نصدمت من كال
ولج تردين تعرفين شفت شفت بهاي عيوني صور انتي وحمزه تخونيني ولج هااا
نصدمت من كلامه كال
اي شفت صور انتي وحمزه انتي نايمه وهوه يبوسج من خدج ولج شنو من نفس عندج انتي
حبيتج ودللتج وهاي كله وتخونيني ولج كرهتج حيل حته وجهج مااريد اشوفه
نصدمت من كلامه اباوعله ودموعي تنزل عشره عشره
كلت بشهكات وكفت وكضيت ايده وكلت
والله والله جذب واصلا اني بعد من ذاك الموضوع ماشفت حمزه
واصلا والله اني احبك ولا يوم فكرت بغيرك ولا خنتك ليث فدوه منو كلك والله جذب
رد بصريخ وكسر المزهريه وكال
ولج ولج انتي الجذابه كرهتج سامعه كرهتج وراح اندمج على خيانتج بسيطه
كمت ابجي نصدمت من شفته كعد بالكاع مسح ادموعه يمكن بجه وكال
ليش هاا ليش شسويتلج اني وهيج تسوين بيه خليتيني اكرهج والج
رديت ببجي واشهك
والله ليث مامسويه شي والله ماخاينتك ماصدكني
رد بصريخ
ولج بهاي عيوني شفت بس اني الج اله اندمج
كال هيج وطلع بعصبيه واني كعدت ابجي ياربي
ليش هيج شمسويه اني يمته خاينته واصلا ولا مره فكرت بغيره ولا خاينته ياربي يا صور يحجي
عليهن الله لا يوفقك ليسوي هيج بيناتنه ليش هيج ماعندي حض اني
بقيت فوك الساعه كاعده وابجي كمت شفت البيت صاير هوسه نظفته وراسي يوجعني من الخياط
خذيت ملابس ودخلت للحمام سبحت ولبست تراك وعفت شعري اخاف من الخياط مااكدر
امشط شفت ادم نايم بسته بخده وغطيته شفت الساعه بل 8 ونص بليل
كعدت على جربايه وخذيت جهاز ادم العب بي ضايجه
شويه ودخل ليث اخذ الجهاز من ايدي يمكن مايريد جهاز عندي مايثق بيه
شفته دخل للحمام سبح وطلع باس ادم وراح تمدد على جربايه يلعب بجهازه
رحت اريد انام على جربايه بس كال
ولي من وجهي شكو نايمه يمي
صارت عندي الغصه وعيوني دمعن عفت الغطه ورحت للكنتور طلعت فراش وغطه
وفرشته بالكاع شفته بعده يلعب بجهازه واني تمدد بالكاع ابجي بصوت ناصي
شفته صاح عليه كمت كال
جيبيلي مي
هزيت راسي جبتله مي ورجعت ونطيته يشرب مي ويباوعلي
