شفت ليث كدامي وبيده جنطته ماصدكت هوه مبتسم بسع بدون
تردد رحتله ركض حضنته وبجيت هوه شافني ابجي انصدم ومسح دموعي وكال
شبيج صاير شي دمعه ليش تبجين
رديت واني وابجي
بعد بعد ماتعوفني بحدي اشتاقيتلك وهم اخاف ابقى وحدي
هوه حضني وكال
كافي ياعمري انتي لا تبجين بعد ماعوفج والله بس شسوي شغل
اني سكتت هوه مشاني للغرفه ودخلنه كلي
فدوه اروحلج طلعيلي ملابس
هزيت راسي وطلعتله ملابس تراك نيلي
راح دخل للحمام سبح وطلع اجه نام على جربايه مبين تعبان
اني رحتله فتحت ايده ونمت عليها وهوه جرني وحضني حيل باس راسي
نمنه كعدت شفته نايم خطيه شكله متغير رحت سبحت ولبست تراك
ورفعت شعري سويت ريوك اجبان وبيض سلك ولحليب لادم
بس المصيبه ماعدنه خبز ولا صمون رحت ركض ليث اصيح
دموع : ليث الحك الحك ليث فدوه اكعد
هوه خطيه طفر ويلبس بديه وكال بصيح
شكو شكوو احجي ياهو المات شنو شصار احجي
كلت
شبيك محد مات بس خبز ماعدنه ولا صمون روح جيبلنه فدوه
هوه وجه صار احمر عصب وكال بصيح
ولج مكعدني علمود صمان وهيج صريخين
زعل وطلع اني كلت خطيه لان كعته رجع وادم سبحته وشرب حليب وبقى يباوع
الماشا والدب وليث زعلان مني حته مايباوع لوجهي كاعد يلعب بجهازه على جربايه
رحت يمه بسته بخده وكلت ببرائه
حباب لا تزعل مني اسفه والله
مارد
ضجت حيل رجعت كلت واني حضنته
ليث شبيك اسفه والله ماعيدها بعد
دفعني ماتوقعته يدفعني ضجت حيل رحت للحمام ابجي بقيت يمكن ساعه وطلعت
شفته يبوس بادم ونايم شفته راح رجع للجربايه نام وطفه الضوه
رحت نمت يمه ودمرعي تنزل على المخده ماجان قصدي هيج اكعده
بس هوه ليش دفعني مو كلتله اسفه وعتذرت منه
نمت واني الدمعه بعيني كعدت سبحت وكملت شفته نايم
شفت الساعه بل،12 ونص سويت باميه والحم وتمن هوه شفت٧ كعد وادم غيرت ملابسه وتغدينه بل 2 كملنه وغسلت المواعين ونظفت البيت
تعبت حيل وصخت ملابسي سبحت ولبست دشداشه قصيره
وحطيت مكياج خفيف شفت ادم يلعب بلالعابه بالصاله دخلت للغرفه وشفت ليث كاعد على جربايه ويباوع للخبار
رحت طفيت التلفزيون وحضنته وكلت
فدوه لا تزعل مو عتذرت منك
هوه حضني وباسني وكال
اني زعلت منج لان مايصير هيج تكعدين الشخص النايم لو واحد غيري
جان ضربج
وخرت من حضنه وبست خده وكلت
والله ماعيدها بعد اسفه
هوه حضني بس شفته طلع ورجع بيده ادم نايم نومه
واجه عليه كال
مشتاقلج
حجه هيج ودفعني ونام فوكايه حسيت بي مشتاقلي حسيته صار شويه
عنيف بس تحملت كمل وجرني ونومني على صدره وايده الثانيه على خصري وكال
عمري انتي اموت عليج
مارديت حسيته نام واني هم نمت كعدت باوعت لساعه بل، 3 بليل
عطشت وطلعت اشرب مي دخلت للمطبخ
نصدمت وكفت بمكاني من شفته اي هوه نفسه والله شجابه اهنا
خفت حيل شافني وكال ،،،،،، ،،،،،،، ،،،،،،،
يتبع
ادري حبايبي البارت قصير بس والله ماجاي الحك
