سمعت الباب انكسر خفت حيل رحت للحمام وقفلت الباب عليه
واخابر ردت كلت بسع وابجي من الخوف
ليث فدوه تعال اخاف والله
رد بصريخ
ولج منو احجي لا تحركين كلبي والله لو طلع جذب علمود اجي اموتج والله
رديت ببجي
والله والله ماجاي اجذب تعال راح اموت من الخوف والله
رد بخوف
عوفي الخط مفتوح هسه جاي
عفت الخط مفتوح وخايفه حيل اسمعه يخابر يمكن من جهازه الثاني يخابر ويصيح
مادري عليمن واسمع صوت سيارات وكال
دمعه لا تخافين بنيتي جايج والله
رديت ببجي
عفيه لا تتاخر راح يكسرون الباب
هوه سكت شويه وسمعت يحاولون يفتحون بباب الغرفه كمت ارجف من الخوف
كلت بغصه وخوف
ليث راح يفتحون الباب خايفه تعال
رد بخوف
لا تخافين بابه
بعد ماحجيت الخط انسد خفت وسمعت اصوات وركض وصياح وسمعت صوت ليث
يصيح وصوت طلق خفت حيل كمت ارجف وابجي خايفه شويه وندك باب الحمام خفت بس كال
اني ليث بنيتي راحو افتحي الباب يلا
بسع فتحت الباب وحضنته وابجي
والله بعد مااعيدها اسفه بعد لا تعوفني حباب والله اخاف منهم ليش عفتني مو تكول احبج
احجي وابجي جرني حضني اقوه وكال
ولج من وره عنادج بس والله بعد مااعوفج بس لا تبجين بابه كافي
شفت البيت صاير هوسه كلت بخوف
وين راحو
رد
ششش لا تخافين مالج علاقه بيهم
شفت ادم نايم خطيه شفت ليث دخل للحمام واني نظفت البيت كله
هوه طلع اني هم سبحت وكملت شفت الساعه بل 9 بليل
ليث تمدد على جربايه يلعب بالحاسبه واني رحت يمه
هوه عاف ايده وجرني نومني على ايده ويمسح بشعري
باسني بخدي وكال
مشتاقلج دمعه
مارديت رد كال
بابه انتي ما تحسين جاي اكلج مشتاقلج ردي عليه
رديت
حتانه مشتاقتلك بس هملتني وحسيتك ماتحبني مثل قبل مو عتذرت منك
