ماكان يُرهبني الفناء وانّما اخشىَ البقاء ونور وجهك يغربُ

بارت ٤٨:-

لاحول ولاقوة الا بالله
بارت ٤٨:-
"العائلة هي كل شيء"
مهدي: ميلا انتي مواصله صح؟
ميلا وهي تبي تنام: ايوه
مهدي ابتسم: نامي وفكي نقابش مافيه أحد الطريق فاضي
حطت راسها على كتف مهدي وحضنت كتفه ونامت ابتسم وقال:
فأِنك نجمتي...
في عتمة ليلي وشروق نهاري
كونك انتِ النجمه الوحيده
اللامَعه في سماء ليلي
فلا سماء من دون نجمها
ولا انا دون جوهرتي 😢💙💙
عند السياره الاولى:
راشد بصيح من كثر الطفش
الجده: اعطيه قشر
ام فهد: أبشري
ضحك أبو حاتم بعلو صوته
راشد عصب وقال: والله ما أقعد معكم دق على مؤيد دق
ابو حاتم اتصل على مؤيد
مؤيد: ايوه ي عمي
ابو حاتم: فيه محطه قريبه ؟
مؤيد: ايوه ايوه
ابو حاتم: كلكم وقفوا عندها وانزل خذ راشد معك لايموت علينا جدتك عطته قشر وشكله فصل سلك من راسه
ضحك مؤيد وقال: ابشر
وبعد نص ساعه تقريبًا وصلوا عند المحطه
ونزل مهدي وراشد ركب مع مؤيد واهله دخل مهدي البقاله واخذ كل شيء تحبه ميلا وركب السياره ينطلق وراهم
ميلا كانت نايمه وماتدري عن شيء
عند رائد :
اليوم يوم دفن الغرام حقته
ام رائد: ولدي قوم قوم نروح
رائد بضيق طلع يروح المغسله وكان الطريق طويل بالنسبه له يحس الدنيا صار بعيونه سوداء
العم سامح: مشينا ي ولدي
مشوا كلهم للمقبره
كان رائد يناظر ودموعه تنزل بدأ يبكي: عمي تكفى عمي طلع غرام لا توديها لاااااا
العم سامح : ي ولدي أستهد بالله اسمعني
رائد مشى عند قبرها يبكي مثل الطفل بكاء يقطع القلب
ذهبت الغرام
ذهبت روحي
ذهبت حياتي
جلس عندها ثلاث ساعات وهو يبكي عليها ومشى يركب سيارته ويدخل البيت
شيخه: رائد انت بخير
رائد: غرام انتي هنا غرام
بدأ رائد يكسر الاغراض ويصرخ ب أسم غرام
شيخه وام رائد كانوا يصارخون ركضت شيخه تحضنه : رائد خلاصصص
رائد: غرامنا وينها
ام رائد وهي تبكي على حال ولدها: لاحول ولاقوة الا بالله
عند فيصل أتصل على عامر
فيصل: السلام عليكم كيفك ي عامر؟ وكيف الاهل
عامر: ياهلا وعليكم السلام الحمدالله بخير كلنا وانت ؟
فيصل: نحمد الله بخير
عامر: دومم
فيصل: عامر بالله شفت لنا شاليه؟ احنا على الساعه ١ الليل كذا نوصل
عامر: الموضوع عندي كل شيء جاهز
فيصل: الله يسعدك تعبتك معي
عامر: لاوالله مابه تعب ابدا انت عزيز وغالي
فيصل: ماقصرت
عامر: الله يوصلكم بالسلامة
ابتسم فيصل
عند مهدي:-
قامت ميلا وقالت: وصلنا؟
مهدي: لا باقي كثير نامي
ميلا: يلا مهدي تعال نام انت انا بكمل عنك
مهدي: لا لا انا بكمل شوفي وش جبت لك
بدأ يطلع الكندر والعصيرات
وميلا تضحك عليه : حبيبي ايه ذا كله!
مهدي: كنت بجيب لك البقاله كلها لعيونش
ميلا ابتسمت وفتحت الكندر وقالت: افتح فمك
ابتسم وأكل واكلت بعده وشربت عصيرها وشربت مهدي معها وبدأ يحكي لها وهي تضحك بقوه على طقطقته
فتح مهدي المسجل على:
"ماتمنيتك لأنك كنت أبعد من خيالي "
ماخطر في بالي مره أني ممكن أوصلك
كنت أشوفك مثل نجم في السماء ساطع وعالي
"يابعيد وجابك الله لين عندي وصلك"
مهدي ابتسم وناظر ميلا وقال:
هذا أَول الدرب او هذا الطريق أَولك
جيت أتوقى عذابات المدى واهتديك
شوقي مسافه وهمساتك مدار وفلك
ان ماضميتك غلا ياعلنييي ما أرتويك
أعن لك لو تصب الموت ..... واتهيّلك !
ميلا أبتسمت : الله يخليك لي
مهدي: ويخليك لي
عند السياره الاولى:-
الجده: شوف ذا المطعم وقف وخذ لنا ونزل الفرشه نتعشاء ونكمل طريقنا
ابو حاتم: على خشمي
ضوقف سياره وكلهم وقفوا معه
مهدي: ميلا يلا انزلي مع البنات
ميلا: الحين بس أسوي نقابي زين
مهدي: والله ماخذا قلبي غير ها العيون
ابتسمت ميلا بخجل
ضحك مهدي ومشى عند العيال يساعدهم في الفرشه
فهد: يامهدي شوف بالله ذا متصنم من الحماس
مهدي ضحك: وانا أقول وش فيه
عند البنات نطت ميار وبيان عند سياره مهدي لان ميلا باقي فيها
بيان: افتحي افتحي
ميلا ضحكت: وش فيش
ميار: ي كلبه انتي نايمه في سيارة زوجش واحنا ماقدرنا ننام زين
ميلا: هههههههههههههههههههههههههههههههههههههههههههههههههههههههههههههههههههههههه تستاهلون طيب تعالوا معي وغنى زياده
ميار: تبين جدتي تصفقنا تقول عيب
ميلا: مشينا شوفوا جدتي تنادي
ميلا أتصلت على مهدي عشان يقفل السياره
ميلا: الو
مهدي: عيوني؟
ميلا ابتسمت: حبيبي قفل السياره
مهدي: تمام انتي قدش عند البنات؟
ميلا: ايوه ايوه
مهدي: استودعتك ربي
ابتسمت ميلا وقعدت مع البنات
الجده: أكلوا ي بنات ورانا مشوار طويل الله ييسرها
ميار ضحكت وهمست للبنات: راشد كان معهم وزعل وعطوه قشر وقال مايركب معهم ومشى مع عمي فارس
اجواهر ضحكت بعلو صوتها
الجده: بنت صوتش الله يهديش
عند الرجال:-
ابو فيصل: فيصل كلمت عامر؟
فيصل: ايوه يبه وكل شيء جاهز ماقصر والله
ابو مؤيد: الله يكتب أجره
وبعد تقريبا نص ساعه خلصوا أكل وبدأ الكل يركب سيارته وينطلق وأكثر واحد متحمس حاتم عشان حبيبة القلب😉😉
في سياره ميلا و مهدي:-
مهدي وهو يسولف مع ميلا: ماكنت متوقع أبدًا ان جدتي مزنه سحرت اأمي
ميلا: شوف صح انا ما أعرف جدتك وماعمري شفتها بس الله يهديها بس
مهدي: الثلاثي المريض
ميلا ضحكت: أسم على مسمى صراحه ماقصرت جدتي
مهدي: احبش واحب ضحكتش احب كل فيش من يومش صغيره وانا احبش من بعد ماتوفى أمش وأبوش وانا متعلق فيش تذكرين جدي يوم قال من يوم مفضوح ي مهدي كان الكل يعرف بحبي لش لما قال لي جدي بتتزوج غرام وقف الدم في عروقي حسيت الدنيا كلها سوداء بعيني تزوجت غرام وشفتك لما تبكين وتناظرين فينا كان ودي أصرخ واقول لش اني انا مجبور
ولما دخلتي المستشفى وانا كل دقيقه أفكر فيش
حب طفولتي انتي حب مراهقتي انتي حبي في كل الاوقات انتي ماحبيت غيرش وحده والله أشوفش كل حياتي الله يسامح جدي
ميلا مسكت يد مهدي وحضنتها بقوه وقالت: بطلي انت
ابتسم وكملوا طريق
عند بيان كانت تتأمل السماء وكيف القمر واضح شكله ابتسمت لما تذكرت فهد
عند رُويدا في الخُبر:
كانت تتمشى في كورنيش الخبر وتناظر وتفكر كيف يتكون حياتها الجديد مع حاتم هل هي بتكون سعيده معه هل هو بيتقبل نوبات الهلع الي عندها
عامر مسك يد أخته وقال: وش تفكرين فيه؟
رُويدا: خايفه
عامر ابتسم: معليك حاتم رجال زين وعلومه زينه وأطيب من أخذتي آل فلاح
رند وهي تركض: ماما ماماا
رُويدا ضحكت: عيون ماما
رند بصوتها الطفولي: احبش
عامر ضحك بقوه : وانا أحبش
رند: اسكت ي وحش انا احب ماما رُويدا
ابتسمت رُويدا وعامر مسك رند يلعب معها
.......................
في حائل الي خذت قلبي:-
توليب: يمه ماودي أسافر
ام توليب: حبيبة أمك كم باقي لك؟
توليب: شهرين وبرجع
ابو توليب: يابنتي تهون معليه
ابتسمت توليب وحضنت امها و أبوها
عند ام سهم وسهم:-
سهم: يمه تكفين متى تكلمين امها احبببها
ام سهم:سهم اركد بكلمها بس البنت باقي عندها دراسه شهرين وبترجع وبعدها نشوف ي ولدي معليك توليب من الحين لك
سهم: الله ييسرها
عند آل فلاح بعد ساعات طويله جدا جدا وصلوا الخُبر واتجهوا ل الشاليه
الجده: الاغراض لاتنزلوونها ناموا الحين
ابو فيصل: ايه أفضل
دخلوا العيال وناموا والكل نام وهم مكسرين من الطريق
عند مهدي ميلا:-
ميلا كانت ماتشوف الطريق تبي تنام مهدي مسك يدها ودخلوا الغرفه ينامون والاغراض في السياره
.
.
.
وصلنا نهايه البارت
.
قراءة ممُتعه💜💜💜