ماكان يُرهبني الفناء وانّما اخشىَ البقاء ونور وجهك يغربُ

بارت ٤٤:-

بارت ٤٤:-
في المطار:
مهدي: يلا يروحي مشينا؟
ميلا: مشينا
ركبوا الطياره وحطت ميلا راسها على كتف مهدي وقال:
نامي على كتفي لا جاك الحِزن انا معك
لك أمن وأمان❤️
ابتسمت ميلا
في الخُبر:-
ام عامر: انبسطتي وكيف كان
رُويدا: والله ماشاء الله انبسطت والزواج كان كله مشاعر ومره ماشاء الله الله يخليهم لبعض
ام عامر: الله يوفقهم
عامر: عاد كان ودي أحضر بس انشغلت
رُويدا : عادي تعوضهم مره ثانيه وين رند؟
رند جت وقالت بصوتها الطفولي: انا هنا
رُويدا: هلا بالروح والرئه والقلب تعالي
حضنتها رند بقوه وقالت: نتابع انا وانتي فلم
رُويدا: عيوني لش
ابتسمت رند وقعدت معها
عامر: ها طفشتي منييي
رند : لا لا انا احبش
ضحكوا كلهم على كلامها
ام عامر ابتسمت وقالت:الله يخليكم لي
عامر: ويخليك لنا
في المزرعه:-
في الصباح:
عند ام مؤيد و أبو مؤيد قالت له كل شيء صار لها وكيف نجد خاطرت بنفسها وساعدتها هي وغنى
ابو مؤيد ابتسم بفرحه: صرتي بخير يعني؟
ام مؤيد: ايوه
ضحك ابو مؤيد وطلع يحضن نجد بفرحه : تعالي ياروح اخوش جعل ربي يخليش لنا
الجده: وش فيكم
نجد ابتسمت بهدوء
كانت غنى وراء الباب عشان عيال عمها وقالت
غنى: اسمعوني امي ماكان فيها شيء قبل جدتي مزنه سحرتها لانها تتعامل مع السحر من زمان ونجد سمعتهم يتكلمون عن ميلا ومهدي وانهم لازم يخربون السفر حقهم نجد راحت وهددت امي ان تعلم الكل وسكتت امي ماسوت شيء دقت علي نجد وقالت الي السالفه كلها واتفقنا انا وهي ورحت عند امي عشان نروح عند جدتي مزنه ونفك السحر امي ماكانت تدري انها مسحوره مشينا انا وهي لجدتي ونجد دقت على الضابط ثامر عشان يكون موجوده لو صار شيء ودقت على الشيخ ومشت ودخلت ودخل معها الشيخ امي انفعلت ومسكت الفازه ورمتها على راس نجد طاحت نجد وطلع الضابط ثامر ومسك جدتي وسلمها ل الضابط حمد وطلع بها للحجز وبدأ الشيخ يقرا على امي وكانت حالتها غريبه جدا بعدين طلع الشيخ ولفينا على نجد كان مغمى عليها ومشينا للمستشفى والحمدالله على سلامتها وماقصرت الله يخليها لنا
ابتسمت الجده بفرحه: عيون أمش تعالي
نجد حضنت امها
والكل كان مبسوط على فعل نجد وغنى
صقر همس ل مشعل: وانا أقول ليه عمتي جنيه من الجن
مشعل انفجر يضحك وصقر يقبصه عشان يسكت
فهد: وش عندكم؟
حاتم: الله المستعان ودي ان الشيخ يقرا عليهم بعد
ابو فيصل: لاتقولون شيء ل مهدي وميلا لما رجعوا خير ان شاء الله
أيهم: عاد انا عندي فكره وش رأيكم بعد زواج العنود نأخذ شاليه في الخُبر عاد الاجواء هناك غير
ابو حاتم: والله ان الفكره ماهي بشينه بس مين يدور لنا شاليه؟
فيصل: عامر صديقي اخو رُويدا هناك بيته
حاتم فز قلبه لما تذكر رُويدا وابتسم
الجده: خلاص زين ي ولدي بعد مايرجعون مهدي وميلا أتصل عليه وقول له حتى هو بيجي معنا واهله زياده
فيصل:سمّي
وعند البنات الي استانسوا مره وهم ودهم يسافرون ويغيرون جو بعد كل شيء صار
تحديدًا بريطانيا 🇬🇧
عند بطلي وجوهرتي:-
مهدي: يلا ميلا نطلع برا؟
ميلا: يلا اي انت دقيت على أهلك وقلت لهم ؟
مهدي: لا والله بدق على امي
أتصل مهدي على أمه
ام مؤيد بفرحه: لبيه لبيه
مهدي بصدمه كانت امه عصبيه كيف صارت كذا: يمه!
ام مؤيد: لبيه كيفك وكيف ميلا
مهدي ضحك بصدمه وقال: انتي بخيررر ي امي؟
ام مؤيد: ياولد وش فيك بخير كيفكم انتوا؟
مهدي: بخير كلنا وووصلنا
ام مؤيد: استودعتكم ربي انبسطوا مع السلامه
قفلت ام مؤيد ومهدي الي يضحك بقوه
ميلا استغربت: مهدي وش؟
مهدي: امي تسلم عليش
ميلا بصدمه :انا؟ بالله عمتي بخير؟
مهدي ضحك وحضنها وقال: احبش
ابتسمت ميلا: وانا بعد
مسك يدها وجلسوا يتمشون في شوارع بريطانيا الي جمعتهم ويتآملون كل مكان فيه ذكريات لهم مهما كانت سئية او جميله
ياكثرها الامكان الي تحمل الذكريات
في المزرعه:-
حاتم راح يكمل ابوه وهو صامل على ها الزواج
حاتم: يبه
ابو حاتم: هلا وش بغيب
حاتم: يبه انا ابغى أتزوج
ابو حاتم ابتسم: ابشر من اليوم تدور لك امك
حاتم: لا يبه انا أبغى رُويدا بنت عبدالمحسن
ابو حاتم: ودك بها؟
حاتم: ايوه طلبتك
ابو حاتم: زين ي ولدي ماعندي مشكله
ام حاتم: والله يازينها رُويدا معليها بس أركد بعد زواج العنود اذا سافرنا الخُبر
حاتم: ابشري بس طلبتش
ام حاتم: زين ي ولدي اركد
طلع حاتم وهو يترقص
الجده: ورع وش بلاك؟
حاتم: انبسطي بتزوج
الجده بصدمه: مين
حاتم: انا بتزوج رُويدا بنت عبدالمحسن
الجده ابتسمت بفرحه: أزين من أخترت ي ولدي الله يكتب الي فيه الخير
باس راسه الجده وطلع برا والابتسامه على وجهه
فيصل: وش ذا الابتسامه ؟
حاتم: أبشرك بتزوج بتزوج رُويدا
فيصل ضحك بصدمه وحضن حاتم بقوه: وأخيرًا تكلمت والله اني مبسوط
حاتم: دوممم يارفيقيييي
فهد: من متى الحُب ذا !
حاتم: من كانت ميلا في المستشفى
فهد: أثاريك طايح على وجهك
وحضن حاتم وقال: مبروك يا أخوي الله يكتب لكم السعاده
أيهم : وش عندكم؟
فيصل:حاتم بيتزوج رُويدا
أيهم ابتسم: ياماشاء الله مبروك
عند البنات:-
الي سمعوا الخبر وهم يضحكون ومستانسين ويتراقصون لين وليان
نججد: هههههههههههههههههههههههههههههههههههههههههههههههههههههههههههههههههههههههه باقي ماقد جاء الزواج وش بتسوين انتي وهييي
بيان وهي تضحك: اسكتوا بطنيييي ههههههه
كان الكل سعيد ب ذا الخبر اول أحفاد العائله وأكبرهم بيتزوج
عند ام حاتم اتصلت على ام عامر:
ام عامر: ياهلا ويامرحبا ب ام حاتم كيفش وش علومش
ام حاتم: ياهلا فيش نحمد الله بخير وانتوا والاهل؟
ام عامر: والله كلنا بخير
ام حاتم: الله يجعله دوم بس بغيتش
ام عامر: ياهلا عساها خير؟
ام حاتم: خير خير ودنا نحدد موعد معكم ودنا نخطب بنتش رُويدا ل ولدي حاتم
ابتسمت ام عامر بفرحه: والله الساعه المباركه حنا فاضين متى ماجيتوا الله يحيكم والله يكتب الي فيه خير
ام حاتم: الله يسلمش بنجيكم قريب بس عندنا أشغال وقلنا نكلمك ونسأل عنك وعن حالكم ويعجل حالكم دوم زين شوفي ل رُويدا وردي لنا خبر متى مابغيتي
ام عامر: ابشري ابشري والله اغلى من يدخل علينا
ام حاتم: الله يسلمش
وجلسوا يتكلمون
عند البنات:-
الجده: وش بغيتوا؟
ملاك: جدتي حبيبتي نبي نروح المهرجان تكفيين
الجده: الله يصلحش الحين؟
ملاك: بعد المغرب طلبتششش
الجده: زين بس انتوا ولا؟
ملاك: انتي تبين تروحين؟
الجده: لا والله ي بنتي مالي في الزحمه
ملاك: بنروح مع العيال وعمي عبدالإله
الجده كتمت ضحكتها: دوبش تحترمين عبدالإله الله يصلحش
انفجر اضحك نجد
الجده: خلاص معليه بكلم ابوك
ابتسمت ملاك وركضت فوق تعلم البنات :
بناتتتت بنروح بعد المغرب المهرجان
بيان: وأخيرًا
وطلعت الجده عند العيال وقالت:
البنات يبون المهرجان مين بيروح
صقر ومشعل وراشد في نفس الوقت: اكيد احنا
الجده: الثلاثي المريض
انفجروا يضحكون على تسمية الجده لهم
الجده: بتروحون كلكم
ايهم: ايوه ي جده بنروح ودنا بها كلنا
عبدالإله: معليه بس متى؟
الجده: اليوم بعد المغرب
ابو حاتم: زين انتبهوا
صقر: ابشر
ابو حاتم: انت بذأت يحتاج لك تصفيق
صقر: انا
حاتم: من غيرك قول؟
صقر: راشد ومشعل
فيصل: الثلاثي المريض
.
.
.
وصلنا نهايه البارت:-
اعطوها حقها وزياده
وقراءة ممُتعه 💜💜💜💜💜💜