حسيت شي جرني شفته ليث كال
تعالي ادخلي جوه يلا
دخلت جوه هوه جابلي فراش فرشه بالصاله وكال
نامي اهنا ومااريد مشاكل انتي وريم
هزيت راسي شفته راح للغرفه اني نمت من التعب كعدت على صريخ ريم
تكله
شنو هاي ليش شجابها اهنا خل تطلع يلا
رد عليها بعصبيه
ولج تفتر بالشوارع والجلاب البارحه يركضن وراها كسرت خاطري ودخلتها جوه شصار
سمعت صوت ادم يبجي رحتله اركض شفته طايح بالكاع شلته ونومته بحضني شفته نام حطيته على جربايه
وطلعت ردت افتح الباب اطلع من البيت صاح ليث
وين بعد مااطلعين تبقين اهنا حالج حال ريم
رديت
بس انته طلكتني ومااريد ابقى اهنا اني
رد بعصبيه
ترا ذاك اليوم حاله عصبيه من كلت طالق باطل بعدج مرتي وبعد ماطلعين بشارع يلا روحي لغرفتج
سمعت صوت ريم تبجي دخلت للغرفتي شفت بعده نايم ادم
فتحت الكنتور همزين بعدهن ملابسي طلعت دشداشه
ودخلت للحمام كملت وطلعت مشطت شعري رفعته ورحت يم ادم
احجي رجعت علمودك علمودك رجعت عمري انته بس انته بقيتلي بهاي الدنيا ما عندي احد غيرك عشت بذل بس علمودك
رحت نمت على جربايه كعدت شفت ادم يبجي كمت شلته
فتحت الكنتور لاحضت ملابس ليث ماكو يمكن بغرفته هوه وريم
طلعت ملابس غيرت ملابس ادم وطلعت العاب كمت العبه واضحك فرحانه بي حيل
كضيت يده وخذيته للمطبخ سويتله حليب وطلعت بسكت
لاحضت محد كاعد نايمين بس اني كاعده كعدت ادم اوكل بي واضحك
كمل غسلت المواعين وكملت كعدت بالصاله اني وادم
طلعتله توم وجيري نباوع وحاطه ادم بحضني شفت ليث نزل من فوك مبدل واجه عليه دنك باس ادم
وشاله يبوس بي ورجعه بحضني وكال
مشاكل مااريد مفهوم وديري بالج على ادم
هزيت راسي وهوه شفته صفن يباوعلي وطلع قفل الباب
شفت ادم نعس نومته وحطيته بغرفتي كعدت اباوع للمسلسل شفت ريم نزلت تفرك بعيونها
كالت من وره خشمها كومي سوي غده لا يجي ليوثي من الشغل ونظفي البيت
خفت لا ليث هم يطلعني من البيت وحرمني من ابني كمت سويت دجاج شوي وتمن وزلاطه كملت ونظفت البيت كله
تعبت حيل شويه ونفتح الباب دخل ليث وسد الباب اجه ادم يركض حضن ابو وهوه هم حضنه وشاله
وجايبله حلويه وريم فوك بعد ماشفتها هوه شافني وصعد فوك
نزل هوه وياها هوه كعد وخله ادم بحضنه وريم كاعده يمه
صاح ليث
دموع جيبي غده ترا جوعان
رحت جبت الاكل وحطيته وشلت ادم حطيته يمي اوكل بي واكل
شفتها توكل بليث وتضحك بس هوه احسه ضايج
كمت بسع غسلت مادري شبيها انسي دموع يولي هوه دمر حياتج لا تحبينه انسي حبج اله مسحت دمعتي
ورجعت شلت ادم وانطيته الجهاز كملوو اكل شالته ريم وغسلت المواعين اسوي نفسها زينه كدام ليث الحيه
صار العصر وكال ليث
راح اطلع وافتر ويه جماعتي واخذ ادم وياي واجيب اكل جاهز لا اطبخن مو اسون مشاكل
كالت هيه
صار حبيبي تدلل
هوه خذه ادم وطلع وهيه صعدت فوك واني دخلت بغرفتي
صارت الساعه بل 7 ونااجه لهسه خفت على ادم شويه ونفتح الباب
رحت ركض شلت ادم وحضنته وليث انطاني الاكل حطيته بصينيه واجو همه كلينه وكملنه
اني دخلت للغرفه نومت ادم ونمت اني كعدت الصبح
نزلت ريم بملابس انام ماتستحي غسلت وصعدت ونوبه نزلو ثنينهم تريكنه وخلصنه بس
اليوم جمعه ليث عنده عطله يبقى بالبيت وين ماامشي ليث يباوعلي خفت حيل صار اليل
ردت انام بس انفتح الباب ودخل ليث خفت منه كلت
شسوي اهنا
رد
شنو غير مرتي حرام
رديت ببجي
فدوه لا تتقرب مني
رد
مااسويلج شي لا تخافين
اجه عليه نومني على ايده ويمسح بشعري كال
دموع لهسه تحبيني مو
مارديت
هوه هم ماحجه نمنه كعدت شفته يبوس بوجهي بس من شافني كعدت كام وطلع
سبحت وكملت وطلعت سويت ريوك وكلينه وكملنه شويه ونزلت ريم خايفه
وسمعنه الباب يندك كام ليث فتح الباب ودخل ،،،،،،،،،،،،،،،،،،،،،
يتبع
