حسيت واحد يحاول يفتح الباب واصوات سمعت واحد يكول
اي ولك هذا بيته شفته طلع بس يمكن احد اهنا شو ماينفتح الباب
خفت حيل بسع شفت ادم نايم رحت يمه وسديت الباب الغرفه عليه
وجريت الميز وحطيته كمت ابجي من الخوف اني ماعندي جهاز بس عند ادم وعنده
رقم ليث بسع ايدي ترجف خابرت مايرد اخير شي رد وكال
هاا ادم بابا
رديت اني وابجي
ليث ليث اني دموع شسمه شسمه اكوو عصابه يم الباب يحاولون يفتحونه واني خايفه
رد بصيح مبين خايف علينه
سدي الباب عليج لا تفتحينه راح اجي ولا تخافين ديري بالج
سديت جهاز وكعدت ارجف وادم بحضني حسيت باب الشقه انكسر
رجفت وكمت ابجي ازيد حسيت يدورون على شي واسمع اصوات غراض
شويه وندك باب الغرفه كلبي راح سمعت واحد يكول
شوف يمكن احد اهنا بالغرفه خل نكسر الباب
كامو يحاولون يفتحون الباب اني رحت لبدت وره الجربايه وضامه ادم بحضني خايفه
علي نكسر الباب كلبي كام يدك حيل خفت حيل غمضن عيوني سمعت واحد ضحك وكال
ولك تعال شوف هاي الحوريه شنو هاي الجمال تخبل كيك
فتحت عيوني يخوفون وجوهم سود وعيونهم حمر كال الثاني بضحكه
ولك شوف العيون فدوه اليوم نتونس ابن الملب ليث عنده هيج حوريه وماندري
شفتهم كامو يتقدمون عليه بسع صرخت ببجي
لا تتقربون مني والله ليث يندمكم والله عوفوني فدوه
رد بضحكه واحد منهم
فدوه للسان اليوم نتونس راد واحد يكض شعري بس سمعت صوت طلقه كلبي راح
همه خافو طفرو بسع وادم كام يبجي كمت اسكت بي شردو طلعو شويه ودخل ليث مبين
خايف علينه اجه يركض علينه شبكني حيل وكال
سوولج شي احجي سوولج شي
رديت ببجيخفت حيل منهم والله ماسوولي شي والله
باسني حيل وحضن ادم وكلت
منو هذوله يخفون
رد
هذوله عداي بشغل مجرمين سجناهم بس شردو
وهسه خذتهم الشرطه لا تخافين
نومت ادم واني ارجف كعدت على جربايه جاب اكل كوه كليت نظفت الغرفه
وهوه كعد على جربايه باوعلي وكال
هم حجو وياج شي
خفت منه كلت