طلعتني امي من الغرفه خذتني للحمام غسلت وجهي من البجي ورجعنه للغرفه مالتي واني بعدني ابجي وكالت
ليلى : يلا كافي بجي شسوي بعد هذا ابوج عجبه الولد وشبيج يا حضي ماتقبلين عنده فلوس وضابط نفس ابوج الفكر
اني بقيت مصدومه من كلام امي يعني حته هيه ماتريدني وريدون فلوس كمت ابجي ازيد وصاحت
ليلى :كافي يلا ترا دخت منج بس بجي بجي كافي
راحت فتحت كنتوري وطلعتلي فستان وردي وبي ورد ابيض من جوه وطلعتلي شال ابيض ونطنتياهن وكال
ليلى : هاج روحي اسبحي ولبسي فستان هذا وطلي
اخذتهن واني دموعي تنزل رحت للحمام كملت وطلعت رحت للغرفه لكيت امي بالغرفه جرت ايدي وكالت
ليلى :شوفي ابوج يكول راح يجي الولد وامه لو عجبتي وقبل بيج باجر يجيب الشيخ ويمهر وياخذج لا عرس ولا شي فهمتي يا ويلج لو كلتي ماريده فهمتي
اني بقيت مصدومه كلشي ماجاي افهم والله بس ابجي واهز براسي خذتني لبستني شال وحطتلي حمره ومسكره وماكثرت لان اني من نوع مو حلو المكياج الهواي عليه شوي ودخل ابويه وكال
رافد : يلا اجو الولد وامه والله لو كلتلي ماريده كدامه اذبحج وعلي فتهمتي يلا تعالن
اني بس اهز براسي ودموعي تنزل امي مسحت دموعي وراحت يمهم شويه واسمع ابويه يصيح عليه علمود اجي اجيب العصير صرت ارجف وابجي اخير شي خذيت العصير ودخلت حته سلام ماسلمت شفت مره يطلع عمرها بل 50 اكثر انطيتها العصير وهيه كالت ياا فدوه هاي راح اصير جنتدي هنيالك ليث
خذت العصير وامي اشرت اكعد وكعدت واسمع ابويه يسولف ويه الولد يكله
رافد : هاي بنتي دموع اشوفها لو عجبتك من باجر اخذها
اني بس مصدوه من كلام ابويه ليش هيج كله علمود الفلوس
هوه يرد
ليث : ان شاء الله
امها كالت شكد عمرها البنيه امي كالت
ليلى : عمرها 14
ردت ياا صغيره ان شاء الله ليث يمه انته ربيها على يدك
اني رافعت راسي اريد اشوف هذا ليث ويا ريدتني ماشفته هوه كاعد عنده عضلات واسمن حته من بابا ويطلع بكد بابا وعنده شوارب واسمراني وشكله عصبي يخوف
خفت ازيد من قبل امي طفرت كالت هوه ليث شكد عمره رد كال
ليث : عمري 35
نصدمت اكثر يعني اكبر مني 21 سنه ياربي ليش هيج
امي كالت ياا بكد ابو دموع
وفوكاها امي فرحانه شنو من اهل
رد كال :اني موافق بس بعد بقت موافقتها
كال ابويه لا اميد موافقه اي بابا دموع شنو تكولين موافقه لو لا وخزرني هوه واني
اني بس واحد يسويلي بز ابجي كلت واني منزله راسي
دموع : اي قابله بابا
رد كال بابا
رافد : يلا لان الطرفين قابلين باجر مهرو واخذوها وياكم
رد كال
ليث :ان شاء الله بس شكد فلوس تريدون مهر
رد بابا وفرحان هوه واماما
رافد : 10ملايين مانريد هواي
رد كال
ليث: تمام مشكورين وماقصرتو وانطه افلوس لبابا يمكن جايبهن وياه وطلعو واني بس ابجي دخلت امي
كالت :يلا نامي علمود باجر اىصبح اخذج لسوك وصوت زايد ماريد
هيج كالت وراحت واني رحت للغرفه حاكه راسي على المخده ودموعي تنزل نمت ومادري بنفي غير الصبح على صوت امي كعدت ،،،،،،،
