دموع : نزلت وشفت جايه طيبه ام المشاكل لا هلا وشفت رقيه اخته مبينه هم دور مشاكل وعمامهم كاعدين بالصاله ونسوان اخوان ليث وطيبه ورقيه
يباوعلي يبتسمن بخبث لان يمكن عرفت امه وزته عليه
وشافن وجهي مزورك وكوه امشي من الألم على فكره من دخلت للحمام وسبحت لكيت دم هواي نظفت مكان الدم بس بقى قلبل ينزل
يعني النزيف ماواكف المهم
عفتهن ورحت للمطبخ هاي الحجي اني كوه امشي من امشي انتبه كلها تباوعلي عوزي ماابجي من اشوفهم يباوعون عليه
دخلت للمطبخ شويه واجن الحيايه ماحاجه اكول ياهنه تعرفونهن كالت طيبه
طيبه : هي اكلج عمتي ام ليوثي تكول خل تسوي دجاج ودولمه وكباب هسه الساعه بل 7 تكول بل 10 كون جهاز الاكل لان هسه احنه مانشتهي
ردت الحيه الثانيه
رقيه : لا نسيتي ماكتيله خبزي ترا ما نجيب جاهز يدينج مكسره وفشلتينه تمشين هيج شبيج
هيه هيج تحجي واني دمعه بعيني مااكدر احجي ادري بنفسي لو احجي تطلع اني الغلطانه وليث يضربني
خلن وطلعن طاحن دموعي هوه اني بيض كوه اعرف مو نوبه دولمه ودجاج وفوكاها خبز هوه اني من اشوف امي تخبز
اخاف من يمي خاف احترك مو فوكاها اخبز
مسحت دموعي وطلعت بالصاله شفت ليث يسولف ويه اخته رقيه الحيه ويمها طيبه رحت يمه كوه امشي هوه ماانتبه عليه لان يسولف وياهن ويضحك رحت وكفت يمه
وكلت : ليث عادي اسولف وياك
اني كلت هسه يفشلني كدامهن بس انصدمت من كال :
تمام تعالي
رحنه علة صفحه متانيني احجي كوه طلع الكلام مني
دموع : حباب راح احجي بس لا تضربني شسمه عمتي تريدني اسوي دجاج ودولمه وكباب واخبز واني والله مااعرف اطبخ وخاف احترك بالتنور وخاف والله
اني كلت هسه يكسر خاطره عليه بس دمعتي طاحت من كال
ليث : والله هاي مشكلتج لان لسانج طويل وطبج مرض احتركي شنو تهميني يلا ولي من وجهي
خله وراح كمت ابجي ورحت للمطبخ مالوح الثلاجه جبت طبله وصعدت عليها نزلت دجاجتين وحطيتهن بجدر
كمت افكر شلون امي تطبخ سويت نفسها بس خفت خاف يطلع مو حلو الطبخ ويضربني ليث رحت طلع الكباب مره بابا راد كباب وامي سوت كدامي سويت نفسها بس كون تضبط ياربي
اخير شي دولمه كمت الفن واسوي بس عوجات ومادري شلون شكلهن اني بنفسي ماعجبني لعد شلون همه
حطيته على النار العرق كام يصب مني اسوي وكوه امشي باوعت للكاع لكيت دم نصدمت يعني لهسه ماوكف بجيت ازيد كوه امشي احس نفس جاي اموت
صارت ساعه بل10 يااا ودولمه بعدهي على النار يرادله نص ساعه اله تستوي ياربي وبعدني ماخابزه خفت حيل صارت بل 10 ونص واستوه واجت طيبه :
شنو نمتي يلا ترا جعنه شنو القصه
خلت وراحت
حطيت بصحونه ومحد ساعدني بشيل الصحون كلها كاعده بالصاله حطيت السفره شفت ليث كاعد يمهم يلعب بجهاز احط الصحون وكوه امشي حته حسيت عيوني غوشن
كملت والكل انجمع يريد ياكل المصيبه بعندي ماخابزه
شويه وعمتي صاحت كدامهم
ام ليث: شنو وين الخبز
رديت واني خافه :
مااعرف اخبز والله وخاف احترك بتنور
كال ليث وهوه يخوزر بيه :
ولج روحي خبزي بسع لا اكوملج
اني من الخوف رحت اجت طيبه كالت :
عمتي تكول خبزي 25 خبزه وطلعت
نصدمت ياربي رحت كوه امشي طلعت التنور اخبز بس مادري شلون شكلهن مو حلو لا اول مره اخبز كمت اخبز وخايفه
لا ليث يصيح ومادري شو شويه وصاحت عمتي
ولج هذا اكل من حشه الله يلعب النفس بس الدجاج والكباب حلو بس الدولمه تلعب النفس غمتني وراحت
مارديت عليها كمت اخبز وامسح بالعرق عيوني كامت تغوش كملت وخذيته الهم وطيبه عيبت على الخبز بس همه ماحجوو شي
ردت اكعد اكل متت جوع ماماكله من الصبح ردت اكعد بس صاحت عمتي :
كومي سوي جاي يلا بعدين اكلي ماطارت الدنيا
كمت والدمعه تلالي بعيني كملت الجاي وهمه خلصو
مخلصين الاكل كله مامخليلي شي ردت اصعد بالغرفه بس صاحت عمتي هيه وتكول ،،،،،،،،،، ،،،،،،،
يتبع
