ماكان يُرهبني الفناء وانّما اخشىَ البقاء ونور وجهك يغربُ

بارت ٤٧:-

لاحول ولاقوة الا بالله
بارت ٤٧:-
في الفجر هبطت طيارة ميلا ومهدي على
أبها البهيه❤️‍🔥
مهدي ابتسم وقال: أمشي نفطر وبعدها نمشي للمزرعه ونروح الخُبر عشان عزاء غرام
ميلا: مشينا
في المزرعه:-
عند الجده وام فهد:
الجده: افتح فمك لا أصفقك
راشد: يمه تكفين خلاص
ميار: اسكت افتح فمك
كانت الجده تعطي راشد شوربه وهو مايحبها
وجواهر الي فطست ضحك على شكل راشد الي مخنوق من الشوربه
ام فهد: تستاهل عشان مره ثانيه ترقد وماتسوي نفس مشعل وصقر
راشد صد بعصبيه
نجد: يلا راشد لاتزعل بطلعك انا معليك منهم
راشد ابتسم
نجد مسكت راشد ومشت معه عند العيال برا الي قاعدين يتكلمون وقالت: و راشد!
أيهم: هلا هلا ب المكسور
راشد: هب شحمه
صقر ومشعل حزنوا عليه ومسكوا راشد يقعدون يتكلمون
ابتسمت نجد منهم وكيف صدق ذا الثلاثي المريض
قعدت نجد
عند أيهم دق جواله
أيهم: هلا بقلبي وعيونييي
ميلا: اهلين أيهمي كيفك؟
أيهم: الحمدالله كيفك وكيف مهدي؟
ميلا: أبشرك كلنا بخير واحنا في الطريق بنجي
أيهم أستغرب: وش فيكم شيء مالكم الا أسبوع
ميلا: حبيبي انت مافينا شيء
أيهم: زين ننتظركم
وقفلت
نجد: وش فيك؟
أيهم: مهدي و ميلا الحين بيجون
مؤيد: بسم الله تو الناس مالهم أسبوع
عبدالله : غريبه
أيهم: الحين يجون ونفهم كل شيء
سكتوا كلهم
ودخلت نجد عند البنات وقالت: مهدي و ميلو الحين يوصلون
غنى: تمزحين
نجد: والله
الجده ابتسمت بفرحه: وانا أقول ليه أبها نورت اليوم
ام مؤيد: اي والله انها نورت
في الخُبر:-
عند رائد كان نايم
وكل شوي تدخل عنده شيخه تشوف هو بخير ولا لا
ام رائد: بخير؟
شيخه: ايوه يمه بخير
ام رائد ابتسمت بضيق
دخلت شيخه غرفتها وفتحت الشباك وقعدت تناظر وتذكرت شيء وابتسمت بحزن
"شعور أنك تبتسم على شيء بعدين تتذكرون انه ذا الشخص مب موجود بالحياه شعور يأااالم"
فلاش باك:-
شيخه: انتي ليه حنونه كذا وتحبين الكل رغم الي صار
غرام: ما أحب أحد ينظلم نفسي لأن كلنا بشر ومعنا مشاعر ونحس
شيخه ابتسمت: تحبين رائد ؟
غرام صدت وابتسمت
شيخه: أعرف انك تحبينه
غرام حضنت شيخه وقالت: وش لك ب ذي المواضيع
شيخه ضحكت
انتهى-
الواقع:
شيخه بدأت تبكي بحزن شديد على حالهم صار البيت مو مثل زمان كل رائد يضحك وصوت ضحكته بالبيت والحين ماتسمع له حس
في المزرعه:
وصلوا مهدي وميلا
أيهم حضن ميلا: اشتقت
ذميلا: وانا زياده اشتقتتت
مهدي: ي ولد وانا!!
عبدالله وعزوز حضنوا مهدي بقوه
ضحكت ميلا بعلو صوتها
مهدي باقي التؤام حاضنينه وقال: انفدا ذا الضحكه
أيهم ضحك بقوه على مهدي والتؤام
دخلوا في المجلس:-
الجده: ياهلا ياهلا ب مهدي وميلا
ميلا: اهلين يجدتييييي
سلموا على رأس الجده
ابو حاتم وعمانها الباقي سلموا عليها
مهدي: كيفكم شخباركم علومكم
عبدالإله: ي ولد وش فيك
ضحك أيهم: مستعجل
ابو فهد: الحمدالله بخير وانت وميلا وش فيكم بس أخذتوا اسبوع ي ولد
مهدي: ياجعله دوم الحمدالله بعطيكم العلم الحين
ام مؤيد مشت عند مهدي وميلا وحضنتهم وقالت: سامحوني
مهدي: يمه وش فيش
نجد : انا بقول لك السالفه
بدأت تحكي لها السالفه من أولها ل أخرها
مهدي وميلا أنصدموا
مهدي تضايق مره على أمه وعلى الي صار لها وكيف امها مزنه سحرتها كذا
ميلا دمعت عيونها وحضنت ام مؤيد وقالت: عادي ي عمه ماصار شيء
مهدي حضن امه وقال: سامحيني انتي ماكنت أعرف
ام مؤيد: عادي ي حبيبي عادي
ابو مؤيد ابتسم بفرحه : الحمدالله على كل حال
نجد: وانتوا وش صار عندكم؟
مهدي: غرام توفت
شهقت نجد
الجده: بسم الله ولد انت صادق!
مهدي: اي والله بعد ماسافرت الخُبر كانت مريضه سرطان و توفت وبنسافر نحضر العزاء قبل ماتموت وصيتها انا وميلا نسامحها و زوجها رائد تزوجت
وقال لهم السالفه كلها
حاتم : الله يرحمها ويغفر الله ودكم نروح كلنا مايحتاج نروح زواج العنود
فيصل غمز ل حاتم عشان رُويدا في الخبر
أبو فهد: ماهي بشينه ودكم؟
مهدي: معليه ايوه بنروح سيارات؟ ولا
الجده: ايوه ي ولدي
ابو حاتم: أجل تجهزوا
صرخوا البنات الي جوا بحماس
الجده: عله عله أمسي انتي وهي
نجد: احبشششش
ضحكوا العيال عليها
ابو حاتم:نمشي بعد الفجر سمعتوا؟ بدون سهر
حاتم: أبشر أبشر
ام حاتم: الله يهديك ذا كله حماس عشان بنت عبدالمحسن؟
حاتم ابتسم وسكت
عند البنات في الغرفه يتكلمون مع ميلا:-
بيان: كيف سفرتكم؟
ميلا: خيييييال مره الحمدالله صح ماقعدنا كثيير بس لازم نروح ل العزاء
نجد: الله يرحمها والله تضايقت من الخبر صح هي كانت شوي شوي تنرفزني بس والله مسكينه
غنى: عاد انا والله حماسي مليون للسفر صح بيكون تعب بس يلا
ليييين: بنت ميلو ترا حاتم خطب
ميلا بصدمه: وي مين خطب!
ليان: رُويدا بنت عبدالمحسن
ميلا صرخت بفرحه: لا لا مو مصدقه
بددددق عليها و أتصلت على رُويدا
رُويدا: هلا بروحي كيفش
ميلا وهي باقي تصارخ: انخطبتيييي وحاتم خطبشششش ليه ماعلمتنيييي اضربش!!!
رُويدا ضحكت بعلو صوتها: ي بنتي كنت ابيك تنبسطي
ميلا: لو قلتي لي بنبسط أكثر يلا بقعد ارقص
قفلت
رُويدا ضحكت بسعاده على ميلا
ميلا باقي تصارخ وتنط على السرير
نجد: زوجوها تعقل طلعت خبله مثل زوجها
نوف: بنات تسمعون؟
ميار ضحكت بقوه: مهدي يصارخ مثل زوجته
عند مهدي الي عرف وجلس يرقص ويصارخ
جواهر وهي ماسكه بطنها وتضحك بقوه
مهدي من عند الشباك: جوهرتييي
ميلًا طلت مع الشباك: بطليي
مهدي: حاتم تزوج صديقتشش
ميلا ضحكت وقالت: ايوووه مبسوطه مره
مهدي ابتسم: احبشششششش
ميلا ابتسمت وقالت: مهدي مو هنا الله يهديك
ضحك مهدي وركض عند العيال يكمل رقص
الجده وهي تضحك: ي ولدي الله يهديك
مهدي : يمهه مبسوط مبسوط
الجده ابتسمت وقالت: يارب اشوف السعاده ذي كل يوم عليكم ياااررررب
راشد: وانا المسكين وين بروح؟
ابو فهد: معنا في السياره ماهو مع الورعان ذولا
راشد انقهر: ليه مابي اقعد معكم طفش سوالف شيبان
صقر ومشعل ضحكوا بقوه على كلام راشد
ابو فهد: كلام شيبان ودك أكسر رحلت الثانيه
راشد سكتت بزعل ولف يناظر مهدي الي باقي يرقص وضحك بقوه : ههههههههههه باقي ترقص!!
مؤيد: الله المستعان زوجوه يعقل لا والله ماعقل الا خبل فينا
عند البنات:-
ميلا: وين ملاك!!
جواهر بضيق: في الغرفه
ميلا استغربت: وي وش فيها
نوف: من بعد المره الاخيره الي رحنا فيها المهرجان وكانت أكثر وحده متحمسه ومدري وش فيها بعدها
ميلا مشت عند غرفة ملاك ودقت الباب:
ملاك: أدخلي
ميلا حضنت ملاك: وينش ترا اشتقت لش ليه في الغرفه!
ملاك: بس بجهز شنطتي
ميلا: انتي بخير؟
ملاك: ايوه يقلبي مافيني شيء المهم متى نروح ببكره؟
ميلا: الفجر تعالي جهزي معنا يلا بنروح كلنا مواصلين
ملاك ابتسمت وحضنت ميلا بقوه وقالت: يلا ي قلبي بجي الحين
ابتسمت ميلا وطلعت عند البنات وقالت: بتجي الحين يلا نواصل كلنا حتى الفجر نجهز اغراضنا انا بجهزها هناك عند مهدي وبجي
غنى: يلا كفو بنجهز كل شيء حتى تجين
ميلا: تم
طلعت ميلا تروح غرفة مهدي الي هي ل ميلا ومهدي الحين
ودخلت الغرفه وكانت ظلام وقالت: بسم الله
وقربت تفتح النور وصرخت لما حست أحد يمسكها
مهدي ضحك بعلو صوته وقال: بسم الله عليش
ميلا بعصبيه: اضربك؟ قلبي كان بيوقف
مهدي حضنها وقال: بسم الله على قلبش يلا بتنامين مافيه طلعه عندهم
ميلا: لا لا مهدييي بروح معهم أسكت
مهدي ابتسم بخبث وسكت
مشت ميلًا تفتح الدولاب وتحط لها ملابس هي ومهدي وتجهز اغراضها
بعد نص ساعه تقريبا خلصت وفتحت الباب وسحبها مهدي وقال: بشرط
ميلا: وش؟
مهدي: أعطيني بوسه
ميلا بدون تردد قامت وباست مهدي وطلعت بسرعه قبل يمسكها وضحكت بعلو صوتها
مهدي الي باقي ما أستوعب: اوريك ي ميلا اوريك
وضحك يتذكر كيف ركضت قبل يمسكها وانسدح على السرير ينام
بعد مرور ساعات
الساعه: ٤:٣٠ الفجر
عند البنات:-
جهزوا كل شيء وقعدوا يسولفون قبل الفجر
ملاك: بنات أمي قامت وجهزت القهوه وبنمشي الحين
بيان: يلا كل شيء جاهز
عند العيال:-
أيهم: كيف ترتيب السيارات؟
أبو مؤيد:
السياره الاولى: أمي وسعد ومطلق و وافي  مع زوجاتهم  وراشد معهم
السياره الثانيه: انا وأم مؤيد ونجد وغنى وجمانه و مؤيد وجواهر وملاك
السياره الثالثه: عبدالإله و أيهم وعبدالله وعزوز و فهد و صقر ومشعل
السياره الرابعه: فيصل وحاتم و بيان ونوف وميار ولين وليان
وسياره مهدي وميلا مع بعض
ابو مؤيد: ذا الترتيب والكل عليه وراء بعض وبدون سرعه مفهوم؟
العيال هزوا روسهم بتفهم
وبدأ الكل يركب الاغراض ويتجهزون
أيهم: مهدي باقي نايم؟
مؤيد: لا لا اخذ له دش يقول نمشي احنا هو وزوجته بيلحقونا
الجده بتفهم: زين مشينا
مشوا كلهم الا مهدي وميلا
عند مهدي وميلا:
ميلا وهي معصبه: يلا مهدي بسرعه
مهدي ضحك من عصبيتها : جيت جيت مشينا
ركبوا السياره مهدي: توكلنا على الله
أتصل ابو مؤيد على مهدي
مهدي: مشينا
ابو مؤيد: استودعكم ربي انتبهوا واقعدوا ورانا
واذا وقفنا وقف معنا
مهدي: ابشر انتبهوا انتوا
ابو مؤيد: معليه مع السلامه
مهدي: في أمان الله
وقفل ولف يتأمل جوهرة حياته..
.
.
.
.
وصلنا نهايه البارت
.
قراءة ممُتعه اعطوها حقها وزياده وياحبي لكم
أدري تأخرت بس معليه 💜💜💜