ماكان يُرهبني الفناء وانّما اخشىَ البقاء ونور وجهك يغربُ

بارت ١٩:-

بارت ١٩:-
في البيت:
الجده وهي تبكي وتحضن ميلا قالت: ي هلا ب ميلا تبين تتركين جدتش
ميلا: لا تبكين ي جده طلبتش
الجد: روحي ارتاحي يعيون جدش من بعد المستشفى
ميلا: ابشر
ودخلت ميلًا وحضنت البنات
بيان: تعالي تعالي تبين اصفقش؟؟
ميلا: وش فيش
بيان راحت عندها وحضنتها: امزح معش
غرام دخلت وقالت: الحمدالله على السلامه
ميلا: الله يسلمش بروح ارتاح ي عمه
ام حاتم: زين ي بنتي
ام فهد: انتبهي ي امي
ميلا ناظرت ايهم كيف مهتمين فيها وقالت: ابشروا ارتاحوا انتوا
وطلعت فوق غرفة اخوانها لأن بعد الي صار مستحيل ايهم يخليها تنام لوحدها مره ثانيه
فتحت الغرفه وجلست تناظر الغرفه وانسدحت
في الصاله عند البنات والجده:
ام حاتم:بنات روحوا ساعدو عمتكم
ليان: ابشري
دخلوا البنات المطبخ
بيان: بسوي بسبوسه
نجد: وانا قهوه
ملاك: ي نوف متى بترجعون لندن؟
نوف: بعد العيد
جمانه: ي ويل حالي ماعاد بقى على رمضان الا اسبوع
لين شهقت : دوبي استوعب
جواهر: بعدين نروح نشتري اغراض نزين فيها بيت جدتي
ميار: اتفق فكرتش تجنن وبنفس الوقت نغير شوي من نفسية ميلا
دق الباب الي من عند الحوش:
غنى: مين؟
عبدالعزيز: انا ابغى ادخل عند ميلا شوفي لي طريق
غنى: لا مب شغاله عندك انا
عبدالعزيز: ترا مب فاضي لش تفتحين ولا افتح الباب وادخل؟
غنى : اقول انقلع
عبدالعزيز عصب ونزل عيونه وفتح الباب بقوه وصارخت غنى ودخل بسرعه والبنات دخلوا تحت الطاوله اما دخل
نجد بصوت عالي: وجع
عبدالعزيز: يوجعش ان شاء الله
عند ميلا قامت وتروشت وجلست تمشط شعرها ودخل عبدالعزيز وجلس يناظر فيها وكيف عيونها وكيف واضح انها تعبانه مره وجاء عند وحضنها وقال: احبش ياامي انتي تدرين انش امي ماعندي غيرش كيفش الحين؟
ميلا ناظرت فيه وعيونها في دموع وحضنته وجلست تبكي وقالت وهي تبكي: ياعزوززز كسرني كان يقول انا امش و ابوش كان يحبنييي وش غيره كسر قلبي والله احبه احبه تكفى خلني اروح ودني مكان بعيد مابي اقعد هنا ابي انسى اذا نسيته رجعت تكفى عزوز قلب اختك ي عزوززززز وجلست تبكي
حضنها عبدالعزيز وقال: وين تبين تروحين
ميلا بأخذ رُويدا وبهرب من ذا البيت بروح بريطانيا معها تكفىً خلني اروح لاتعلم احد عن مكاني بروح وبرجع لكم حتى اتصال مارح ادق رُويدا حجزت بنروح في الليل
عبدالعزيز بكى وحضنها وقال: توعديني ترجعين لنا مارح اعلم احد بس ترجعين لنا بعد ماتصيرين بخير
ميلا حضنته وقالت: وعد ارجع اليوم في الليل بروح لا تعلم احد طلبت
عبدالعزيز مسح دموعه وقال: اوعدش ياوليفة قلب اخوش ابشري بس كوني بخير ولا تنزلين دمعه من عيونش
ميلا مسحت دموعها وقالت: ابشر
عبدالعزيز : بنزل لهم وانتي انزلت اقعدي معهم
ميلا : ابشر بس بكلم رُويدا
ابتسم عبدالعزيز ونزلت
دقت ميلا وقالت: الو رُويدا
رُويدا: عيوني هلا
ميلا: خلاص كلمت عبدالعزيز ومارح يعرف احد
رُويدا: ليه تبكين اسمع صوتش انا بتصيرين بخير لازم تروحين عنهم فتره بنرجع وبتصيرين بخير انا معش جهزتي اغراضش
ميلا: ايه بس انتظرش دقي وانزل
رُويدا: الله ييسرها ب عيون رُويدا
ابتسمت ميلا وقفلت وقامت انزل عندهم
عند الجد:
عبدالإله: ابوي بتسوي عزيمه؟
الجد: ايه بعد بكره
ابو فهد: بتعزم ابو غرام؟
الجد: ايوه
راشد همس ل صقر وقال:الله يعين وش بيصير بس
صقر: الله يسمع منك
حاتم ناظر مهدي وقال: وش فيك كذا
مهدي قال: مافيني شيء
وقام
فهد : الله يصلح الحال
فيصل: كيف ميلا؟
ايهم: بخير نحمد الله
سعود ومشعل كانوا يصبون القهوه
عند الجده:
دخلت ميلا وسلمت عليهم وقالت الجده: كيفش ي امي الحين
ميلا: الحمدالله بخيرر
بيان بصوت عالي:  دوم دومممم ي دنياييي انتي
ابتسمت ميلا وقالت: بروح الأسطبل ي جده
الجده: ي بنتي دوبش طالعه من المستشفى
ميلا: معليش مافيني شيء
نجد: بنطلع كلنا عند الخيل
وطلعوا البنات واخذوا قهوتهم معهم
.
.
وصلنا نهايه البارت :-

اسف صح البارت قصير بس بعوضكم ي حلوين 😞