ماكان يُرهبني الفناء وانّما اخشىَ البقاء ونور وجهك يغربُ

بارت ٤٣:-

بارت ٤٣:-
ميلا لما كنت ترقص السامري صورتها غنى ل مهدي
وارسلتها
غنى: هههههه شوف زوجتك تعرف ترقص زين
مهدي رن جواله وفتح ودخل يناظر الفديو وابتسم
وقال: والله ان الزين زين طول عمره
ماخاب ظني يوم أني اخترتها
عسى الله يخليها لي
غنى: امين يارب الله ييسرها ترا احبك
مهدي : وانا احبش ياروح أخوش
غنى: لا تتضايق اذا امي قالت لك شيء الله يهديها
مهدي: يارب معليك في النهايه ذي أمي بس الله يفكها شر أمها
غنى: جدتي مزنه الله يهديها بس ماعاد اقدر اقول شيء عنها مرفوع عنها القلم
.
.
وقت طيارةة مهدي وميلا:-
الساعه ١٢:-
مهدي أتصل على ميلا
ميلا: عيونيي
مهدي: لبى عيونش مشينا؟
ميلا: الحين اجيك
راحت ميلا وقالت: بروح
نجد: أمانه
ميلا: والله
ركضت ميلا وحضنت جدتها وقالت: أستودعتش الله ي أغلى جده في الدنيا كلها
ام حاتم: الله يحفظك
سلمت ميلا على الكل
ملاك: لاتنسين ترا انا بنت عمش جيبي لي هدايا مب هديه
ضحكت ميلا: سمّي اعطيش الي تبين
ملاك حضنت ميلا
ابتسمت ميلا وقالت: بجيب لكم كلكم
رُويدا: لبى روحش
ابتسمت وطلعت تسلم على عمانها
ابو مؤيد: أقبلت الروح
ميلا ابتسمت وسلمت على عمها وابتسم وقال: انتبهي لنفسك واذا ضايقش ذا الورع اتصلي بي
ميلا ضحكت وقالت: أبشر
سلمت على باقي عمانها
أيهم حضنها بقوه وقال: لاتطولين
ميلا: من عيوني
عبدالله وعزوز حضنتها بقوه وقالوا:انتي الحياه بالنسبه لنا انتبهي ل نفسك وكل يوم تدقين سمعتييي؟
ميلا ضحكت: ابشروا ابشروا
مهدي: لو أني ب أكلها وش ذا
ابو حاتم: الله يصلحك وانا عمك من يوم مرجوج
كتمت ضحكتها ميلا عشان ماتنفجر وتضحك بقوه
وضحكوا كل الي في المجلس
عبدالإله: لا أوصيك جيبي لي هديه
ميلا: ابشر
مهدي سلم على الباقي ودخل عند أمه وقال: أمي بنروح؟
ام مؤيد: طيب وش أسوي
مهدي ابتسم بحزن: الله يهديك ي أمي
وخرج صح ام مؤيد كانت تبي تسوي مصيبه بس من كشفها؟
نجد سمعت كل شيء وهددتها ان تعلم الكل
وعشان كذا سكتت وماقدرت تقول اي شيء
مهدي مسك يد ميلا وركبوا السياره متجهين ل المطار
مهدي: جوهرتي أعرف أنش تتضايقن من كلام امي بس الله يهديها
ميلا: عادي يروح جوهرتك ماصار شيء
مهدي: الله يخليش لي
ميلا: ويخليك لي
مسك يدها وقال: تعرفين ترقصين سامري؟
ميلا بخجل: اي
مهدي: شفتش
ميلا بصدمه : كيف
مهدي ضحك : مدري
ميلا ابتسمت وسكتت
وقال:
استغفر الله صرت أشك
أنش الحور ومنزلش ربي للإنسان ايه
والله ماألومش لو لحقش كبرياء ولا غرور
الزين طاغي والحظيظة المرايه
🌷🌷🌷🌷🌷🌷
ابتسمت ميلا بخجل وقالت: احبك
مهدي: وانا بعد احبش
في المزرعه:
توليب ودعت الكُل وطلعت تركب مع سهم وقال: بنمشي اليوم ترا
توليب: ايه ايه علمتني خالتي
ابتسم سهم بهدوء
وقال: كم بتقعدين عند امك يوم؟
توليب: كم أسبوع وبرجع
سكت سهم وكمل طريقه وهو يفكر فيها
عند ام مؤيد:
مزنه: ليه ماسويتي فيها شيء!
ام مؤيد: مهدي يحبها
مزنه: لا معليك منه
ام مؤيد سكتت
نجد اخذت غنى للغرفه وقالت لها كل شيء
غنى بصدمه: أمي مسحورههه!!!!!!
نجد : أيوه لازم ينفك السحر منها
غنى نزلت دموعها وقالت: وش الحل؟
نجد: نروح بيت جدتك ونأخذ امك ونروح هنا
غنى: بس خطر علينا
نجد وهي مفكره قبل كذا: بأخذ معي الضابط ثامر معليك كل شيء علي
انتي روحي ل أمك قولي بنسلم على جدتي واشتقت لها وكذا وانا بلحقك معليك
غنى: الحين؟
نجد: الحين و بدون احد يعرف سمعتي ؟
غنى هزت راسها بخوف وراحت ل أمها
ام مؤيد: وش تبين
غنى: يمه وش رايش نروح ل جدتي مزنه اشتقت لها
فكرت ام مؤيد بخبث وقالت: طيب بس مين يودينا؟
غنى ابتسمت: مؤيد
ام مؤيد: طيب
غنى رنت على نجد عشان تفهم ان أمها وافقت
نجد ابتسمت ودخلت غرفة عبدالإله واخذت جواله ودورت رقم الضابط ثامر واخذت الرقم
ودقت عليه  بعد عدت رنات رد
ثامر: ياهلا ياهلا
نجد وهي خايفه: ثامر
ثامر: نجد!
نجد: ايوه تكفى اسمعني بس شوي
بدأت نجد تحكي له كل شيء
ثامر: سمّي بس مع مين بتروحين
نجد وهي مستحيه: معك بس وراء البيت تعال تكفى عجل بسرعه
ثامر بخوف عليها قال: ابشري ابشري
عند نجد سكرت وطلعت تتجهز والبنات راحوا ينامون
وام مؤيد وغنى طلعوا ل بيت مزنه
نجد طلعت له وهي خايفه وقالت: السلام عليكم تكفى عجل
ثامر: وعليكم السلام مشينا يلا الشيخ متى يجي
نججد:عشر دقائق ويكون هناك
ثامر ابتسم وتحرك بسرعه
عند بيت مزنه:
مزنه: كيفك ي بنتي ؟'
غنى وهي ترجف: بخير وانتي
مزنه: بخير ي حبيبتي
ام مؤيد : الباب يدق
عند ثامر ونجد وصلوا عند الباب ودق نجد كانت ترجف ومتمسكه في بدلة ثامر
فتحت غنى الباب وابتسمت
ثامر دخل ينخش عشان لو يصير شيء هو موجود
نججد: اهل البيت
ام مؤيد بصدمه: نجد؟ خير
نجد : ياشيخ أدخل
غنى مسكت الجده مزنه
وام مؤيد عصبت ومسكت الفازه الي بجنبها لانها ماهي في صاحيه هي مسحوره ورمتها على نجد طاحت نجد لانها رمتها على راسها صرخت غنى: نجد
طلع الضابط ثامر ومسك نجد الي طايحه وقال: انتي بوجهي معليك
مسك ام مؤيد والجده وغنى ركضت ل نجد تحضنها وتبكي
بدأ الشيخ يقرا على ام مؤيد الي تتتكلم وتقول اشياء مو طبيعيه
وغنى ونجد الي يبكون بخوف عند الباب
مزنه وهي تصارخ : اطلعوا من بيتي اطلعوا
ثامر: سكري فمش
خلص الشيخ وقال: عسى الله يعينكم الحمدالله مافيها الا العافيه
غنى ركضت تحضن امها وتبكي: ماما ليه تسوين كذا انتي بخير
ام مؤيد بخوف على غنى الي تبكي: بخير ي أمي
غنى : ليهه ماقلتي لي انك مسحوره طول ذي الاسابيع حسبي الله
عند نجد من كثر مانزفت اغمى عليها
ثامر نط عندها وقال: نجد نجد
ماكان في استجابه منها ابدا
ثامر: ياحمد خذ مزنه على الحبس
حمد سوا التحيه : سّم
اخذها وخرج
ثامر: لازم تروح المستشفى امشي معي
غنى وام مؤيد مسكوا نجد وطلعوا السياره ومشى ثامر ب اقوى ماعنده
في المزرعه:
في نص الليل:
قامت بيان تدور ل نجد و غنى مالقتهم وقعدت خايفه عليهم
في المستشفى:-
دخلوا نجد وخيط الدكتور الجرح سبع غرز
ثامر وهو صاد: الحمدالله على سلامتش وقدامش العافيه ماقصرتي
نجد: الله يسلمك انت الي ماقصرت الله يكثر خيرك
ام مؤيد مسكت يد نججد وقالت: طلبتش سامحيني ي بنتي
نجد: ماصار شيء الحمدالله على سلامتش انتي
ام مؤيد ابتسمت : الله يسلمك ي بنتي
غنى ابتسمت وقالت: امي أحبش
ام مؤيد حضنت غنى
ثامر قال: علاجاتش هنا نمشي؟
نجد ابتسمت بهدوء وطلعوا متجهين للبيت كلهم
يعني ام مؤيد كان مسحوره طول ذا الوقت ومن أعز انسانه الي هي أمها
وبعد دقائق وصلوا البيت وقالت نجد: شكرا ي ثامر ماينسى الي سويته معي الله يكتب أجرك
ثامر ابتسمت بحُب وقال: عفوا وياك انتي عرضتي نفسك للخطر بس نحمد الله ان مابك شيء
نجد ابتسمت: مع السلامه انتبه
ودخلت البيت وهي تحس بسعاده وطلعت بيان وحضنتها وهي تبكي: وين كنتي ي كلبه
نجد حضنتها وقالت لها كل شيء
بيان بصدمه: ي كلبه تسوين كذا بدوني يمه شوفي راسك وش بتقولين لهم؟
نجد: بقول الحقيقه للكل طبعًا بس بكره
بيان: امشي ننام
نجد: وين غنى
بيان: دخلت تنام مع امها
نجد: اخخخ ياربي كل ذا يصير واحنا ماكنا نعرف يلا الحمدالله انها صارت بخير وكل شيء تعدل
بيان: كل شيء بيتعدل مع الوقت أكثر وأكثر
ودخلوا ينامون
.
.
.
.
وصلنا نهاية البارت:-
ي حلوين اعطوها حقها وزياده وقراءة ممُتعه
ها تسحبون دعواتكم على ام مؤيد الحين صارت مسكينه وبخير الجده مزنه استلموها دعاء وماقصرتوا وووو احبكمممممممم مره 😢💜💜💜💜💜💜💜💜💜💜💜💜