ماكان يُرهبني الفناء وانّما اخشىَ البقاء ونور وجهك يغربُ

بارت ٣٤:-

بارت ٣٤-
بعد مرور اربع شهور
اليوم الأخير في الفاينل حق بطلتنا
بريطانيا:-
في الصباح ميلا وتوليب كانوا نايمين وفزت ميلا على الصوت المنبه وتذكرت ان عندها فاينل وركضت الحمام
"الله يكرمكم" واخذت لها دش بسرعه ولبست ورطبت جسمها وحطت واقي الشمس ولبست واخذت مفتاح سيارتها واغراضها وهي مستعجله وركبت السياره وانطلقت
وتوليب لما راحت ميلا قامت من ازعاجها وراحت في الصاله وناظرت رُويدا الي نايمه على الكنبه وقالت: رورو وش فيك نايمه هنا
رُويدا: ابغى اشوف ميلا اذا راحت
توليب: ياحليلك قد مشت قامت تركض راحت عليها نومه وهي عندها فاينل ومتوتره جدا
ودق الباب
توليب بأستغراب: من؟
رُويدا: مدري بقوم اشوف
اخذت رُويدا جاكيتها وفتحت الباب وطلع مهدي
رُويدا: هلا مهدي
مهدي: وين صديقتش
رُويدا: راحت للفاينل حقها
مهدي: ومتى ترجع
رُويدا: مدري
مهدي ابتسم وقال: اسمعي دام اليوم الفاينل الأخير لها نبغى نسوي مفاجئه ونروح عندها وانا بجهز الهديه وانتوا وش؟
رُويدا: خلاص قد جهزنا من زمان في البيت بنسوي حفله بس عادي نروح معك
مهدي: انا بروح بس اجهز بس اشياء كذا وبدق عليك تجين انتي وتوليب وانا وسهم
توليب لما سمعت اسم سهم ابتسمت وهي طول الثلاث شهور تفكر فيه
رُويدا : زين زين
وطلع مهدي ودخلت رُويدا عند توليب وقالت لها كل شيء قاله مهدي
توليب: ماعاد بقى الا أيام  وترجعون
رُويدا: وانتي بعدنا بشهرين
في المزرعه:-
كانوا البنات جالسين يفطرون والجده والحريم يتقهوون
والرجال في الاسطبل وتنظيف حوش المزرعه
ام فهد: اشتقنا لبنت وعد متى ترجع لنا
ام حاتم: والله لها وحشه عساها تكون بخير
ملاك: بنكمل سنه واحنا ماشفنا ميلا
نجد: وانتي الصداقه كملنا سنه خلاص انتي تخرجتي وخلصتي
جواهر: ومهدي كمل سنه واحنا مانعرف وينه وروُيدا
بيان الي تسوي نفسها ما تسمع وتشرب القهوه
نوف: عاد انا بروح اسوي بسبوسه مع بيان وميار وانتي اقعدوا هنا
نجد: ابغى افهم انتي ليه ماتحترمين عمتش؟!'
نوف: ي ورعه انتي بالله الي يشوفك بيقول ذي عمه
ام فيصل: بنت اسكتي عيب عليش
ملاك ضحكت: ايه عيب عليش ي قليلة الأدب
جواهر: عمه نجد
بيان: عمهههه نجد
نجد بصوت عالي: انا نجددددد
في الإسطبل وجلسه الإسطبل:-
ابو مؤيد: مؤيددددد انزل من الجارح بتذبحك نجدوه انزل
مؤيد وهو يضحك: يمه يمه خلاص نزلنا
ابو حاتم: عاد الا الجارح عندها
وفي ذي اللحظه دخلت نجد وقالت: مين ع الجارح؟
ابو فهد: اقولش تعالي عندي
نجد: جيتك
وراحت عنده نجد وحطت راسها على صدره وقالت: اخخ ي ابو فهد
ابو فهد: وش فيش وش مضايق خاطرش
نجد: الحياه الحياه اشتقت له
ابو فهد حزن على نجد وقال: الله يرحمه
في بريطانيا:-
عند ميلا بعد ماطلعت من الفاينل
دق جوالها وقالت: ايوه مين؟
مهدي ابتسم اول ماسمع صوتها وقال: انا زوجش
ميلا ضحكت: مهدي من عطاك رقمي
مهدي: زوجش انا اكيد عندي رقمش
ميلا: مهدي اسكت عيب انا بنت عمك
مهدي: طيب ي بنت احبش
ميلا استحت وماعرفت ترد عليه
وقال: انا برا تعالي
ميلا: مهدييي كيف اطلع معك
مهدي: ميلا بتطلعين ولا اجي اشيلك؟؟؟
ميلا: يمه بطلع
ضحك مهدي وقفلت ميلا
وحطت الاوراق في الشنطه وطلعت تدور مهدي وماشافته
ودقها مهدي ولفت وناظرت
مهدي كان معه بوكيه ورد كبيييير ومكتوب عليه مهدي ل ميلا
وقال بصوت عالي :احبببببشش يادكتورة قلببيييييي
ميلا وهي تضحك  وناظرت مهدي كيف يتكلم : مهدييي فضحتنا عيب
وطلعت رُويدا وتوليب وسهم
رُويدا: مييييميي احبش
توليب جت تركض وحضنته ميلا وهي مبسوطه ميلاا احبتسسسسسسسس احبتسسسس
سهم: ياويل حالييييي كلمة احبتس منهاا ياليتها لي
مهدي ضحك بعلو صوته
ميلا دمعت عيونها وهي تحس نفسها بتطير من الفرحه
قرب منها مهدي ومسح دموعها وقال: من بعد ها اليوم ماارح اشوف لش ولا دمعه
ميلا هزت راسها وابتسمت
مهدي: ياعسى عيونك الجميله ماتشوف الا السعاده وعسى ضحكتك ماتفارق شفاتك وعسى الجنه داري ودارك❤️❤️
ابتسمت ميلا من كلامه
وقالت رُويدا: يلا مشينا
ميلا؛ بروح انا بسيارتي وتعالوا معي
توليب: هيا
مهدي وسهم ركبوا السياره حقتهم وتحركوا طبعًا الي يسوق سهم مب مهدي
الخُبر:-
ام عامر: رند ي حبيبي أكلي يلا
رند: بابا
عامر: عيون بابا جيتك
واخذ رند في حضنه وجلس يأكلها
ام عامر وهي جالسه تناظر ولده وقالت: ماودك تتزوج وتجيب عيال ي ولدي انسى الماضي الحياه تمشي
عامر: يمه لاتجيبين ها الطاري قلت لش انا مارح اتزوج
ام عامر: الله يهديك
عند بهجه وريم:-
ابتهاج: ريمي تدرين بنكمل سنه!
واحنا ماشفنا ميلا ولانعرف عنها شيء
ريم: وش ي بنت كملنا سنه وخلصنا وش عاد بقى
ابتهاج: تتوقعين كلمت دراستها
ريم: ميلا اكيد بتكمل بس وين مدري
ام ريم: كيفها بعد الحادث
ريم: بخير يمه بس راحت مانعرف وين
ام ابتهاج: ماتقدر تعيش بدون جدتها واخوانها بترجع اكيد
ابتهاج: اتمنى
في بريطانيا:-
في المطعم:
رُويدا: متى ودش نحجز مهدي خلص قده بخير
ميلا: مدري احس مابي ارجع
رُويدا: اخوانش وجدتش والبنات
توليب: احجزي ي ميلا وارجعوا اسمعيني تعالي نجهز الاغراض سوا وانا بعد شهرين بجي
ميلا: طيب شوي ونقوم
في حائل:
ام لارا: لارا كيفها توليب ماودها ترجع؟
لارا: بخير يمه بترجع بعد شهرين اكمل اشغالها وتخلص وتجي
ام لارا: زين والله كلمت امها وقال بعد شهرين بس ودي انها تجي كيف مهدي؟
لارا: تقول توليب قام وبخير وكل شيء تمام الحمدالله وهو على العلاج الطبيعي من ثلاث شهور وبيرجع ل اهله وميلا بترجع
ام لارا: ام سهم انبسطت تعتبر الولد ولدها والحمدالله انه بخير
لارا: عاددد انا مبسوطه داممم توليبيييييي بترجع
ام لارا: ايه لقيتي اشكالتس الله يهديس
لارا: ههههههههههههههههه بقوم اسوي لي قهوه اسوي لك
ام لارا: لا ي بنتي روحي ومتى تتركين ذا القهوه اشغلتس
لارا: احبها يمه
ام لارا: روحي الله يهديتس
______
في بريطانيا:-
دق مهدي باب الشقه
ميلا: مين؟؟
مهدي: بطلش
ميلا: دقيقه
راحت تأخذ جاكيتها تلبسه وفتحت
مهدي: ميلا حجزت لي ولك ول رُويدا
ميلا شهقت: لا مهدي مابي ارجع
مهدي: ميلا اسمعيني جهزي اغراضش لازم ترجعين خلصتي دراستش
ميلا ودموعها تنزل: خايفه مهدي خايفه
مهدي مسح دمعتها وقال: ميلا انتي قويه اسمعيني زين بكره رح نرجع يعني نوصل في الفجر نروح فندق ونمشي عند الاهل انا اعرف وينهم في المزرعه ميلا رح اوضح للكل
ميلا هزت راسها
مهدي: ميلا انتي لي وابتسمت ميلا وقال: تصحبين علي خير يا دنيايي
ميلا: وانت من اهل الخير
ابتسم مهدي وطلع ودخلت ميلا جهزت اغراضها وانسدحت جنب توليب تدخل في دوامة هواجيس
وهي رحلتهم في الفجر ماعرفت تنام اخذت لها قهوه وقعدت عند البلكونه تناظر شوارع بريطانيا وقالت:
"جمعتنا شوارع بريطانيا "
"واخاف تفرقنا شوارع أبها"
قعدت للفجر ودخلت أخذت لها دش وسوت لها قهوه في كوبها ولبست العبايه ونقابها وناظرت نفسها وقالت: رُويدا حبيبي قومي يلا
رُويدا طلعت وهي لابسه وجاهز وقالت: جهزت من قبلش
توليب: وانا بودعكم وبرجع انام صح بشتاق لكم بس شهرين واجي عندكم
ميلا حضنت توليب دق الباب وفتحت ميلا وناظرها مهدي وناظر عيونها وقال: تدرين ما أخذ قلبي غير ها العيون؟❤️
ابتسمت ميلا
وقال: مشينا ياجوهرتي مشينا
ميلا: مشينا رُويدا توليب
وطلعوا متجهين للمطار وكانت ميلا خايفه جدا
المطار:
توليب حضنت ميلا الي تبكي وقالت: ميمييي انتي قويه يلا روحي انتي وحب طفولتك وواجهوا الكل انا شهرين وانا عندس
ميلا وهي تبكي بعلو صوتها: احبك توليب احبك ياسعادتي احبك احبك
حضنتها توليب
و رُويدا حضنت توليب ناظر مهدي ميلًا وهي تمسح دموعها وكل شوي تنزل دموعها مو قادره تسيطر عليها
مهدي: وعد ماعاد تنزل دموعش ميلا
ومسكت يد رُويدا ومشت ومهدي معهم متجهين ل أبها ترجع لهم بعد مرور سنه كامله!!
ناظرت ميلا توليب وقالت:
الحياه قصيره جمعتنا بريطانيا عسى هالوجه مايغيب عني
طبعًا سهم رجع قبلهم بيوم
قبل يوم:
سهم: توليب انا رح اخطبك بس لما ترجعين حائل
توليب استحت وقالت: مع السلامه سهم انتبه
سهم: انتبهي توليب مع السلامه يابعد حيييّ
ومشى سهم
.
.
.
وصلنا نهاية البارت:-

وش تتوقعون ردة فعلهم؟؟؟
اخوان ميلا؟؟

اعطوها حقها نوقف عند ها البارت💜💜💜💜💜