ماكان يُرهبني الفناء وانّما اخشىَ البقاء ونور وجهك يغربُ

بارت ٢٤:-

بارت ٢٤:-
.
.
في الديره:-
كان الكل ينظف لان البيت كان شبه مدمور من كثر التراب
ودخلت نجد غرفة ابوها وناظرت في دولابه وملابسه ونزلت دمعته على ملابسه ودخلت بيان وشافتها وحضنتها وكملوا ترتيب الادوار
في بريطانيا:-
طلعت من النادي وركبت سيارتها وراحت عند رُويدا في الشركه ودخلت:
رُويدا: ارحبي اكلتي؟
ميلا: البقى ايوه
رُويدا ناظرت في ميلا وقامت حضنتها
ميلا استغربت وقالت: لاتقولين احد مات
رُويدا نزلت دمعتها وقالت: لا بس احبش
ميلا حضنت رُويدا
رُويدا: كيف النادي معش؟
ميلا: حلو
في حائل:
كان مهدي طالع من المركز وقف واخذ دخانه يدخن
طبعًا مهدي كان له فتره مايدخن بس رجع له وجاء عند سهم وقال: م ودك تترك ذا ؟
مهدي: عرفتوا شيء عن جوهرتي؟
سهم: عيش وانسئ
انت كسرتها ولما انكسر قلب جوهرتي انسئ عاد ترجع تحبك قلت بنفسك لازم انهي كل شيء بتصير بخير وبتشوف حياتها شوف حياتك وانا اخوك
مهدي عصب ونزلت دموعه وضرب يده في قزاز السياره
ومسكه سهم يحتضنه مهدي ودموعه تنزل وهو نادم : طاب خاطر جوهرتي وعافت حبها
الله يرحمك ي جدي كسرتني كسرتنيي
.............
في الديره بعد مانظفوا كل شيء
دق جوال عبدالله وفتح وسمع وحده تبكي وقال: مين وش فيك؟
ابتهاج وهي تبكي: انا ابتهاج
عبدالله استغرب وقال: وش فيش
ابتهاج: ماعرفتوا شيء عنها
عبدالله : لا والله مافي اي خبر عنها
ابتهاج : وين مهدي
عبدالله: مهدي راح ومانعرف عنه شيء مثله مثلها
ابتهاج بكت وقفلت الجوال
عبدالله : رحتي ي قلب اخوش وتركتي احبابش وراك
عبدالإله: وش فيك
عبدالله : ولا شيء
ام فهد: امشوا السحور
عبدالإله: ابشري
وقاموا للسحور
نجد: يمه نبغى نروح وتشتري اغراض العيد من بتخلين يودينا
الجده:عبدالإله والعيال عشان اغراضهم
ابو فيصل: خلاص أجل بكره
وقام الكل ينام
الساعه ٥:-
عبدالإله: بعد الفطور طوالي بنروح سمعتوا ؟
بيان: تمام ي عمو
عبدالإله انصدم : بالله عيدي ايش قلتي
بيان تسوي نفسها غبيه: وش ي عبدالإله
عبدالإله: اخخخ حتى الصيام أثر علي
ولما طلع جلست تضحك عليه وقالت: عسى ربي يخليه لنا
في المغرب:-
الجده: ارجعوا بدري وانتبهوا
حاتم: ابشري ي يمه لا تشيلين هم
ام مؤيد: تعالي ي ام حاتم نسوي المعمول
ام حاتم: الحين بجيش
ركبوا البنات السياره متجهين للمول
مؤيد: وش تبون تشربون؟
نجد: انا ابي v60
بيان وليان ونوف وميار وغنى: مثلها
لين وجمانه وملاك : ماتشا
عبدالإله: وانا بجيب شاهي وانتوا ي عيال
العيال: معك شاهي
ونزل يجيب لهم ومؤيد يحب قهوة البنات
بعد دقايق جاء وهو معه مؤيد والاغراض وركبوا وقال: بنزلكم المول ومعكم راشد ومشعل اشتروا اغراضكم واحنا بنجيب ثيابنا
نجد: تمام
وصلوا البنات ونزل مشعل وراشد والباقي راحوا يكملون الاغراض شربت نوف  v60
وتذكرت كيف ميلا تحبه ورجعت لها كل الذكريات ودمعت عيونها وقالت: يارب ردها لنا وهي بخير ياررررب ماقدر اصبر
.................
اول ايام العيد:-
نجد: بنات وين كعبييي وينه
نوف: اسكتي شوفيه هناك
بيان: يلا تعالوا الكل تحتً
نزلوا البنات وركضت نجد وحضنته امها وقال بصوت عالي: كل عام وانتوا بخير ياعزوتيييي انتواً
ابو حاتم: وانتي بخير
الجده: عيدكم مبارك وعسى كل عيد وانا اشوفكم كذا ربي يخليكم لي ويرد لنا ميلا ومهدي بخير وصحه وسلامه
عبدالإله: ي ابو حاتم ابو العنود جاء
طلعوا الرجال والبخور يعج في البيت واصوات الضحك والمعياده والكل سعيد بس سعادتهم ناقصه عشان الجد وميلا ومهدي
ام العنود وام ردينا : كيفكم ي بنات عساكم بخير وكل عام وانتوا بخير
البنات: الحمدالله وانتي بخير ي عمه
ردينا وهي تركض وتقول : عطوني توزيعات
جمانه: وه وه وقلبش نعطيش الحين
قامت غنى وجابت لها وعطتها وقالت: بالعافيه عليش
ردينا بصوتها الطفولي: شكرا شكرا احبك
ضحكوا الكل على كلام ردينا
جمانه: وانا احبش
في حائل:
كان سهم ومهدي يستقبلون الناس ودخل ابو لارا:السلام عليكم كيفكم ومن العيادين
سهم: هلا وعليكم السلام من الفايزين تفضل
مهدي بروح اقول يزيدون قهوه
سهم : زين زين
مشى مهدي ودق الباب مافي حد رد ودخل وشاف الملاك الي تنثر شعرها وتحط عطر
وسمع صوت ام سهم وهي تقول: لارا يمه تعالي هنا
لارا بصوتها العذب: جيتس ي خاله
مهدي استغفر وقال جوا نفسه:عيناي ي جوهرتي ستظل معجبه بك الى الأبد
ولف وقال: ي ولد
ام سهم: جيتك ي مهدي
مهدي: يمه زيدي قهوه الله يرضى عليك
ام سهم: ابشر
ابتسم مهدي وراح عند سهم وجلسوا  يسولفون
......
في بريطانيا:-
عند بطلتنا الي تمشي في شوارع لندن وتبتسم مع رُويدا
رُويدا ناظرت في ابتسامتها وهي صدق فقدت ميلا الي تضحك ودائما مبسوطه وسعيده: احب ابتسامتك ابي اشوف كل يوم عادي؟
ناظرت لها ميلا وارسلت لها بوسه في الهواء وقالت تعالي نروح هنا ابي قهوه
ودخلت بطلتنا تأخذ قهوه ولبست سماعاتها وجلست تتمايل على الموسيقى الهاديه
رُويدا وهي تكلم نفسها صح ميلا باقي تعبانه من بعد الي صار بس كل مالها تتحسن مع النادي ودراستها
ابتسم رُويدا وقالت: الحمدالله يارب تصير بخير اكثر واكثر
.............
في الديره:
الجده ابتسمت بحزن وقالت: اشتقت لبنيتي ولولدي متى ربي يردهم لي
ابو مؤيد دمعت عينه وهو صدق اشتاق لولده وتعلم من غلطته ماعاد يجبر ولده على شيء سكت وهو ماود يقلب المواجع زياده
.
.
.
.
.
وصلنا نهايه البارت:-

اعطوها حقها💜💜💜
ي حلوين احبكمممم مره