ماكان يُرهبني الفناء وانّما اخشىَ البقاء ونور وجهك يغربُ

بارت ١٤:-

بسم الله الرحمن الرحيم
"لاحول ولاقوة الا بالله"
اتمنى يعجبكم البارت:-

بارت ١٤:-
في الصباح في المستشفى:-
كان ايهم وعبدالله وعبدالعزيز نايمين على الكنب
قام عبدالله وشاف ميلا تتحرك وقالت: امي وينك امي
عبدالله: ميلا ياقلب اخوش قومي افتحي عيونش انا جنبش
ميلا فتحت عيونها وشافت نفسها في المستشفى وصارخت : انا ليه هنا  طلعوني
وجلست تفك كل شيء منها وتدف عبدالله وين امي وينها
قام ايهم وعبدالعزيز يحاولون يمسكونها وحضنها ايهم وجلست تبكي ووتشاهق: امي تركتني وينك يايمه يايمه وينك عبدالله وينهم ابيهم 
ايهم: اهدئي يا ميلا تكفين
ماعاد سمع صوت لها وجلس يحركها ويقول : ميلا ميلا قومي قومي
عبدالله صرخ : يادكتور يادكتور
جاء الدكتور : ابعدوا عنها
ورفعها ايهم على السرير  الدكتور: اطلعوا اطلعوا
ايهم صرخ: اختي وش فيها ابعد عني
عبدالله سحبه وعبدالعزيز يضرب ايده ف الجدار ويقول: ياعبدالله تكفى طلعها
جلس عبدالله على الارض على دخلت البنات والجده والجده
نجد ركضت وراحت عنده : عبدالله قول ميلا مافيها شيء
بيان بكت وقال بصوت عالي: لا تكفى اختي فيها شيء
عبدالعزيز بكى: مدري مدري اغمى عليها
الجده مسكتها ليان وتحاول تهديها
طلع الدكتور وفزوا كلهم
الدكتور: الحمدالله على سلامتها تقدرون تشوفونها لكن لا تتعرض لصدمات ابدا
ايهم: شكرا يادكتور
ودخلوا عندها كلهم
الجده: الحمدالله على سلامتك يابنتي
ميلا بصوت خافت: الله يسلمك
ناظرت فيها غنى كانت ميلا جسد من دون روح
الجد: ان شاء الله تصيرين احسن يابنتي
غنى بكت وقال بصوت عالي: ليههههه سويتي كذااا ليه طلعتييي ليههه احنا نحبككك ليه تبين تموتين ليه تكفين لاتتتركينا
ميلا ناظرت غنى ونزلت دمعتها وصدت عن غنى
ناظر فيها ايهم كيف كانت دموعها تنزل بدون اي صوت
جمانه مسكت غنى عشان تهدا
وماهي دقايق الا ودخل مهدي وغرام
مهدي : السلام عليكم
وسلم على الجده والجد الحمدالله على سلامتك يابنت العم
غرام: الحمدالله على سلامتك
ميلا ماعاد قدرت تتحمل فكت المغذيه ورمتها في الارض وجلست تحاول تنزل من السرير
عبدالله: ميلا لا تقومين
الجده: يابنتي اسمعيني اقعدي
الجد مسك يد ميلا وحضنها
ميلا بصوت خافت: جدي قلبي يحترق اتركني ياجدي
الجد: اقعدي ي بنتي
مهدي انتبه وقال: بطلع ياجدي بروح المطار مع السلامه استودعتكم ربي
ومسك يد غرام وطلع
وطلعوا الجد والجده معه واخواته
ميلا : عبدالعزيز طلعني طلعني تكفى
نجد: ميلا تكفين خلاص اقعدي
ايهم: بروح اشوف الدكتور عشان تطلعين
وطلع ايهم ودخل عند الدكتور:
ايهم: يادكتور نقدر تكتب لها خروج؟
الدكتور: ايه رح اكتب لها بس ابيك تسمعني رح تطلع على مسؤليتك حالته جدا صعبه لا تتعرض لصدمات انتبه على تغذيتها حالتها النفسيه متدمره جدا
ايهم: ابشر تسلم يادكتور ماقصرت
الدكتور: الله يسلمك وقدامها العافيه
ايهم دخل وقال:
كتبوا لها خروج ياجدي
الجد: زين ياولدي بنروح احنا وانتوا بعد ماتخلصون الحقونا
ايهم: ابشر
نجد همست في اذنها: انسيّ مهدي وعيشي حياتك ميلا
وطلعوا كلهم
عبدالله : يلا يا ميلا نطلع
ميلا بصوت خافت: طيب
عبدالعزيز ساعد ميلا تلبس عبايتها ونقابها وطلعوا يركبون السياره
ايهم: ميلا من اليوم ورايح تنامين معي انا وعبدالله وعبدالعزيز وبعطيك العلاج بنفسي بخليش تصيرين دبا
ميلا ابتسمت وجلست تتآمل الشوارع
عبدالعزيز: وش رايك نروح شارع الفن وتتفرجين
ميلا: زين
وفتح لها ايهم الدريشه وجلست تناظر وتفكر في كل شيء وتذكرت مهدي وغرام ودمعت عيونها وشكرت الدريشه
وايهم وعبدالله وعبد العزيز لاحظوا وسكتوا
وصلوا البيت:-
ام حاتم: هلا هلا الحمدالله على سلامتش
ام فيصل: خطآك السوء
ام فهد: كيفش يابنتي الحين
ميلا : الحمدالله والله يسلمكم
الجده: روحي سلمي على عمانش وارتاحي
عند الباب عمانها يسلمون عليها
ابو مؤيد: انتبهي لنفسش مره ثانيه
ميلا : ان شاء الله
حاتم: خطآك السوء يابنت العم
فيصل: قدامش العافيهَ
ميلا: يسلمكم ربي
وطلعت ميلا ترتاح في غرفة اخوانها وفتحت الدولاب وناظر الصندق الي جمعت فيه كل ذكرياتها وفتحته وشافت الورد الي اعطها مهدي جلست تطلع كل شيء وتبكي وجلست ترمي الاغراض وتقول بصوت عالي: اكرهك اكرهك اكرهك اكرهك الله يكسر قلب
دخلت بيان وركضت عندها : ميلا تكفين خلاص اهدئي
نجد: وش فيها
بيان: قطعت الاوراق وبكت
حضنوها البنات وقعدوا عندها حتى نامت وطلعوا عشان يجهزون الغداء
في المطبخ:-
لين: الله يعين ميلا
ملاك: والله انها تعبانه
نوف لفت على ميار الي تبكي على حال ميلا وحضنتها وقال: صدقيني بتصير بخير ووقويه اقوى مني ومنك بس يحتاج وقت
بيان: اتفق لازم وقت
غنى: كل شيء بصير بخير
ام مؤيد: يلا ي بنات تعالوا الغداء وروحي قولي ل ميلا تنزل
جواهر: ابشري
وطلعت جواهر ودقت الباب:
ميلا: تفضلي
جواهر: اشوى جاهزه ها تعالي الغداء ياحلوتي
ميلا: طيب بنزل
جواهر ابتسمت وطلعت
ف الصاله:-
الجده: وين ميلا؟
ميلا: جيت ياجده
ام فيصل: كيف تحسين نفسش الحين
ميلا: الحمدالله بخير ياعمه
ام فهد: دوم يابنتي دوم
الجده: ميلا بعد الغداء ابي اكلمش في الغرفه
ميلا: ابشري
وبدأ الكل يتغدا
عند الرجال:
جالسين يتغدوا
همس عبدالإله ل ايهم:كيف ميلا الحين
ايهم: ان شاء الله انها بخير
الجد: وش قال لك الدكتور يا ايهم
ايهم: يقول لا تتعرض لصدمات لانها خرجت على مسؤليتي
ابو حاتم: ليه ياولدي ماخليتها
ايهم: عنيده عنيده ياعمي
ابو مؤيد: وش صار على الي صدمها؟
ايهم: هي طلعت في نص الطريق الغلط مب عليه
ابو فهد: الله ييسرها
وجلسوا يكملون غداء
في بيت ابو غرام:
عزام: وصلوا ي ابوي
ابو عزام: زين الله يوفقهم
عزام: ي ابوي عندي دوره في الرياض
ابو عزام: الله يوفقك ومتى ترجع ؟؟
عزام: يوم الثلاثاء
ابو عزام: زين
عند مهدي وغرامه:
سافروا سويسرا
غرام بدلع: مهدي حبيبي تعال نصور
مهدي: طيب الحين بجي
وجلسوا يصورون مهدي جوا نفسه استودعتك الله ميلا
في الديره:-
كانوا جالسين البنات في الحوش
ميار : بنات ميلا عيت تنزل
غنى: مردها تصير بخير ووتتعود
نجد: بنات بسوي قهوه وشاهي
لين: بسوي فطاير
ملاك: بسبوسه
بيان: يلا خلونا نقوم
قاموا البنات ودق جوال نوف
فيصل: الو
نوف: هلا
فيصل: ايهم يقول خلي ميلا ترد علىً الجوال
نوف: بطلع لها لانها بالغرفه مارضت تنزل
فيصل: زين الله يسعدش
وقفل
ايهم : وش تقول؟
فيصل: اختك عيت تنزل بس بتطلع تشوفها نوف
ايهم: الله يصلحش ياميلا
عند نوف الي طلعت عند ميلا في الغرفه وارتعش جسمها من قوة برودة المكيف
نوف: ميلا قومي والله لا اقعد فوقش يلا
ميلا: ابي ارقد انقلعي
نوف: ايهم بيجي يصفقش
ميلا؛ اوف اوف بقوم
نوف: شاطره يلا بروح عنش واذا جيت ولقيتش نايمه والله لا اصفقش
وطلعت وميلا قامت واخذت لها دش ولبست بنطلون جينز وبلوز بنفسجيه وخلت شعرها على ظهرها وطلعت
نجد: هلا بالحب
ميلا: هلا بش
غنى قامت وحضنت ميلا وقالت بصوت عالي: احبش يعني احبش واعشقش واموت فيش واهيمش
ملاك: الله الله مابقيتي لنا شيء
جواهر: بنات يلا جهز كل شيء خلونا نجلس
ميار: يلاً
وقعدوا البنات وكل وحده من جهه تحط في فم ميلا من كل صنف
ميلا: بنات انخنقت بشويش
ودخل عبدالإله: يمه يمه بشويش على البنت
نجد: مالك دخل
عبدالإله: احترام احترام
.
.
.
وصلنا نهاية البارت:-
شخباركم ي حلوين؟
انا حددت ثلاث ايام بالأسبوع بنزل فيها الي هي يوم الاثنين والاربعاء والجمعه بس ذي الايام الي بنزل فيها البارتات ❤️❤️❤️