كال : شو اشوفج فرحانه بي بس ياحرام ماراح تستمر فرحتج نفس ماوعدج من كتلج خاف ناسيه كتلج سويتلج عمليه
ماميت عليج بس علمود اجيبيلي طفل وشمرج وارتاح منج ويه بدون كلام لمي ملابسج واطلكج واوديج لهلج
كمت ابجي راحتله ركض نزلت بست ايده ذليت نفسي وكلت :
لا لا الله يخليك والله هذا هذا ابني مااكدر اعوفه حباب لو حته خليني خدامه عدكم بس ابني مااكدر اعوفه حباب فدوه
احجي واشهك رد :
صوت ماريد يلا كدامي لمي ملابسج ويلا كدامي ابني عوفي لزكه بت الك،،،،،،،ح،،به
كمت ابجي حيل كوه لبسني عباة حته ملابس ماخذيت يجر بيه واني مااريد اعوف ابني ماعندي غيره بس هوه الي بهاي الدنيا
ابجي واتوسل بس هوه مااهمه نزلني من الدرج ينزل بيه كوه شافتنه امه بيع كالت :
يا ولك ليث وين مودي مرتك وتبجي
رد
يمه لا تدخلين راح واطلكها وارتاح
ردت بسع
يا ولك ياهو ينظف البيت ينظف واني مابيه حيل
رد
يمه الله كريم اجيبلج خدامه
خله وصعدني بسياره وداني لبيت اول مره اشوفه وطلع رجال جبير بالعمر علمود يطلكنه واني ابجي على ابني مااريد اعوفه
كملنه وهوه يجر بيه وصلنه البيت اهلي شمرني يم الباب بيتنه بس مقفول شافه ضحك وكال :
يااا نسيت اهلج سافرو لتركيا ماكتلج
من سمعت هيج تخبلت لعد وين اروح رحت يم رجلينه وكلت
حباب لا تعوفني والله والله اخاف عادي اخدمكم كلشي اسوي بس لا تعوفني اهنا وحدي اخاف والله ماعندي احد
احجي واشهك رد
كافي دوختيني دفعني برجله وصعد بسيارته يسوق واني كمت اركض وراه وابجي واصيح
لا لا تعوفني وحدي والله اخاف لا تعوفني فدوه فدوه
شفت اختفت السياره مالته بقيت وحدي ابجي واشهك واخاف محد بشارع والبيت مقفول خفت حيل كمت امشي بالشوارع ادور مكان اكعد بي بس كلشي شفت الناس كلها تباوعلي واكو هم شباب يباوعون خفت حيل
شفت مكان شلون المخزن بس مفتوح الباب دخلت شفت غراض مكسرات وزباله حسيت هذا المكان الناس اذب بي ازباله ودنيا راح اصير ليل
دخلت جوه وسديت الباب وارجف اخاف واحد يدخل عليه واكو ريحه مو حلوه زباله كلت هسه تطلعلي حيه
واسمع اصوات نمت بالكاع شفت طلعت الشمس جعت حيل
طلعت كمت امشي ادور بلكت الله الكه واحد يبيع اكللها ينطيني من يشوف حالتي شفت لفه مشموره بالكاع يمكن طايحه من احد من الجوع ماهتميت شنو بيها بسع كليتها وحسيت بطني توجعني
