حسيت واحد صاح لليث كال الرجال شفته شويه جبير
بالعمر وبيده كامره كال
خويه تريد صوره اصوركم ذكره
باوعلي ليث ابتسم وكال
اي صورنه بس بيش الصوره
رد
الصوره ببالفين
رحنه اني وليث وكفنه الرجال بس اني من نوع استحي من الصور
كوه واكفه ليث حط يده على ظهري وادم كدامنه وناس تباوع استحيت
كملنه الصوره ورجعنه كلينه وخلصنه وشفنه شلون المطعم ابيض يبيع اكل وعصاير
رحنه اشترينه لبن لادم يريد وطلعنه مشينه شويه الطول البيناتنه فضاعه
مو طبيعي الناس كلها تباوع وتاشر علينه شويه وكعدنه اجت مره جبيره بالعمر كالت
السلام عليكم يمه
رد ليث
وعليكم السلام حجيه تفضلي محتاجه شي
ردت
سلامتك يمه بس عجبتني هاي البنيه اريد اخطبها لابني هاي اخر سنه اله بالجامعه لو قبلتو ان شاء الله من تخلص
السنه يزوجون واسئل الناس كلها تعرفنه بيت ابو ،،،،،،
هاا يمه شكلت
شفت ليث عيونه حمر صارن وعصبي خفت منه كال
حجيه هاي مرتي وهذاابني ترا
ردت
يااا يمه والله مادري عبالي بنتك عذرني وليدي
خلت وراحت وليث كال بعصبيه
امشي نرجع للبيت مانبقى اهنا بعد امداني لو اطلعج بعد
كمنه وصعدنه بالسيارهوهوه يسوق عصبي
رس ضجت اني شعليه يعصب عليه اووف كله
براسي
كال ابو لسان ادم
ماما اتي يماميه يجوج خطب نليد عرس علسي
( ماما انتي يوميه يجوج خطابه نريد عرس عرسي )
ليث من سمع هيج صرخ بعلوو صوته من وره الصرخه سديت اذاناتي كال
ولك اسكت ابن النعال فوك الضيم هذا فوكي يريد عرس ابن النعال
ادم خاف حضني وسكتت ونام زعلان من ليث وصلنه
شلت ادم ونومته بجربايته وسبحت ولبست تراك ورفعت شعري
هوه دخل عصبي للحمام سبح وطلع ومشط وكعد على جربايه
اني رحت نمت يمه سويت نفسي نايمه جرني على كيف نومني على صدره وايده الثانيه على خصري
وكال بصوت ناصي
وين اوديج ويم اضمج كله تريدج مني انتي بنيتي احبج دمعتي
