حسيت الباب انفتح سويت نفسي نايمه وسمعت صوته يخابر يكول :
يلا ولي انتي مجرد ماخذج متعه وهسه اني مزوج لازم نخلص يلا كافي
كام يتقدم عليه خفت حسيت بي يوخر شعري عن وجهي وباسني بخدي ونوبه باسني بشفتي ياربي هذا شبي
ومادري وين راح سمعت صوت مي الحمام وطلع اجه
نام يمي جرني ونومني بحضنه احس اعضامي تكسرن
نمت كعدت على صوته يكعد بيها كعدت كال :
كومي تغدي يلا
حجه هيج ونزل واني هم نزلت شفت كلها جايه وطيبه تخوزر بيها حته ولد خوالهم جايه كلها شباب وصايره هوسه
شويه وعمتي كالت :
صبي غده
رحت حطيت بصواني شفت جايب دجاج وخبز وكباب حته سمج شوي محد ساعدني
بس اني اخلي بالسفره شفت ليث يخزر بيه خفت منه اشر عليه حته اجيله رحتله كال :
روحي غيري ملابسج لا ابتلي بيج روحي بسع
منتبهت على ابن خاله يباوعلي
بسع صعدت غيرت دشداشه ونزلت شفتهم ياكلون صاح عليه:
تعالي عمري اكلي ليش واكفه
ياربي شنو اليوم راح انجلط من ليث
وشفت كلها تباوع
رحت سولي مكان يمه وكعدت كام يجيب وحط كدامي شلون الجاهل وامه وطيبه يخزرن بيه
شال شويه من الدجاجه حطه كدامي وخذ منها شويه
سوه لفه وكلني اباوعله مصدومه وهوه يبتسم كملنه
ولمينه السفره ونظفت المكان وكالت عمتي سوي جاي
رحت للمطبخ
حطيت الجاي على النار شفت طيبه دخلت غلست عليها
جاي امسح بالكاع مااحس اله ذبت الجاي كله على
ايديناتي فرفح كلبي كمت اشيل
بنفسي وركعه بالكاع من الوجع طلعت ادور شي يوخر الوجع واركض
شفته كدامي صرت يم رجلينه وكلت
فدوه فدوه راح اموت من الوجع وخر هذا الوجع ايديناتي راحن
هوه احسه خاف بسع خذاني وصعدني فوك جاب عصاره يحطلي واني ابجي من الألم
كمل ومسح دموعي وكال :
شلون حنركتي بالجاي
رديت كوه احجي من البجي
والله مو اني هاي هاي طيبه ذبته عليه
شفته صار عصبي ونومني وطفه الضوه وطلع
شويه وسمعت صريخ واصوات نمت
حسيت على شي على ايدي فتحت عيوني لكيته كدامي باوعلي باسني وكال :
هسه اطيب لا تخافين
مارديت علي شفته طلع واني رحت لادم شفته كعد
كوه شلته خليته بحضني وابوس بي كام يبجي حسيته جاع سويت ممه وشربته خطيه بسع نام
شويه ودخل ليث بيده علاكه حطه كدامي وكال:،
هاج اكلي هاي الحلاويه جبته الج
هوه راح للحمام كمل وطلع مشط واجه تمدد على جربايه اني استحيت
اكل كدامه بس كال :
لا تستحين اكلي اني المن جبتهن غير الج
فتحت العلاكه جايب كلشي خذيت ككو كليته وجبس ورجعت العلاكه كمت خليته بالثلاجه ودخلت
سبحت لبست تراك وطلعت صاح عليه
تعالي اني امشطلج وهم صدك تلكين بالعلاكه زيت جيبي حطلج منه
رحت جبت الزيت هوه حطلي ويمشط بشعري ضفره الي
كمت ضميت المشط والزيت ورجعت بست ادم شفت ليث يباوعلي
كال :
تعالي نامي
حجه هيج وفتح ادينه حته انام ردت ماانام بس كلت خاف يعصب رحتله وهوه
نومني على ايده وايده الثانيه على خصري شويه وحط راسه بركبتي رجفت بسع كال
لا تخافين ماراح اتقربلج بس لا ترجفين
كال هيج واخر مني بس باسني بخدي وبكصتي وحضني وغطاني
ماحسيت اله على صريخ عمتي تكول ،،،،،،،، ،،،،،،،
،،،،،،،،،،،،
يتبع
