش بيسوي ذا
بعد خمس دقايق
دخل وهم رابط على خصره الغتره هو وعبدالله وعبدالعزيز وسعود ويهزون
ومشغلين:
ع البساطه البساطه ياعيني ع البساطه
اديش مستحيله عيش
جنبك يابو الدراويش
تعديني خبزه وزيتون وتعيشني بطاطا
حاتم: اعقببب انت هو
فهد وهو كاتم ضحكته : وش ذا يورع
قام فيصل يهز ويغني ع البساطه البساطه
وسحب مهدي يهز معهم وهزوا مع بعض ويضحكون
راشد: هههههههه حسبي الله بس
وطاح مشعل يضحك مره ثانيه ومعه صقر ويضحكون بضحك مب طبيعي
جامعة لندن:..-
كانوا البنات في محاضره الاخيره
همست نوف ل ميلا : يمه بنشرح الجثث
ميلا: عادي مع الوقت بنتعود باذن الله
وخلصت المحاضرة وطلعوا البنات
ميار: شرايكم نتغدى لنا برا؟
ريم: احسن لنا يلا
ابتهاج وهي تكلم ميلا: ما ودش تروحين للدكتور عبدالمجيد
بتتعبين كذا ي ميلا روحي عنده
ميلا: قفلي الموضوع
ميار دق جوالها:
هلا فهودي
فهد: كيف ياروح اخوك؟
ميار: الحمدالله وانتوا وامي وابوي وجدي وجدتي ونجوده والبنات؟
فهد: كلنا بخير يعيوني
ميار: دوم يارب اي وش صار على زواج مهدي؟
فهد: زواجه الشهر الجاي بتحضرون لانها في اجازه مطوله

ميار: يعني قد كتب الكتاب؟
فهد: ايه
ميار: الله يوفقهم يلا يافيصل بقفل مع السلامه انتبهوا
فهد : استودعك ربي وقفل
نوف: وش يقول؟
ميار همست لها: زواج مهدي الشهر الجاي
نوف شهقت: ايششش
ميار: اسكتي تكفين لاتسمع اصص
نوف بحزن على حال ميلا: الله يجبر قلبها وخاطرها
ريم: شوفوا ذا المطعم خلونا ندخل
ودخلوا البنات
ميار: لازم تعرف ي نوف تكفين
نوف: لا لا لا
دخلت ميلا وش الي لازم اعرفه؟
ميار: اءء لا ولا شيء وش فيش يلا تعالي
تكلمت بصوت عالي : تكلمي وش
نوف: خلاص بقول زواج مهدي الشهر الجاي
شهقت ريم وابتهاج
وميلا كانت تتمنى تموت ولاتسمع ذا الخبر وقفت اخذت معطفها وقالت لاتلحقوني بجي البيت
ريم: بس ميلا
طنشت ميلا وطلعت وهي تحس الدنيا كلها تدور تمشي في شوارع لندن من دون اي هدف تنزل دموعها على وجهه من ون اي صوت وقفت عند شاطئ لندن وجلست تبكي بصمت
عند ميار:-
نوف: ياربي شوفي وش صار شوفي
ميار: شسوي مالي ذنب سمعتنا
ابتهاج: اصلآ كانت بتعرف كذا ولا كذا
ريم: بس خايفه عليها
ابتهاج: لازم تبكي خلونا نأكل ونروح البيت
نوف وهي متوتره مره: يارب استر يارب
في الديره:- الساعه ٨الليل
كانوا البنات طفشانين
ملاك : وش رايكم نروح البقاله ؟
جواهر: مين يودينا؟
نجد: واحد من العيال
غنى: بدق على مؤيد
ودقت الو
مؤيد: لبيه؟
غنى: نبي البقاله من يودينا
مؤيد: بوديكم انا تجهزوا بسرعه
غنى: احبك
مؤيد ابتسم: اعشقش
ولبسوا البنات
الجده: على وين ؟
نجد: البقاله
ام حاتم: كلكم؟
البنات: اي
ام فيصل: استودعتكم الله
وطلعوا وركبوا السياره
مؤيد: كنت بسحب عليكم لو تأخرتوا كمان
ضحكوا البنات
في لندن:-
في شوارع لندن كانت ميلا تمشي ودموعها تنزل كل ماتذكرت
وقفت في الشارع وانهارت وطلعت منها شهقات متتاليه
قامت ميلا تمشي ماتشوف شيء من كثر الدموع ومشت مشت حتى وصلت الشقه ودقت الباب ركضوا البنات لانهم كانوا خايفين من العصر ماجات توها تجي فتحوا الباب ودخلت ميلا ولفت لهم وقالت: احبه وطاحت على الارض ركضوا البنات
نوف: ميلاا تكفين تكفين
ميار: قومييي ميلا بالله عليش لاتتتركينا
ريم: امشوا المستشفى
وطلعوا ع المستشفى ودق جوال ميار
الو
سعود: كيفك ياعيوني
ميار بتوتر: بخير ياروحي كيفك انت
سعود : بخير الحمدالله وينك
ميار: في السوق مشغوله ذلحين
سعود حس ان فيه شيءٍ بس قال: طيب ياعيون اخوش
انتبهي
ميار: من عيوني وقفلت
الدكتور طلع وقال: الحمدالله بس اتمنى تبعد عن البكاء نفسيتها جدا تعبانه لازم تبعدوننا عن الاشياء الي تخليها تبكي البنت متأثره نفسيآ وجدا اتمنى يكون في اهتمام تعدت المرحله الخطيره والحمدالله ابدا كانت تستجيب معنا وذكرت اسم مهدي
ابتهاج: شكرا دكتور
ميار وهي تبكي: دكتور ابي ادخل عندها
الدكتور : تفضلوا
ودخلوا البنات وناظروا وجهه وعيونها الذابله وجسمها النحيف ورغم هذا كله جميله جدا
ركضت ميار وحضنتها وجلست تبكي
وحضنوها البنات كلهم
ابتهاج: احنا نحبش نحبش لاتتركينا مانعيش بدونشً
ميلا: ابي اطلع
ريم: الحين يروحي الحين
.
.
.
.
وصلنا نهاية البارت:-

.اسف تأخرت عليكم
واعطوها حقها❤️❤️❤️❤️❤️