نصدمت من كال ليث
اادم بعده صغير واني ما عندي بس طفل واحد عندي طفل وطفله بنيتي دموع
حجه هيج وجرني كدامهم حضني وباس راسي متت بدمي
وشفت طيبه تريد تنفجر من الغيره وطيبه تخزر بيه كالت عمتي
ربي يحفظكم وليدي وصدك دموع بعدهي صغيره
شويه واجه ادم موصخ نفسه ردت اكوم كال ليث
وين رايحه
رديت
راح اغسل ادم واجي
هوه هز راسه وبقى يسولف ويه اخوانه
اني كمت دخلت ادم للحمام سبحته وغيرت ملابسه وهوه يضحك غسلت ملابسه وشريتهن
اريد اطلع وصارت كدامي طيبه ورقيه كالت طيبه
طيبه : انتي لا عبالج ليث يحبج هوه لو يحبج صدك جان ماازوج عليج
ردت رقيه
رقيه : ولج اسكتي طيبه هيه ماعدها كرامه واهلها ذبوها علينه
حجن هيج وراحن اني بجيت ومسحت دموعي كال ادم
ماما رح ادل بابا عليهن ( ماما راح اكلن باباعليهن
رديت علي
لا ماما مانريد مشاكل يولن تعال خل نرجع يم بابا
طلعت وكعدت يم ليث وادم كعد بحضن ابوو شافني ليث صفن بوجهي وكال
شنو باجيه منو وياج احجي
رديت
لا مابيه شي
هوه سكت شويه وكالوو راح يصبون غده فرشو سفره جابو الاكل
مسووين دجاج شوي ودولمه وسمج شوي وزلايط وفواكه
غسلت ورجعت اريد اكل بس ماكو مكان صاح ليث كدامهم
تعالي بنيتي اكعدي يمي اكلي
رحت يمه سوالي مكان جني بنته مو مرته وادم كعد كدامنه
ليث يجيب ويحط كدامنه وشفت طيبه وجها احمر تريد تنفجر
ليث شال قوطيتين ببسي وحطهن كدامي واحد وكدام ادم
وشال نث من دجاجه وحطه كدامي وكام يوكل بيه وبادم حته استحيت من عدهم
شفت عمتي تباوعلنه وتبتسم خجلت كملنه اكل وغسلنه وكعدنه
جابت جاي رقيه وزعتلهم اريد امد ايدي اخذ جاي مااحس اله ذبت
الصينيه مالت الجاي كلها عليه كمت ابجي من الالم ليث طفر وشبكني وكال
اشش بنيتي مابيج شي هسه اجيبلج عصاره بس لا تبجين
راح يجيب عصاره واني متت من الوجع وعمتي خطيه خايفه
جايبلي ليث عصارهاني محتركه بس ايدي حطلي متت هوه مسح دموعي وكال
