ماكان يُرهبني الفناء وانّما اخشىَ البقاء ونور وجهك يغربُ

بارت ٤٢

بارت ٤٢؛-
عند ام مؤيد كانت جالسه بالغرفه ودق الباب مهدي و ميلا
ام مؤيد: مين؟
مهدي: يمه انا
ودخل هو و جوهرته
حضن امه وسلمت ميلا على عمتها
مهدي بعتاب: يرضيش ذا كله؟ ليه يمه ليييه
ام مؤيد صدت عنه
ميلا سكتت
مهدي: يمه وش بتستفيدين الحين خلاص تزوجنا يمه
ام مؤيد: تزوجت بنت وعد و رعد تزوجت اليتيمه
ميلا جرحتها ذي الكلمه ودمعت عيونها
مهدي : يمه ل متى
ماردت ام مؤيد وطلع مهدي وميلا معه ولف يحضنها وقال: انتي مو يتيمه انا أبوش و أمش 
ميلا ابتسم بحرقه تكتم غصتها وقالت: صار خير عادي لاتتضايق
مهدي ناظر عيون ميلا وعرف انها بتبكي بس تكتم وسكت
وطلع عند الرجال
وميلا دخلت عند البنات وهي تكتم بكائها
بيان: تعالي تعالي وش رأيك نطلع الإسطبل
ميلا: ايه ماعندي مشكله يازين الكاسر
ريم: مشينا
طلعوا البنات في الصاله:-
ام مؤيد: على وين؟
غنى: يمه الإسطبل
ام مؤيد ناظرت ميلا وقالت: وانتي باقي مع الكاسر ذا؟
ميلا صدت بهدوء تطلع
نجد انفجرت: انتي وش عندش؟
الجده: يمه نجد خلاص
ملاك: ل متى بنسكت ميلا ماذبحت له أحد وش فيها
تنكد علينا كل مره
طلعت ملاك قبل تتصفق من أمها
ميلا ركبت على الكاسر
نجد ركبت الجارح ولحقتها وقالت: ميلوو وش فيش
ميلا: مافيني شيء يلا تعالي نسوي سباق
نجد: يلا بس من الحين انا بفوززز
ميلا ضحكت: بنشوف
بدأت ميلا ونجد
غنى: كفو حرم مهدي
بيان: كفو
نجد: وي بشويش
ميلا وهي تتكلم بصوتها العالي: ذا الكاسر مابيكسرني ولا بيخذلني
جمانه: طلبتش ي ميلا لا تزعلين من كلام امي اللهً يهديها
ميلا ابتسمت: ماصار شيء يقلبي
عند الرجال برا:-
ابو مؤيد: وين بتروح بكره ؟
مهدي: بنروح بريطانيا وبنقعد هناك اسبوعين كذا ونرجع
"بريطانيا جمعتنا وانتصر حُبنا"
ابو حاتم: الله يحفظكم
أيهم: واحنا بنشتاق ل ميلا
مهدي: زوجتي حلالي كيفييي
عبدالإله ضحك بصوت عالي: اتركه لايموت علينا
الجده: اسكتوا عن ولدي
ابو فيصل: الحين ولدش وحنا أيشش
الجده: انت الرقاصه حقتي
انفجروا كل الي في مجلس يضحكون
عند البنات :
ابتهاج: ميلا ابغى أجرب الكاسر
ميلا: عيوني لك تعالي اركبي
ابتهاج بدأت تركب الكاسر ومشت بها ميلا بهدوء بس كانت قدامها حجره وما أنتبهت وطاحت والكاسر ركض ب ابتهاج بسرعه
نجد صرخت : ميلا ابتهاج
ركضوا البنات
غنى ركضت عند الرجال وهي خايفه ودخلت وهي تصارخ :يبه يبه ميلا ابتهاج
مهدي فز قلبه ونط يركض وهو يتمنى ان ميلا مافيها شيء
ركضوا العيال لمًا وصلوا الإسطبل
مهدي ركض عند ميلا وحضنها ب أقوى ماعنده
مهدي وهي يرجف: انتيي بخير
ميلا ابتسمت : بخير
قامت ميلا تحاول تطلع فوق الجارح لان الكاسر يركض و ابتهاج عليه
مهدي: ميلا لا مب انتي انا بجيبها
ميلًا لف تناظر مهدي وابتهاج الي الكاسر يركض بها ب اقوى ماعنده ويمكن تطيح ركضت ميلا وركبت الجارح وركضت به ل عند ابتهاج ميلا ماعندها مانع تضحي ب نفسها عشان أبتهاج وقفت ميلا على الجارح
أيهم صرخ: ميلا أنزلي
نطت ميلا قدام الكاسر وقالت بصوت عالي: كاسررري أهداء اهداء طلبتك اهداء
بدأ يهدى الكاسر ونزلت ابتهاج وعيونها في دموع وحضنت ميلا وقالت: ليه تسوين كذا خفت عليش
ميلا: عادي يروح عشيرتش
راحوا البنات يحضنون ابتهاج و ميلا
ام مؤيد الي طلعت وشافت كل شيء وقالت: ايوه ماذبحش الا ذا الكاسر عقبال ما يموت مثل امش و أبوش
ميلا لف تناظر بهدوء وتمشي عندها وحضنتها وقالت في أذنها: شوفي احترامًا لانك ام بطلي والله لو اسمع ذي الكلمه مره ثانيه ولا يجي الكاسر شيء ان أكسر الدنيا فوق راسك مب أسكت كل مره سمعتيي
بعدت ميلا عندها ومسكت الكاسر توديه مكانه
ولحقها مهدي ودخل عندها وسحبها يحضنها وقال: ليه تخوفيني عليش ليه انا احبش
ميلا حضنت مهدي بقوه وقالت: انا جوهرتك ي مهدي صح؟ وذا الكاسر مستحيل يأذيني
مهدي: انتبهي لنفسك
ميلا: وانت كمان متى بنمشي؟
مهدي: الطياره حقتنا الساعه ١٢ ف معنا وقت
ميلا: حلو بس ماقلت لي وين بنروح؟
مهدي: مفاجأة
ميلا ابتسمت ومشت عند أخوانها
عبدالله حضنها وقال: ليه
ميلا: عادي يروح اختك مافيني شيء انا بخير
أيهم وعبدالعزيز ابتسموا من فعل أختهم وكيف كانت ب تأذي نفسها بس وتساعد ابتهاج
دخلوا كلهم في المجلس:
صقر: يلا اليوم العشاء علي انا و مشعل
ابو فيصل: الله يعين بس
مشعل: حرام عليك ماتعرفني😔
ابو فيصل: أعرف أنك ماتخلي شيء الي وتخربه
صقر ضحك: معليك ي على ضمانتي
ابو حاتم: دامها على ضمانتك زين
عبدالإله راح يجيب دجاج من البقاله مع مهدي و سهم
عند البنات:
توليب وهي باقي حاضنه ميلا: تدرين اني احبتس؟
ميلا ابتسمت: تدرين اني احبش واعشقش
نجد: بنوتاتتتتتتي احس ودي أرقص واقهر أمش
غنى صدت بهدوء
صح انها أمها بس أمها حقوده جدا شسنوييي ذا الواقع
في مكان لأول مره نزوره:-
مزنه: تكون جدة مهدي أم امه
ووتتعامل مع السحر
وهي مثل بنتها حقوده مره
ام مؤيد وهي تكلمها: وش أسوي؟
مزنه: خليها تطيح تموت اي شيء بس لاتسافر بكره مع ولدك
ام مؤيد فكرت بخبث وابتسمت وقالت: الموضوع عندي
"الله يجعل الجن يشتلونك قولوا اميننن يا بنوتاتيييي"
عند العيال:
مشعل: يلا
صقر: بسم الله
بدأ مشعل يقطع ويحط على الشوايه
وبقيت العيال يشربوون شاهي
عبدالله : مين يقول بيت شعر؟
..............................
حاتم:
تمنيتك ي غلاي
ويحقق المنُى وبأخذش
ودي أخبيش بقلبي
ودي أخذش من ذي المتاعب
مهدي:
.
والله ان عيونش تأخذ العقل
وان صوتش وهمسش يبعد هموم الدنيا عني🫦

سهم ابتسم:
انت الرفيق اللي رافقته في طريق
صار بعد الطريق خير رفيق🤍
_______________________
فهد : الله عليكم
الجده: مهدي متى رحلتكم؟
مهدي: الساعه ١٢
الجده: الله ييسرها بترجعون قبل زواج العنود؟
مهدي: ايوه يمه أكيد
الجده ابتسمت
مشعل: يلا يلا العشاء
ابو حاتم: دخلت العشاء للحريم؟
مشعل: ايه ايه بيدخله صقر الحين
أخذ صقر الاكل ودخل وقال بصوت عالي:لين ليان
لين: عيوني
صقر: لبى عيونش خذي الأكل
لين ابتسمت وأخذت الأكل وقعدوا البنات والباقي على السفره ويضحكون بسعاده والكل سعيد الا ام مؤيد الي باقي تخطط وماهي عارفه وش تسوي
الجده: وش قومش أكلي
ام مؤيد: الحمدالله
وقامت
نجد: روحه بلا رجعه
الجده دقت نجد بالعصاء وقالت: أمسي
نجد سكتت تكمل سوالفها مع البنات بهدوء
لفت الجده تناظر ميلا وقالت:
الجده: ابوش الله يرحمه كان اذا قعد يمسك يد أمش ويقول ذي الوعد وانا الرعد
ميلا ابتسمت : الله يرحمه ويسكنه الجنه
نجد: يارب وين بتسافرين؟
ميلا: مدري مهدي يقول مفاجأة وانتي توليبي متى بترجعين؟
توليب: اليوم ي قلبي مع سهم وامه بنروح حائل
وبقعد كم أسبوع وبعدها برجع
ميلا: حبيبي الله ييسرها
ملاك: تتساهلين بنروح المهرجان وانتي مب معنا
ريم: معليك منها بنعوضش مره ثانيه
ابتهاج: عاد احنا خلاص بنرجع عيب نقعد
الجده: لاتقولين كذا أزعل عليش
ابتهاج ابتسمت وقالت: سمّي
الجده: توليب ي أمي تعرفين ترقصين سامري؟ حق اهل حائل
ابتسمت توليب: اييي يمه أعرف
الجده: علي الله يرحمه كان يحب أهل حائل وبذأت الرقص السامري لو انه لحق عليكم الله يرحمه
ابتسمت نجد بحزن وقالت: يلا ارقصي لنا
توليب وهي خجلانه: بحاول
بيان وليان: يلا بنفتح وش تبين ؟
توليب : لاعبيني ياهوى والليل سامر
بيان: يلا
بحثت وفتحتها
الجده  وقفت مع توليب
بدأت توليب ترقص الرقص السامري والكل يناظره ومُعجب بتفاصيلها والرقص وكيف تتمايل
وجت ميلًا ودخلت ترقص معها
_____________
لاعبيني ياهوى والليل سامر
لاعبيني باللحون السامريه
               🤍
بيان شهقت: ي كلبه تعرفين مين علمك!!!
ميلا: توليبي
قامت نجد تحاول ترقص مثلهم
وضحكوا عليها البنات والبيت يعج ب اصوات الضحك والسعاده
ابو حاتم وهو يضحك:هههههههههه ماقصرت انت وهو الاكل زين
مشعل:شفت والله اني كفو
صقر ضحك بعلو صوته
..
.
.
.
ووش تتوقعون بيصير ام مؤيد وش بتسوي؟
ام مؤيد هل هي مسحوره ؟
هلا عامر بيتزوج؟
اعطوها حقها وو
قراءة ممُتعه 💜💜💜💜